ბიუჯეტს საპენსიო რეფორმა 120-140 მილიონი ლარი დაუჯდება

ბიუჯეტს საპენსიო რეფორმა 120-140 მილიონი ლარი დაუჯდება

person access_time2016-02-16 09:50:38

სახელმწიფო ბიუჯეტს საპენსიო რეფორმა დღევანდელ რეალობაში 120-140 მილიონი ლარი დაუჯდება. როგორც „კომერსანტს“ საპენსიო რეფორმის სამსახურის ხელმძღვანელმა ოთარ ძიძიკაშვილმა განუცხადა, სახელმწიფოს ხარჯი რამდენიმე ფაქტორზეა დამოკიდებული, მათ შორის საშუალო ხელფასზე, წლიურ ინფლაციაზე და ა.შ.

 

აღნიშნულიდან გამომდინარე ძიძიკაშვილი ამბობს, რომ ბიუჯეტის ხარჯი იმაზე მეტი არ იქნება, ვიდრე დაუბეგრავი მინიმუმის დაბრუნების პროგრამისთვის  წინა წლებში იყო გამოყოფილი.

 

ოთარ ძიძიკაშვილი აცხადებს, რომ რეფორმა იაფი არ დაჯდება, თუმცა, 120-140 მილიონი ლარი არ არის ძალიან დიდი თანხა იმ მასშტაბის რეფორმისთვის, როგორიც საპენსიო რეფორმაა.

 

სახელმწიფო ამ თანხას იმ 2%-იანი წილის დასაფინანსებლად გამოიყენებს, რომელიც საპენსიო ფონდში ყოველთვიურად ჩაირიცხება და რომლიდანაც 2%-2% სახელმწიფოსთან ერთად დამსაქმებელმა და პენსიის დამგროვებელმა უნდა ჩარიცხონ.

 

ნახევრად სავალდებულო, დაგროვებითი საპენსიო სისტემა გულისხმობს, რომ თვეში საპენსიო ფონდში გადარიცხული თანხა დასაქმებულის ხელფასის 6%-ზე ნაკლებს არ უნდა შეადგენდეს, სადაც სახელმწიფო და დამსაქმებელიც თანაბრად შეიტანენ თავიანთ წვლილს. ასეთ შემთხვევაში თუ ხელფასის 2%- თავად პენსიის დამგროვებელი გადაიხდის, დამსაქმებელსა და სახელმწიფოს დამატებით 2%-2%-ის გადახდა დაეკისრებათ.

 

საპენსიო  რეფორმის სამსახურის ხელმძღვანელი აცხადებს, რომ რეფორმას მთავრობაზე უახლოეს ორ კვირაში გაიტანენ, სადაც საუბრი იქნება როგორ საპენსიო რეფორმაზე ასევე კაპიტალური ბაზრის რეფორმაზე.

 

ოთარ ძიძიკაშვილი ამბობს, რომ პარლამენტში პაკეტი ჯერ არ შევა და აქამდე რეფორმის ავტორებს გრძელი გზა აქვთ გასავლელი.


 

„რეფორმა მზად გვაქვს და ახლა ტექნიკურად მუშავდება. მთავრობამ უნდა მიიღოს გადაწყვეტილება და შემდეგ უკვე საკანონმდებლო აქტებზე უნდა დაიწყოს მუშაობა. ამას დასჭირდება დაახლოებით 5 თვე. გვინდა, სისტემა 2017 წლის მეორე ნახევარში ამოქმედდეს, თუ ვერ მოესწრება, გადაიწევს 3 თვით. 2 თვით აქეთ იქნება, თუ 3 თვით იქით, ამას არ აქვს მნიშვნელობა“,- აცხადებს ძიძიკაშვილი.

 

რაც შეეხება კითხვებს, რომლებიც საპენსიო რეფორმის გარშემო არსებობს, გრძელვადიან პერიოდში ინფლაციასა და მსყიდველუნარიანობასთან დაკავშირებით, ძიძიკაშვილი აცხადებს, რომ სახელმწიფო ისეთ სისტემას ქმნის, სადაც ასეთი რისკები მინიმუმამდე იქნება დაყვანილი და პენსიის დამგროვებელს მუდმივად მიეწოდება ინფორმაცია მისი ფულის შესახებ.

 

„ჩვენ ვქმნით ისეთ სისტემას, როდესაც თქვენ მუდმივად მოგეწოდებათ ინფორმაცია. ყოველწლიურად აჯამებთ - რამდენია ინფლაცია, რამდენია მოგება. იმ წელს, როდესაც ინფლაცია უფრო მეტი იქნება, ვიდრე მოგება, ჩათვალეთ, რომ თქვენ წააგეთ. ჩვენ ვქმნით სისტემას, რომელიც მაქასიმალურად იქნება გათვლილი, რომ მოგება იყოს ინფლაციაზე 3%-4%-ით მეტი.

