დეველოპერები მთავრობას იპოთეკური სესხების დასუბსიდირებასთან ერთად ბიუროკრატიული ბარიერების შემცირებას სთხოვენ

დეველოპერები მთავრობას იპოთეკური სესხების დასუბსიდირებასთან ერთად ბიუროკრატიული ბარიერების შემცირებას სთხოვენ

access_time2020-05-28 17:15:45

მთავრობა მოქალაქეებს, ბინის შეძენის მსურველებს  იპოთეკური სესხების 4%-ს, 5 წლის განმავლობაში დაასუბსიდირებს. საუბარია, ყველა იმ ხელშეკრულებაზე, რომელიც წლის ბოლომდე დაიდება. ამის შესახებ საქართველოს პრემიერ-მინისტრმა გიორგი გახარიამ  დღეს დეველოპერული სექტორის მხარდაჭერის ანტიკრიზისული გეგმის პრეზენტაციაზე განაცხადა.


სამშენებლო კომპანია „რედკოს“ დირექტორმა მალხაზ კუნელაურმა „კომერსანტთან“ ანტიკრიზისული გეგმის დეტალებზე ისაუბრა. მან აღნიშნა, რომ მართალია ეს ბიუჯეტისთვის დამატებითი ხარჯია, თუმცა ახლა ამ სექტორში ჩადებული თანხების კომპენსირებას კომპანიები შემდეგ წლებში იმით მოახდენენ, რომ უფრო მეტ გადასახადს გადაიხდიან.


 პრემიერმაც აღნიშნა, რომ სამშენებლო და დეველოპერული სექტორი მნიშვნელოვანია და ეპიდემიოლოგიურმა სიტუაციამ ეს დარგი ძალიან დააზარალა. მთავრობის გეგმა გაყიდვების სტულირებას გულისხმობს, ეს ძალიან მნიშვნელოვანია. მიუხედავად იმისა, რომ ეს ბიუჯეტის ერთგვარი საგადასახადო ტვირთი გამოდის, სამშენებლო დარგი მნიშვნელოვანია ეკონომიკისთვის, ამიტომ აქ ასეთი ფაქტი შეიძლება დავუშვათ, რათა ეს ბიზნესი გადარჩეს, შეინარჩუნოს ლიკვიდურობა, გააგრძალოს განვითარება, რათა შემდეგ დამატებითი გადასახადი შეიტანოს ბიუჯეტში და მეტ სამუშაო ადგილი შექმნას. ამიტომ ახლა მათში ჩადებული თანხების კომპენსირება, ამ კომპანიებისგან შემდეგ წლებში სახელმწიფოს სასარგებლოდ გადახდილი გადასახადებით მოხდება. ვფიქრობ, მოკლე ვადაში დეველოპერული სექტორი მნიშვნელოვან ეფექტს მიიღებს“, - განაცხადა  მალხაზ კუნელაურმა.


მალხაზ კუნელაურის შეფასებით, აღნიშნული გეგმის პარალელურად სხვა პრობლემების მოგვარებაც საჭიროა, მაგალითად ისეთის, რომელიც გაყიდვების ვარდნას უწყობდა ხელს.



„მნიშვნელოვანია, რომ სექტორი მხოლოდ პროცენტის სუბსიდირებით კი არ წავახალისოთ, არამედ ის მომიჯნავე საკითხები, რომელიც გაყიდვების მიმართულებით ქმნიდა პრობლემებს , მაგალითად ბიუროკრატიული პრობლემები, მშენებლობების გახანგრძლივება, ნებართვების გაცემის გადავადება და ა.შ. უფრო სწრაფად გადაწყდეს. დაჩქარებული პროცედურების შემდეგ კომპანია უფრო სწრაფად დაიწყებს საქმიანობის აღდგენას.


მნიშვნელოვანია ისიც, რომ  ბინას ძირითადად გასაქირავებლად იძენენ და საჭიროა ტურიზმის კუთხითაც მნიშვნელოვანი მესიჯების გაჟღერება, რომ ტურიზმის გეგმა არსებობს და ტურისტები შემოვლენ. ამ შემთხვევაში ადამიანები უფრო აქტიურად დაიწყებენ უძრავი ქონების შეძენას. ასევე, გაყიდვები შემცირებული იყო სეხების გაცემის გართულების გამო, ამიტომ მნიშვნელოვანია, რომ ამ სესხის გაცემაც გამარტივდეს“, - განაცხადა მახლაზ კუნელაურმა.


სამშენებლო კომპანია „დომუსის“ დირექტორი ალექსანდრე კორძახია მთავრობის გეგმას დადებითად აფასებს, თუმცა ამბობს, რომ უკეთესი იქნებოდა სუბსიდირება უფრო მაღალბიუჯეტიან ბინებსაც შეხებოდა.

