ბინები გაძვირდება და სამშენებლო სექტორში იქნება ისეთივე ოლიგოპოლია, როგორიც საფინანსო სექტორში - ზურაბ გირჩი ჯაფარიძე

ბინები გაძვირდება და სამშენებლო სექტორში იქნება ისეთივე ოლიგოპოლია, როგორიც საფინანსო სექტორში - ზურაბ გირჩი ჯაფარიძე

access_time2021-06-11 14:30:00

„ბინები გაძვირდება და სამშენებლო სექტორში იქნება ისეთივე ოლიგოპოლია, როგორიც საფინანსო სექტორში“, - ასე შეაფასა „გირჩი მეტი თავისუფლების“ ლიდერმა ზურაბ გირჩი ჯაფარიძემ „პალიტრანიუსის“ გადაცემაში „360 გრადუსი“ სამშენებლო საქმიანობის კოდექსში დაგეგმილი ცვლილებები.


საუბარია, ცვლილებათა პროექტზე, რომლითაც შენობა-ნაგებობების ექსპლუატაციაში მიღების გარეშე ფუნქციონირებასთან დაკავშირებული საკითხი რეგულირდება. კერძოდ, ამ ცვლილებებით დაუშვებელი იქნება მოქალაქეების შეყვანა ისეთ შენობაში/კორპუსში, რომელიც არ იქნება სახელმწიფოს მიერ ექსპლუატაციაში მიღებული. ამასთან, აიკრძალება, ელექტროენერგიისა და გაზის შეყვანა ექსპლუატაციაში მიუღებელ შენობა-ნაგებობებში.


ზურა გირჩი ჯაფარიძის შეფასებით, ეს სერიოზული პრობლემაა, რომელსაც არავინ აქცევს ყურადღებას. მისივე შეფასებით, ამ კანონპროექტს ვიღაცეები ლობირებენ.



„მგონია, ეს მსხვილი სამშენებლო კომპანიების ინტერესებშია, რომ წვრილი კომპანიები გაწიონ ბაზრიდან. ცხადია ფეხებზე კიდიათ ის, რომ ბინები გაძვირდება და ბევრი პრობლემები შეიქმნება მოქალაქეებისთვის. მაგალითად, თუ დღეს მოქალაქეს შეუძლია, წავიდეს ბანკში აიღოს სესხი, იყიდოს მშენებარე ბინა, როგორც კი აშენდება გაარემონტოს და გადავიდეს საცხოვრებლად, ხოლო სახელმწიფომ შენობა ამის შემდეგ ჩაიბაროს, ცვლილებების შედეგად, ამის შესაძლებლობა ადამიანებს აღარ ექნებათ.


ვფიქრობ, ძალიან ცოტა ადამიანი გარისკავს მშენებარე კორპუსში ბინის ყიდვას, იმ გათვლით, რომ ეს ბინა აშენდება 3 წლის შემდეგ და ვიღაც ბიუროკრატმა მერიაში შეიძლება თქვას, რომ კორპუსს არ ჩაიბარებს. გარდა ამისა, მეორე ნაწილია ის, რომ სამშენებლო კომპანიებს ახლა შეუძლიათ პატარა კაპიტალით დაიწყონ მშენებლობა, გზადაგზა გაყიდონ ბინები და შემოსული ფულით დააფინანსონ მშენებლობა. ამ რეგულაციების დამტკიცების შემდეგ კი, მთელი ფულის შოვნას და მშენებლობის დაფინანსებას საკუთარი რესურსით, მხოლოდ მსხვილი კომპანიები მოახერხებენ. პატარა კომპანიები ამას ვერ გააკეთებენ, რაც ნიშნავს, რომ ისინი გავლენ ბაზრიდან და სამშენებლო სექტორში იქნება ისეთივე ოლიგოპოლია, როგორიც საფინანსო სექტორში,“-განაცხადა ჯაფარიძემ.