 

ეს არის საინვესტიციო პოლიტიკა, რომელსაც აკონტროლებს სახელმწიფო. მოხდება შემდეგი წლის სტრატეგიის დასახვა, როდესაც იცი ინფლაციის დონე რა გაქვს, როდესაც იცი, პოტენციური მოგება რა შეიძლება გქონდეს. აქედან გამომდინარე ადგენ საინვესტციო სტრატეგიას. თქვენ წინასწარ გეცოდინებათ, სად დაბადნებით რამდენ ფულს მიიღებთ. არის მიმართულება, სადაც უფრო დიდი რისკი შეიძლება იყოს, როგორც მოგების, ასევე წაგების.

 

როდესაც მე, სახელმწიფო,  ვხედავ, რომ ფონდის მოგება იქნება 5% და ინფლაცია მექნება 7%. ამ ფონდს ვეტყვი, რატომ ხდება, რომ 7%-ზე მეტი არ გაქვთ მოგება? შემდეგ ხდება საინვესტიციო სტრატეგიის გადაწყობა ისე, რომ მინიმუმ 7% იყოს მოგება. ეს არის პროცესი“,- აცხადებს ოთარ ძიძიკაშვილი.

 

რაც შეეხება საპენსიო ფონდის მიმართ ნდობის პრობლემას, ოთარ ძიძიკაშვილი აცხადებს, რომ ამ საკითხთან დაკავშირებითაც არსებობს კონკრეტული გეგმა, რომლის გასაჯაროებასაც ამ ეტაპისთვის არ აპირებს.

 

„ფონდი იმდენად გამჭვირველეა, რომ ნდობის ერთ-ერთი წყარო სწორედ ეს იქნება.


ბანკში რომ დებთ ფულს, რა დაცულობა გაქვთ? ენდობით. რატომ? რატომ არის ეს ინსტიტუტი მდგრადი? იმიტომ, რომ სახელმწიფო არეგულირებს ამ სფეროს. სახელმწიფო უყურებს, რომ ბანკი არ გაკოტრდეს, სწორი თამაშის წესები ჰქონდეს, რომ მეანაბრეების უფლებები არ შეიზღუდოს. ამას ხომ სახელმწიფო ქმნის? ასევე შევქმნით დაცულობას სახელმწიფო სისტემაში. თქვენ რომ ანაბარს დებთ, იცით სად მიდის ეს ფული? ჩვენ შემთხვევაში თქვენ ზუსტად გეცოდინებათ, სად არის თქვენი თანხა“,- აცხადებს ოთარ ძიძიკაშვილი.

 

საპენსიო რეფორმაზე საუბარი უკვე წლებია მიმდინარეობს, თუმცა, კონკრეტული ნაბიჯების გადადგმა ახალი ხელისუფლების პირობებში დაიწყო. რეფორმა გულისხმობს ევროპასა და ამერიკაში წლების წინ დანერგილი პრაქტიკის, დაგროვებითი პენსიის, საქართველოში გადმოტანას. პირველ ეტაპზე დაგროვებით პენსიაზე გადასვლა სავალდებულო არ არის და ნებაყოფლობითია. იმ შემთხვევაში, თუ პირი დაგროვებით პენსიაზე გადავა, ის სახელმწიფოსგან პენსიას მაინც მიიღებს. 

 

 

 





ირაკლი კოვზანაძე: ეროვნული ბანკის გადაწყვეტილება საჭირო და აუცილებელია, თუმცა რეალობა აჩვენებს, რომ ცოტა დაგვიანებულია

ირაკლი კოვზანაძე: ეროვნული ბანკის გადაწყვეტილება საჭირო და აუცილებელია, თუმცა რეალობა აჩვენებს, რომ  ცოტა დაგვიანებულია
access_time2019-10-23 16:51:10
„ ეროვნული ბანკის გადაწყვეტილება რეფინანსირების განაკვეთის 1 % -ით გაზრდის შესახებ საჭირო და აუცილებელია, თუმცა რეალობა აჩვენებს, რომ ცოტა დაგვიანებულია, სჯობდა ასეთი ნაბიჯების გადადგმა დაეწყო უფრო ადრე“-ასე გამოეხმაურა პარლამენტის საფინანსო-საბიუჯეტო კომიტეტის თავჯდომარე დღეს მონეტარული პოლიტიკის კომიტეტის მიერ მიღებულ გადაწყვეტილებას. ირაკლი კოვზანაძის თქმით, ეროვნულ ბანკს მონეტარული პოლიტიკის გამკაცრება უფრო ადრე უნდა დაეწყო, იქიდან გამომდინარე, რომ ინფლაცია მნიშვნელოვნად აცდენილია...