 

„გაცილებით დიდი პაკეტი შემოგვთავაზა მთავრობამ, ვიდრე ველოდით. მნიშვნელოვნად წაადგება ეს სექტორს, მათ შორის დევნილების ბინებით უზრუნველყოფის თემა, ასევე იპოთეკური სესხების წახალისება, ეს ყველაფერი სექტორს ძალიან მალე გამოაცოცხლებს. კარგი გეგმაა, თუმცა ვისურვებდით რომ 200 000 ლარიანი ზღვარი უფრო მაღალი ყოფილიყო ანუ უფრო დიდ ბიუჯეტიან ბინებსაც რომ შეხებოდა, მაგალითად 100 000 დოლარიანზე მაინც. თუმცა, ფაქტია რომ ეს გეგმა დაბალბიუჯეტიანი ბინების გაყიდვებმნიშვნელოვნად გაზრდის“, - განმარტავს ალექსანდრე კორძახია.


აღსანიშნავია, რომ დეველოპერული სექტორის მხარდაჭერის ანტიკრიზისული გეგმის მიხედვით, სუბსიდირება ეხება ყველა იმ სესხს, რომელიც არ აღემატება 200 000 ლარს. სახელმწიფო წყვეტს სუბსიდირებას, თუ რეფინანსირების განაკვეთი ჩამოსცდება 5%-ს. გარდა ამისა,  იპოთეკური სესხის აღება უნდა მოხდეს - 2020 წლის პირველი ივნისიდან, 2021 წლის პირველ იანვრამდე; სახელმწიფო გასცემს გარანტიას იპოთეკურ სესხებზე, გარანტიის ოდენობა არის 20%, შესაბამისად სახელმწიფო არის თანამსესხებელი. გარანტია გავრცელდება სესხებზე, სადაც თანამონაწილეობა აღემატება 10%-ს.


ნინო თამაზაშვილი





კომპანია Emirates-ი 9 ათას თანამშრომელს გაათავისუფლებს

კომპანია Emirates-ი 9 ათას თანამშრომელს გაათავისუფლებს
access_time2020-07-11 12:55:09
ავიაკომპანია Emirates-ის დირექტორის, ტიმ კლარკის განცხადებით, 9 ათასამდე სამუშაო ადგილს გაუქმებას გეგმავენ. მიზეზი პანდემიაა, - ამის შესახებ BBC...

მილიარდერების რეიტინგში ილონ მასკმა უორენ ბაფეტს გადაასწრო

მილიარდერების რეიტინგში ილონ მასკმა უორენ ბაფეტს გადაასწრო
access_time2020-07-11 19:00:04
ამერიკელმა ბიზნესმენმა ილონ მასკმა მსოფლიოს ყველაზე მდიდარი ადამიანების რეიტინგში, რომელსაც ყოველდღიურად ანახლებს Bloomberg-ი, მეშვიდე ადგილი დაიკავა. ამ შედეგით მან საინვესტიციო ფონდ...

2019 წელს ტელევიზიების ჯამური შემოსავალი 13.9%-ით გაიზარდა

2019 წელს ტელევიზიების ჯამური შემოსავალი 13.9%-ით გაიზარდა
access_time2020-07-11 18:00:17
ტელევიზიების ჯამური შემოსავალი 2019 წელს, წინა წელთან შედარებით, 11.3 მლნ ლარით (13.9%) გაიზარდა. ამის შესახებ „საერთაშორისო გამჭვირვალობა - საქართველოს” მიერ გამოქვეყნებულ კვლევაშია...

რას ხედავენ ამერიკელები საქართველოში და ვის მოეთხოვება "ჭკუით მოქცევა"

რას ხედავენ ამერიკელები საქართველოში და ვის მოეთხოვება
access_time2020-07-11 16:00:42
რისი მანიშნებელია ამერიკის საბიუჯეტო კანონპროექტის ჩანაწერი საქართველოსთვის შესაძლო სასჯელის დაწესების თაობაზე? რისი მანიშნებელია ოლიგარქებისა და არაფორმალური მმართველობის ხსენება თანდართულ განმარტებებში? არის ეს დიდი სურათის ნაწილი თუ მხოლოდ ცალკეული კონგრესმენების იდეებია? აქვს ...

თვითდასაქმებულთათვის კომპენსაცია და სირთულეები, რომლებსაც მოვაჭრეები აწყდებიან

თვითდასაქმებულთათვის კომპენსაცია და სირთულეები, რომლებსაც მოვაჭრეები აწყდებიან
access_time2020-07-11 14:00:11
პანდემიისა და ზაფხულის ცხელ დღეების გამო დეზერტირების ბაზრობის დახლებთან სავაჭროდ მისული ადამიანები კანტი-კუნტად შეიმჩნევა. ხანშიშესული ქალები ე.წ. საკიდი დახლებით ქოლგებს აფარებენ თავს და გამვლელებს სხვადასხვა პროდუქციას სთავაზობენ. პანდემიის დროს გამოწვეული სირთულეების შესახებ მოვაჭრებებთან საუბარი გვსურდა, მათი უმრავლესობა მედიასთან...


მსგავსი სიახლეები

up