„ბიზნენისთვის გეგმწბით ცხოვრების ეპოქა დამთავრდა, ეს არის პერიოდი, როდესაც ბიზნესიც კი დღევანდელ დღეს უნდა მოარგოს,“-ასე აფასებს პანდემიის პერიოდს ქართველი დიზაინერი ავთანდილ ცქვიტინიძე.
ახალი კორონავისუსის გამო დაზარალებულმა ტანსაცმლის ბიზნესმა გრძელვადიანი სამუშაო გეგმის დასახვა გადაიფიქრა. მიზეზი ქვეყანაში არასტაბილური მდგომარეობაა და პანდემიის გავლენა დღემდე არ შემსუბუქებულა.ტანსაცმლის სფეროში შექმნილ პრობლემებზე დიზაინერი ავთანდილ ცქვიტინიძე გვესაუბრა, რომელსაც დღემდე რამდენიმე მაღაზია უფუნქციოდ აქვს და როგორც თავად აღნიშნა მისი ბიზნესი კორონავირუსის გამო 100%-ით დაზარალდა.
„ცხოვრბაში პირველად ვარ გეგმის გარეშე, როდესაც მაღაზია გაიხსნება, რა სიტუაციაც ბაზარზე დაგვხვდება იმ სიტუაციას მოვერგებით. ტანსაცმლის დარგი ერთ-ერთი ყველაზე მეტად დაზარალებული სფეროა. დღემდე ვერ ვხსნით მაღაზიებს და კიდევ რამდენხანს გაგრძელდება ეს მდგომარეობა არ ვიცით. ამ გაურკვეველობის გამო ვფიქრობ, რომ გეგმით ცხოვრების ეპოქა დამთავრდა, ეს არის პერიოდი, როდესაც ბიზნესი მხოლოდ მიმდინარე დღეს უნდა მოარგოს.პანდემიის დაწყებიდან დღემდე კუს ნაბიჯებით მივდივართ. ყველაზე მომგებიანი პერიოდი, როდესაც გაყიდვების მაჩვენებელი შედარებით მაღალია დავკარგეთ, ზაფხულისგან განსხვავებით გაზაფხული ყოველთვის მეტად შემოსავლიანი პერიოდი იყო“,-განაცხადა ავთანდილ ცქვიტინიძემ.
დიზაინერის თქმით, ტანსაცმლის მაღაზიების პრობლემა იმაში მდგომარეობს, რომ მომხმარებელს მისი შეძენა მხოლოდ გასინჯვის შემდეგ სურს, რაც ვირუსის გავრცელების დიდ საშიშროებას ქმნის.
“ტანსაცმელის ყიდვას მომხმარებელი მხოლოდ მისი მორგების შემდეგ წყვეტს. ახალი ეტაპი იწყება ყველა სფეროსთვის, ერთი თვე ალბათ ინერციით გავყვებით ბაზარს, შემოდგომიდან კი მივხვდებით სად ვართ და რა ნაბიჯი უნდა გადავდგათ. სხვა გზა არ არის უნდა ვისწავლოთ ამ მდგომარეობაში ცხოვრება. შექმნილი მდგომარეობა არ არის მხოლოდ ჩემი ან ქვეყნის პრობლემა, ესაა გლობალური მდგომარეობა და რაც არ უნდა მოვინდომოთ თუ თავად არ დასტაბილურდა ვითარება, ვერაფერს შევცვლით,“-აღნიშნა ცქვიტინიძემ.
ნათია ლომიძე
ავთანდილ ცქვიტინიძე
