„სახელმწიფომ გადასახადებს მეტი ყურადღება უნდა დაუთმოს და მასზე შეღავათები დააწესოს“-ბიზესის რჩევა მთავრობას

„სახელმწიფომ გადასახადებს მეტი ყურადღება უნდა დაუთმოს და მასზე შეღავათები დააწესოს“-ბიზესის რჩევა მთავრობას

access_time2019-01-03 10:00:49

„ტოიოტა ცენტრი თბილისის“ დამფუძნებელი ირაკლი გურჩიანი მთავრობას რჩევას აძლევს — მთავრობამ ქვეყნის წინსვლისთვის რამდენიმე მიმართულებას განსაკუთრებული ყურადღება უნდა მიაქციოს. კერძოდ, საგადასახადო სისტემას, სოფლის მეურნეობას და უხარისხო საწვავის პრობლემებს.


„სახელმწიფომ გადასახადებს მეტი ყურადღება უნდა დაუთმოს და მასზე შეღავათები დააწესოს. არ აქვს მნიშვნელობა, ეს ეხება ბიზნესს, თუ კონკრეტულ მოქალაქეს. ჩვენი ეკონომიკა სტაგნაციაშია და აუცილებელია მისი გაცოცხლება,“ - ამბობს ირაკლი გურჩიანმა.


ბიზნესმენი სწორედ ქვეყანაში ეკონომიკის გამოცოცხლებაზე საუბრისას განსაკუთრებულ ყურადღებას სოფლის მეურნეობის პროდუქციის დაცულობაზე ამახვილებს. მისი განცხადებით, სოფლის მეურნეობის პროდუქციის დასაცავად ქვეყანაში სპეციალური პოლიტიკაა შემოსაღები.


„ყველა იმ სოფლის მეურნეობის პროდუქციაზე, რომელსაც სხვა ქვეყნებთან ერთად ჩვენ ვაწარმოებთ საბაჟო და აქციზის გადასახადი უნდა ავწიოთ, რათა ქვეყანაში კერძო მეწარმეებს ინტერესი გაუჩნდეთ და ადგილობრივი პროდუქციის წარმოება დაიწყონ,“ - აღნიშნა ირაკლი გურჩიანმა.


ბიზნესმენი, კომპანია “კახური ტრადიციული მეღვინეობის“ (KTW ჯგუფი) დამფუძნებელი ზურაბ ჩხაიძე ხელისუფლებას ურჩევს: კომპეტენტური თანამდებობის პირების მიერ კონკრეტული საკითხების, სხვადასხვა მიმართულებით - ბიზნესპროექტების ფუნდამენტური შესწავლა უნდა ხდებოდეს.


მისი განმარტებით, თანამდებობის პირს სახელმწიფოებრივი აზროვნება უნდა ჰქონდეს და არუნდა ავიწყდებოდეს, რომ იგი ქვეყნისა და ხალხის სამსახურში უნდა იყოს და, მის მიერ,- ნებისმიერი გადაწყვეტილება ქვეყნისა და ხალხის საკეთილდღეოდ უნდა იქნეს მიღებული. არ უნდა ხდებოდეს პიროვნული ურთიერთობების დონეზე გადაწყვეტილებების მიღება. არავის უნდა დაავიწყდეს, რომ თანამდებობა დროებითია.



როგორც ზურაბ ჩხაიძე განმარტავს, დღეს, როცა სახელმწიფოს პოზიცია - ბიზნესის მხარდაჭერაა, პიროვნებები არ უნდა უქმნიდნენ ხელოვნურ ბარიერებს კონკრეტულ ბიზნეს სუბიექტებს და არ უნდა ხდებოდეს ბიზნესპროექტების ხელოვნურად დაბლოკვა.


ბიზნესმენ, კომპანია „ჩემი რანჩოს“ დამფუძნებელ ვანო იოსელიანის განცხადებით, ქვეყანაში განსაკუთრებით პრობლემური რეგიონულ დონეზე მუნიციპალიტეტებთან ურთიერთობაა.მისი თქმით, აუცილებელია რაიონებში მაქსიმალურად შემცირდეს ბიუროკრატია და დაგეგმილი პროექტების შეთანხმება, განხორციელება დროში არ გაჭიანურდეს.


