ბიზნეს ასოციაცია შრომის ინსპექციის უფლებამოსილების ნაწილს იწუნებს.ასოციაციის პრეზიდენტი მიიჩნევს, რომ დაანონსებული კანონმდებლობა ბიზნესის ინტერესებს აზიანებს.
„როდესაც ვამბობთ, რომ ხდება ჰარმონიზაცია და ჩვენი დაახლოება ევროკავშირთან, როგორც სახელმწიფოს, ასევე ბიზნესის ინტერესია, რომ ეს დააახლოება მოხდეს ისე, რომ არც დამსაქმებელი დაზიანდეს და არც დასაქმებული. ზოგადად, არ მოხდეს ორგანიზაციების დაზიანება, რომლებიც სხვადასხვა სექტორში ოპერირებენ. იმიტომ გვინდა ევროინტეგრაცია, რომ უფრო მეტად განვავითაროთ ქვეყანა, მეტი ბიზნესი შეიქმნას, მეტი ადამიანი დასაქმდეს“, - აღნიშნა სოსო ფხაკაძემ.
რას იწუნებს ბიზნესი კონკრეტული დეტალები ფხაკაძეს არ დაუსახელებია, აღნიშნა, რომ შენიშვნების პაკეტი მომზადდება და ასოციაცია წევრების ინტერესებს დაიცავს.
შრომის უსაფრთხოების კანონმდებლობა და შრომის ინსპექციის ფუნქციები ერთ-ერთი საკითხი იყო, რომელიც ინვესტორთა საბჭოზე განიხილეს. აღსანიშნავია, რომ ინვესტორთა საბჭო რამდენიმე თვეა არ შეკრებილა. პრემიერ გახარიას ინიციატივით, საბჭოს სხდომები 2 თვეში ერთხელ გაიმართება.
gbc.ge