გასულ კვირას, „მოდერნას“ გენერალურმა დირექტორმა სტეფან ბენსელმა ბიოტექნოლოგიური კომპანიის მის საკუთრებაში არსებული აქტივები გაყიდა, რითაც 30 მილიონი აშშ დოლარის მოგება მიიღო. ბენსელმა ეს გადაწყვეტილება „მოდერნას“ ვაქცინის წარმატებული ტესტირების შესახებ ცნობების გავრცელების შემდეგ მიიღო, როდესაც ცნობილი გახდა, რომ „მოდერნას“ ვაქცინა შესაძლოა აშშ-ს ბაზარზე Pfizer-ის ვაქცინასთან ერთად გამოჩნდეს. ამის შესახებ ინფორმაციას Bloomberg-ი ავრცელებს.
18 ნოემბერს ბენსელმა 9 ათასი აქტივი გაყიდა, რომლის პირდაპირი მფლობელიც იყო, ამასთან 10 ათასი - რომელსაც ის ირიბად ფლობდა. გაყიდვების საშუალო ფასმა აქტივზე 91,73 დოლარი შეადგინა.
აშშ-ს საფონდო ბირჟის ფასიანი ქაღალდების კომისიის (SEG) ცნობით, „მოდერნას“ გენერალური დირექტორი ერთადერთი არაა კომპანიის ტოპ მენეჯერებიდან, რომელთაც აქტივები გაყიდეს. სამედიცინო განყოფილების ხელმძღვანელმა ტალ ზაქსმა აქციების გაყიდვით 8,2 მილიონი აშშ დოლარის მოგება მიიღო. კომპანიის ყველა ტოპ მენეჯერმა აქტივები 30 მილიონად გაყიდა ვაქცინის წარმატების შემდეგ.
ყველა ხელშეკრულება აშშ-ს შიდა ვაჭრობის კანონის შესაბამისად, ადრე იყო დაგეგმილი. ტრანზაქციები როგორც წესი ავტომატურად ხორციელდება ინსაიდერების ყოველგვარი ჩარევის გარეშე.
16 ნოემბერს „მოდერნამ“ კორონავირუსის საწინააღმდეგო ვაქცინის მესამე ფაზის წინასწარი შედეგები წარადგინა, ის 94,5 % ით წარმატებული აღმოჩნდა. ამ დღესვე ფასიანი ქაღალდების ღირებულება 18 პროცენტით 105 დოლარამდე გაიზარდა. წლის დასაწყისიდან დღემდე კომანიის ფასიანი ქაღალდები 400 პროცენტით გაიზარდა.
RBC.RU
მარიამ მორგოშია