იოსელიანის განმარტებით, ეს პრობლემა ბოლო ათწლეულებია ვერ მოგვარდა და თვითმმართველობა მარტო ამ მთავრობის პრობლემა არ არის. ასევე პრობლემას ქმნის კვალიფიციური კადრების სიმცირეც. „ჩემი სურვილია ის, რომ რაც შეიძლება ნაკლები ბიუროკრატია იყოს“-აღნიშნავს იოსელიანი.


ბიზნესმენი, კომპანია „ჯეოლავის“ დამფუძნებელი გიორგი სვანიძე განმარტავს, რომ ბიზნესმა და ხელისუფლებამ ერთმანეთთან უფრო მეტად უნდა ითანამშრომლოს. საუბარია, ბიზნესის ხელის შეწყობაზე, სწორ რეგულაციებზე.


მისი განმარტებით, თუ ხელისუფლება ბიზნესმენებს უფრო მეტად მოუსმენს, უკეთესი იქნება. „ბიზნესმენი უფრო კარგად ხედავს შიგნით რა პრობლემაა და შესაბამისად, მისი გადაჭრის გზებიც უფრო მეტად იცის, ვიდრე სხვამ.


სვანიძე ბიუროკრატიაზეც საუბრობს და აცხადებს, რომ ეს პრობლემა წლების გასვლასთან ერთად თანდათან გვარდება.გარდა ამისა, ბევრად გაადვილებულია ბიზნესის მართვა და კეთება, რასაც საერთაშორისო ორგანიზაციების მიერ გამოქვეყნებული რეიტინგებიც ადასტურებს. „ამიტომაცაა, რომ ინვესტორები უფრო და უფრო გამოხატავენ საქართველოთი დაინტერესების სურვილს“-აღნიშნავს სვანიძე.


ჩემი რჩევაა, მთავრობამ იმ შესაძლებლობების სრული ანალიზი გააკეთოს, რომელიც ჩვენს გარშემოა, — ამ რჩევას კომერსანტის საშუალებით დღევანდელ ხელისუფლებას ბიზნესმენი, კომპანია ,,ნატახტარის‘‘ კორპორატიული დირექტორი ნიკოლოზ ხუნძაკიშვილი აძლევს.


ხუნძაკიშვილის განმარტებით, უნდა მოხდეს ამ შესაძლებლობების ორი მიმართულებით გამოყენება - გუნდურობით და რესურსებით ათვისება.როგორც ხუნძაკიშვილი განმარტავს, ყველაზე მნიშვნელოვანი რაც გვაკლია, გუნდურობა და გუნდში ლიდერობაა.


ავტორი: სოფო ქსოვრელი 





ამოყირავებული მანქანების ინსტალაციები შსს-ს 40 ათას ლარამდე დაუჯდა, კამპანია #მეტისიცოცხლისთვის ნახევარ მილიონზე მეტი

ამოყირავებული მანქანების ინსტალაციები შსს-ს 40 ათას ლარამდე დაუჯდა, კამპანია #მეტისიცოცხლისთვის ნახევარ მილიონზე მეტი
access_time2020-01-23 20:25:56
2019 წლის აპრილში თბილისის რამდენიმე ადგილად გამოჩნდა დამტვრეული მანქანების ინსტალაციები, რომლის ავტორი და მიზანიც თავიდან “გასაიდუმლოებული” იყო. შსს ამბობდა რომ მათ შესახებ არაფერი იცოდა, მერია კი ერთ-ერთი სარეკლამო კამპანიის ნაწილად მიიჩნევდა. საბოლოოდ, ამოყირავებული და დაზიანებული მანქანები შინაგან საქმეთა სამინისტროს საგზაო უსაფრთხოებისადმი მიძღვნილი სოციალური კამპანიის ნაწილი აღმოჩნდა, რომელიც როგორც რადიო თავისუფლების მიერ შსს-დან გამოთხოვილი საჯარო ინფორმაციის მიხედვით ირკვევა, ჯამში...