BPN.GE



თეგები:
ბინები



ლარი ყველა ძირითად საერთაშორისო და რეგიონულ ვალუტასთან გაუფასურდა

ლარი ყველა ძირითად საერთაშორისო და რეგიონულ ვალუტასთან გაუფასურდა
access_time2021-07-27 18:00:21
27 ივლისის ვაჭრობის შედეგად ლარი აშშ დოლართან მიმართებაში 0.64 თეთრით 3.0892-მდე გაუფასურდა. Bloomberg-ის პლატფორმაზე კი დღის ბოლოს 3.0930-იანი კურსი დაფიქსირდა. დოლარის მსგავსად ლარი ყველა სხვა ძირითად საერთაშორისო და რეგიონულ ვალუტასთან გაუფასურდა. კერძოდ: ევროსთან 0.38 თეთრით - 3.6409-მდე, ბრიტანულ ფუნტთან 0.67 თეთრით 4.2588-მდე, თურქულ ლირასთან 0.02 თეთრით 0.3604-მდე, აზერბაიჯანულ მანათთან 0.52 თეთრით 1.8159-მდე, 100 რუსულ რუბლთან 2.74 თეთრით 4.1895-მდე, 1000 სომხურ...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-07-27 21:00:12
დღის TOP 10 მნიშვნელოვანი ამბავი:   1. მასობრივი ვაქცინაციის ცენტრები კვირის ბოლომდე მომზადდება იმუნიზაციის პროცესის შეუფერხებლად და კიდევ უფრო სწრაფი ტემპებით წარმართვის მიზნით, მასობრივი ვაქცინაციის ცენტრები მიმდინარე კვირის ბოლომდე უნდა მომზადდეს.   2. რა ღირს ყველაზე ძვირი...

ისრაელის პარლამენტმა გადადო საქართველოს „წითელ სიაში“ შეყვანა

ისრაელის პარლამენტმა გადადო საქართველოს „წითელ სიაში“ შეყვანა
access_time2021-07-27 17:00:45
ქნესეთის (ისრაელის პარლამენტი) იურიდიულ და საკონსტიტუციო საკითხთა კომიტეტმა იმ ქვეყნებს ჩამონათვალის გაფართოების შესახებ კენჭისყრა გადადო, რომელში მოგზაურობაც, წითელის ზონის სტატუსის გამო, ისრაელის მოქალაქეებს შეეზღუდებოდათ პარასკევიდან. საუბარია დიდ ბრიტანეთზე, კვიპროსზე, თურქეთსა და საქართველოზე. კომიტეტეტის თავმჯდომარემ გიდალ კარივმა ისრაელის ხელისუფლებას იზოლაციის წესების აღსრულებასთან დაკავშირებით, აგრეთვე სპეციალური ნებართვის მისაღებად მოქმედი ზომების ეფექტიანობის...

აფბა: დღეს ქვეყანაში საწვავის გაიაფების ყველა წინაპირობა არსებობს

აფბა: დღეს ქვეყანაში საწვავის გაიაფების ყველა წინაპირობა არსებობს
access_time2021-07-27 12:45:13
“ახალგაზრდა ფინანსისტთა და ბიზნესმენთა ასოციაცია“ – აფბა, საწვავის ბაზარზე არსებულ მდგომარეობას აფასებს და აცხადებს, რომ დღეს როგორც საერთაშორისო ბაზარზე ფასწარმოქმნაზე მოქმედი, ასევე ადგილობრივი პარამეტრები იძლევა იმის საშუალებას, რომ საქართველოში დაიწყოს საწვავის გაიაფება.   აფბას განცხადებას უცვლელად გთავაზობთ:   „როგორც საზოგადოებისთვის ცნობილია, მიმდინარე წელს საწვავის ფასი საქართველოში განუხრელად იზრდება. მან ისტორიაში პირველად, გადალახა ყველა...

10-ჯერ მაღალი საპროცენტო სარგებლის მიუხედავად, დეპოზიტების ლარიზაციის მაჩვენებელი 25%-ზე ნაკლებია

10-ჯერ მაღალი საპროცენტო სარგებლის მიუხედავად, დეპოზიტების ლარიზაციის მაჩვენებელი 25%-ზე ნაკლებია
access_time2021-07-27 16:00:19
ბანკებში ფიზიკური პირების დეპოზიტების ლარიზაციის მაჩვენებელი 25%-ზე ნაკლებია. მიუხედავად იმისა, რომ ლარში განთავსებულ ანაბარს თითქმის 10-ჯერ მეტი საპროცენტო სარგებელი ერიცხება და 6 თვეში 5%-ით გამყარდა, ეროვნული ვალუტის მიმართ ნდობა კვლავ დაბალია. მიმდინარე წლის პირველ 6 თვეში ლარში განთავსებული ანაბრის მთლიანი მოცულობა (ფიზიკური და იურიდიული პირები) 1.047 მლრდ-ით 13.903 მლრდ-მდე გაიზარდა, უცხოურ ვალუტაში კი 235 მლნ-ით 21.385 მლრდ-მდე შემცირდა, რისი მთავარი მიზეზიც ლარის...


მსგავსი სიახლეები

up