მილიარდერი ბიბლიოფილი თავის ბლოგში იმ წიგნების სიას აქვეყნებს, რომელთა წაკითხვას ამ ზაფხულში ყველას ურჩევს.
„ეს წიგნები გენდერულ თანასწორობაზე, პოლიტიკურ პოლარიზაციაზე, კლიმატის ცვლილებაზე, და მწარე სიმართლეზეა, რომ ცხოვრება არასდროს ვითარდება ისე, როგორც ახალგაზრდები ფიქრობენ,“ - ამბობს Microsoft-ის დამფუძნებელი.
- ნაომი ალდერმანი - “ძალაუფლება“ (The Power)
2016 წელს დაწერილი სამეცნიერო ფანტასტიკა, ბილ გეიტსს საკუთარმა ქალიშვილმა ურჩია.
სიუჟეტის მიხედვით, ქალებს უვითარდებათ უნარი, ხელებიდან სასიკვდილო ელექტროშოკები გამოუშვან. შედეგად, მდედრობითი სქესი დომინანტური ხდება და მსოფლიოში მატრიარქატი ყალიბდება. წიგნი, რომელიც გენდერულ როლებსა და თანასწორობას ეხება, კრიტიკოსებისგან დიდი მოწონება დაიმსახურა, მათ შორის -The New York Times-ისა და ამერიკის ყოფილი პრეზიდენტის ბარაკ ობამასი.
“წიგნი “ძალაუფლების“ წაკითხვისას, უკეთ გავიაზრე ის სირთულეები, რომელთა წინაშეც ქალები დგანან“- ამბობს ბილ გეიტსი.
- ეზრა კლეინი - “რატომ ვართ პოლარიზებული“ (Why We’re Polarized)
ეზრა კლეინი, პოლიტიკური პოლარიზაციის მიზეზებს ფსიქოლოგიური კუთხით განიხილავს.
იგი ამტკიცებს, რომ ჯგუფები რომლებთანაც ადამიანები იდენტიფიცირდებიან, მათ შორის პოლიტიკური პარტიებთან, დიდ გავლენას ახდენს არა მხოლოდ მათ გადაწყვეტილებებზე, არამედ სამყაროს აღქმაზეც.
„წაიკითხეთ ეს წიგნი, თუ გსურთ გაიგოთ დღესდღეობით, როგორ ვითარდება პოლიტიკური მოვლენები,“- წერს გეიტსი.
- ამორ თაუელსი - “ლინკოლნის გზატკეცილი“ (The Lincoln Highway)
წიგნის სიუჟეტი, 1954 წლის ივნისში ვითარდება და მოგვითხრობს ახალგაზრდა ბიჭისა და უმცროსი ძმის თავდაუვიწყარ ისტორიას. მათი დედა დიდი ხნის გარდაცვლილია, მამა - მძიმედ დაავადებული, ხოლო უფროსი ძმა მკვლელობის გამო ციხეში იჯდა. ახლად გათავისუფლებული ემეტ უოტსი პატარა ძმასთან ერთად მიზნად დაისახავს მშობლიური ნებრასკის დატოვებასა და ახალი ცხოვრება დაწყებას.
- კიმ სტენლი რობინსონი - “მომავლის სამინისტრო” (The Ministry for the Future)
რომანი “მომავლის სამინისტრო“ სამეცნიერო ფანტასტიკის ჟანრს მიეკუთვნება. მოქმედება ახლო მომავალში მიმდინარეობს. მთავარი თემატიკა კლიმატის ცვლილებაა, - რომლის შეჩერებასაც საერთაშორისო ორგანიზაცია ცდილობს.
თავად გეიტსი გარემოს დაცვის აქტივისტია. მან გასულ წელს საკუთარი წიგნიც კი დაწერა ამ საკითხთან დაკავშირებით. როგორც ის აღნიშნავს, რობინსონი თავის რომანში კლიმატის ცვლილების შესაჩერებლად უამრავ დამაინტრიგებელ იდეას გვთავაზობს.
- ვაცლავ სმილი -როგორ მუშაობს სამყარო რეალურად: მეცნიერება იმის მიღმა, თუ როგორ მოვხვდით აქ და საით მივდივართ“ (How the World Really Works: The Science Behind How We Got Here and Where We’re Going)
ბილ გეიტსმა 2017 წელს დაწერა, რომ სმილის დაწერილი 37-ვე წიგნი წაიკითხა. მისი წიგნები, სოფლის მეურნებოდიან დაწყებული სუფთა ერნერგიის მოპოვებით დასრულებული, ფართო თემატიკას მოიცავს.
“ვაცლავ სმილის ახალი წიგნების გამოსვლას ისეთივე მოუთმენლობით ველოდები, როგორც სხვები “ვარსვლავური ომების“ შემდეგ სერიას,“- ამბობს ბილ გეიტსი.
ბილ გეიტსის თქმით, იმის მიუხედავად, რომ სმილის შემოქმედება სახელმძღვანელოსავით იკითხება, ის მაინც, უფრო მეტად ფართოა უდიტორიაზეა გათვლილი.
წყარო: cnbc.com
ბილ გეიტსი