ლაგოდეხში შოკოლადის მწარმოებელი ცნობილი შვეიცარიული კომპანია Camille Bloch-ი თხილის პლანტაციებს გააშენებს

ლაგოდეხში შოკოლადის მწარმოებელი ცნობილი შვეიცარიული კომპანია Camille Bloch-ი  თხილის პლანტაციებს გააშენებს
access_time2020-01-23 17:22:11
შოკოლადის მწარმოებელი ცნობილი შვეიცარიული კომპანია Camille Bloch-ი საქართველოში თხილის პლანტაციებს გააშენებს, ქართულ თხილს კი პროდუქტ რაგუსას წარმოებაში გამოიყენებს, - საინვესტიციო პროექტის განხორციელების დეტალებზე საქართველოს პრემიერ-მინისტრმა გიორგი გახარიამ და კომპანიის აღმასრულებელმა დირექტორმა დანიელ ბლოხმა დავოსში გამართული შეხვედრისას ისაუბრეს. Camille Bloch-მა უკვე დაარეგისტრირა კომპანია საქართველოში და მოიძია 651 ჰეტრამდე მიწის ნაკვეთის ლაგოდეხის...

თბილისი – ღარიბი ქალაქი მილიონიანი მოლებით

თბილისი – ღარიბი ქალაქი მილიონიანი მოლებით
access_time2020-01-23 19:30:41
საქართველოს მოსახლეობისთვის სიღარიბე ქვეყნის ერთ-ერთ მთავარ პრობლემად ითვლება. დამოუკიდებლობის მოპოვების დღიდან, ხელისუფლებებს მუდმივად იმის იმედით ირჩევდა მოსახლეობა, რომ ისინი არსებული გაჭირვების დაძლევას და ქვეყნის ეკონომიკურად გამართვას შეძლებდნენ. თუმცა, დღემდე ვერც ერთმა ხელისუფალმა ვერ შეძლო არსებული სიღარიბის მაჩვენებლის დაძლევა. ფაქტია, რომ დღესაც საქართველოში უამრავი ეკონომიკური პრობლება არსებობს, მოსახლეობის შემოსავლები არცთუ ისე მაღალი, თუმცა, მიუხედავად ამისა, თბილისში...

„სასტუმრო „ბუდაპეშტის“ ინვესტორები ვაკის პარკის ტერიტორიაზე მშენებლობის ნებართვას ვერ მიიღებენ და ვერაფერს ვერ ააშენებენ“

„სასტუმრო „ბუდაპეშტის“ ინვესტორები ვაკის პარკის ტერიტორიაზე მშენებლობის ნებართვას ვერ მიიღებენ და ვერაფერს ვერ ააშენებენ“
access_time2020-01-23 16:30:18
სასტუმრო „ბუდაპეშტის“ ინვესტორები ვაკის პარკის ტერიტორიაზე მშენებლობის ნებართვას ვერ მიიღებენ და ვერაფერს ვერ ააშენებენ, - ასე უპასუხა თბილისის ვიცე-მერმა ირაკლი ხმალაძემ სასტუმრო „ბუდაპეშტის“ პროექტის ხელმძღვანელის განცხადებას, რომ ისინი მეტი დროის დაკარგვას აღარ აპირებენ და იანვრის ბოლოს მერიაში განცხადებას შეიტანენ, რომ ისევ ვაკის პარკის მიმდებარე ტერიტორიაზე სასტუმრო „ბუდაპეშტი“...

„თუ ამერიკაში ნეგატიური დამოკიდებულება ჩამოყალიბდა საქართველოს ეკონომიკურ მიმზიდველობასთან დაკავშირებით, ეს ეფექტი მთელ სამყაროზე გადავა“

„თუ ამერიკაში ნეგატიური დამოკიდებულება ჩამოყალიბდა საქართველოს ეკონომიკურ მიმზიდველობასთან დაკავშირებით, ეს ეფექტი მთელ სამყაროზე გადავა“
access_time2020-01-23 14:30:56
ოთხი ამერიკელი კონგრესმენი – ადამ კინზინგერი, ჯერი კონოლი, ელიოტ ენგელი და მაიკლ მაკაული საქართველოს პრემიერ-მინისტრ გიორგი გახარიას წერილით მიმართავენ. როგორც წერილშია აღნიშნული, ისინი შეშფოთებას გამოთქვამენ დაპირებული დემოკრატიულ რეფორმებზე უარისა და ამასთან დაკავშირებით მშვიდობიანი დემონსტრანტების წინააღმდეგ ძალადობის, ასევე ანაკლიის ღრმაწყლოვანი პორტის პროექტის პოლარიზაციის გამო. გარდა ამისა, მათი თქმით, ეკონომიკური ინდიკატორები საქართველოში პირდაპირი...


მსგავსი სიახლეები

up