გიორგი გახარია - ინფლაციაც არის გამოწვევა ჩვენი ეკონომიკისთვის და ეროვნულ ბანკს აქვს თავის მანდატი, რომელშიც უნდა იმოქმედოს

გიორგი გახარია - ინფლაციაც არის გამოწვევა ჩვენი ეკონომიკისთვის და ეროვნულ ბანკს აქვს თავის მანდატი, რომელშიც უნდა იმოქმედოს
access_time2019-10-23 15:22:20
ეროვნული ბანკის ძირითადი მიზანი გახლავთ ინფლაციის თარგეთირება, – ამის შესახებ საქართველოს პრემიერ-მინისტრმა, გიორგი გახარიამ განაცხადა, რეფინანსირების განაკვეთის ზრდასთან დაკავშირებით ჟურნალისტების კითხვაზე. „ეროვნული ბანკი თავის მანდატში ახორციელებს გარკვეულ ღონისძიებებს. რა თქმა უნდა, ფაქტია და ეს არის მაკროეკონომიკის ლოგიკა, რომ აღნიშნული მომავალ წელს, უახლოესი 6 თვის განმავლობაში შეაფერხებს ეკონომიკურ ზრდას, თუმცა რა თქმა უნდა, ინფლაციაც არის გამოწვევა ჩვენი...

102700 მომხმარებელს რეფინანსირების განაკვეთზე მიბმულ სესხებზე საპროცენტო განაკვეთი გაეზრდება

102700 მომხმარებელს რეფინანსირების განაკვეთზე მიბმულ სესხებზე საპროცენტო განაკვეთი გაეზრდება
access_time2019-10-23 15:13:13
„საზოგადოება და ბანკებმა“ ცვლად საპროცენტო განაკვეთზე მიბმული სესხები მიმოიხილა. 2019 წლის 1 სექტემბრის მდგომარეობით ცვლად საპროცენტო განაკვეთზე მიბმული 102700 სესხია გაცემული. მათი აბსოლუტური უმრავლესობა რეფინანსირების განაკვეთზეა მიბმული. შესაბამისად, მსესხებლებს საპროცენტო განაკვეთი 1 პროცენტული პუნქტით 8.5 პროცენტამდე გაეზარდათ. დღესდღეობით ცვლად საპროცენტო განაკვეთზე მიბმული 5310 მლნ ლარის მოცულობის სესხია გაცემული. 1 აგვისტოდან 1 სექტემბრამდე გაცემული სესხების რაოდენობა...

37,7 მლნ ლარით გაზრდილი შემოსავალი - რა მოგებაზე მუშაობს საქართველოში თურქული TAV-ი

37,7 მლნ ლარით გაზრდილი შემოსავალი - რა მოგებაზე მუშაობს საქართველოში თურქული TAV-ი
access_time2019-10-23 14:12:06
საქართველოში ტურისტების რაოდენობის ზრდა თბილისის და ბათუმის საერთაშორისო აეროპორტების მმართველი თურქული კომპანიის „ტავ ურბან ჯორჯიას“ შემოსავალზეც აისახა. კომპანიის ანგარიშგების მიხედვით, 2018 წელს „ტავ“-ის შემოსავალმა 250,976 მლნ ლარი შეადგინა, რაც 37,704 მლნ ლარით (17,5%) მეტია 2017 წლის მაჩვენებელთან შედარებით (214,272 მლნ ლარი). ამასთან, კომპანიის ანგარიშგების მიხედვით,...

საქართველოს ეროვნულმა ბანკმა მონეტარული პოლიტიკის 1 პროცენტიანი განაკვეთი 8.5 პროცენტამდე გაზარდა

საქართველოს ეროვნულმა ბანკმა მონეტარული პოლიტიკის 1 პროცენტიანი განაკვეთი  8.5 პროცენტამდე გაზარდა
access_time2019-10-23 14:04:46
საქართველოს ეროვნული ბანკის მონეტარული პოლიტიკის კომიტეტმა 2019 წლის 23 ოქტომბრის სხდომაზე რეფინანსირების განაკვეთის 1 პროცენტული პუნქტით, 8.5 პროცენტამდე, გაზრდის გადაწყვეტილება მიიღო. სექტემბერში წლიურმა ინფლაციამ 6.4 პროცენტი შეადგინა. მიზნობრივზე მაღალ ინფლაციას დროებით ფაქტორებთან ერთად ნომინალური ეფექტური გაცვლითი კურსის გაუფასურების ინფლაციაზე გადმოცემა განაპირობებს. პროგნოზის მიხედვით, სხვა თანაბარ პირობებში, ინფლაცია მიმდინარე წელს მიზნობრივი დონის ზემოთ...


მსგავსი სიახლეები

up