„ბიძინა ივანიშვილი რომ ვიყო, ყველას ავცრიდი და ქვეყანას ოაზისად ვაქცევდი, სადაც ტურისტიც სიამოვნებით შემოვიდოდა“ - ტურიზმის ექსპერტი

„ბიძინა ივანიშვილი რომ ვიყო, ყველას ავცრიდი და ქვეყანას ოაზისად ვაქცევდი, სადაც ტურისტიც სიამოვნებით შემოვიდოდა“ - ტურიზმის ექსპერტი

access_time2021-05-09 12:00:28

ტურისტულ ინდუსტრიაში მომუშავე ორგანიზაციები, სადაც დასაქმებული პერსონალის უმრავლესობა ვაქცინირებული იქნება, ჩაითვლება ე.წ. კოვიდუსაფრთხო ობიექტებად, – ამის შესახებ ეკონომიკის მინისტრმა, ნათია თურნავამ მთავრობის ადმინისტრაციაში გამართულ ბრიფინგზე განაცხადა.


როგორც მინისტრმა აღნიშნა, ტურისტულ ინდუსტრიაში დასაქმებული პერსონალის ვაქცინაციის პროცესში ჩართვით აღნიშნული სექტორი სწრაფად აღდგება.


„დღეს საკმაოდ მნიშვნელოვანი გადაწყვეტილება მივიღეთ უწყებათაშორის საკოორდინაციო საბჭოზე. პრემიერ-მინისტრის დავალებით გადავწყვიტეთ, რომ ტურისტული ინდუსტრია იქნება პრიორიტეტული ჯგუფი ვაქცინაციის კონტექსტში, რადგან ჩვენთვის ძალიან მნიშვნელოვანია, რომ რაც შეიძლება სწრაფად აღვადგინოთ ტურისტული სექტორი. ეს შესაძლებელია სწრაფი ვაქცინაციით. აქედან გამომდინარე, ჩვენ და ტურიზმის ადმინისტრაცია ვიმუშავებთ სხვადასხვა ტურისტულ ასოციაციასთან, რათა რაც შეიძლება სწრაფად შედგეს რესტორნების, სასტუმროების, ტუროპერატორი კომპანიების თანამშრომლების სიები და მოხდეს მათი ნებაყოფლობითი ორგანიზებული ვაქცინაცია.


შედეგად, ის ორგანიზაციები, კომპანიები, სადაც დასაქმებული პერსონალის უმრავლესობა ვაქცინირებული იქნება, ჩაითვლება ე.წ. კოვიდუსაფრთხო სასტუმროებად, კოვიდუსაფრთხო რესტორნებად, კოვიდუსაფრთხო კომპანიებად და ჩვენ, ყველა საერთაშორისო პლატფორმაზე, ყველა ჩვენ ხელთ არსებული მარკეტინგული შესაძლებლობით გავუწევთ მათ „პრომოუშენს“. მთელი მსოფლიო შეიტყობს, რომ საქართველოში ესა თუ ის რესტორანი, ესა თუ ის სასტუმრო არის კოვიდუსაფრთხო. ეს ძალიან დაგვეხმარება, რომ სწრაფად აღდგეს ტურისტული ინდუსტრია. იცით, რომ პრაქტიკულად ყოველკვირეულად გვემატება ახალი ფრენები. ავიაკომპანიები საერთაშორისო ფრენებს აღადგენენ და ახალ მიმართულებებსაც აცხადებენ. ახლა მთავარი კომპონენტი არის უსაფრთხო მასპინძლობა. სწორედ ამ გზით, ამ გადაწყვეტილებით ჩვენ ამ უსაფრთხო მასპინძელი ქვეყნის სტატუსს გავატარებთ პრაქტიკაში“, – განაცხადა მინისტრმა.


როგორ იმუშავებს ეს ინიციატივა და რამდენად იმოქმედებს ტურიზმის აღდგენაზე? აღნიშნულ ინიციატივას "ჯორჯიან თაიმსთან" საუბარში ტურიზმის ექსპერტი სიკო გეგიაძე გამოეხმაურა.



"ეს ინიციატივა, რა თქმა უნდა, კარგია. ცუდი ამაში არაფერი არ არის, თუკი იმ ადამიანებს აცრიან, ვისაც ტურისტთან შეხება აქვს. მაგრამ, ეს ხელს არ შეუწყობს საქართველოში ტურიტების შემოდინებას. სხვა რამეა საჭირო, თუნდაც სასაზღვრო რეჟიმის დარეგულრება და ცოტა მეტი აქტიურობა. რაც უფრო მეტი ადამიანი აიცრება ამ ქვეყანაში და დაჩქარებულად, - უკეთესია. ასევე, კარგია თუ ის ადამიანები აიცრებიან, რომელბიც უცხოელებს ქალაქში ხვდებიან, როცა ისინი ფეხით გადაადგილდებიან. ეს არ ცვლის ქვეყანაში არსებულ სიტუაციას, მაგრამ კარგი ინიციატივაა,"- აცხადებს ექსპერტი.


როგორც სიკო გეგიაძე აცხადებს, საქართველოში ტურიზმის გაცოცხლება შეუძლებელია.


"იქამდე, სანამ სხვა ქვეყნებში, მაგალითად თურქეთში, ევროპაში შეზღუდული რეჟიმი იქნება და სიტუაცია არ დასტაბილურდება, ტურიზმის აქტივობაზე და გაჯანსაღებაზე ვერ ვისაუბრებთ. მაგრამ, ჩვენ შეგვიძლია ვიყოთ ძალიან კარგი ჰაბი ორჯერ აცრილი ტურისტებისთვის. შეგვიძლია შეღავათები გამოვაცხადოთ როგორც უცხოელებისთვის, ასევე, ჩვენი მოქალაქეებისთვის, რომლებიც უკვე ორჯერ აიცრნენ. წელს ამ ნიშის დაკავებაა შესაძლებელი.


რაც შეეხება თვითონ ქვეყანას, მოსახლეობამაც და ხელისუფლებამაც ქვეყანას უნდა მივხედოთ, თუკი ტურიზმის განვითარება გვინდა. არ შეიძლება ტურიზმი განვითარდეს და რუსთაველზე იყოს მიტინგი, არ შეიძლება იყოს ანტივაქსერული ძალა, რომელიც ოპოზიციურ მოძრაობად იქცა. ხალხის შეგნება უნდა გაიზარდოს. როცა ქვეყანა გარედან ასეთი ჩანს, იქ ორჯერ აცრილი ტურისტიც არ შემოვა.


უამრავი ქვეყანაა, სადაც ტურისტს აქვს შესაძლებლობა, წავიდეს და იმოძრაოს. განსაკუთრებით სინგაპური, ფილიპინები - მწვანე ქვეყნებია, სადაც, მიდიხარ და არაფრის შიში არ გაქვს. რატომ უნდა შემოვიდეს საქართველოში ტურისტი? ამ კითხვას ხომ უნდა გავცეთ პასუხი?! არ გვაქვს არგუმენტი თუ რითი ვჯობივართ სხვა ქვეყანას. ეს პოლიტიკური მოვლენები, შეზღუდვების დარღვევები, ანტივაქსერული გამოსვლები - ევროკავშირში ჩვენი ქვეყნის ანტირეკლამაა, რომელიც ბუმერანგივით გვიბრუნდება. ამას ემატება მთავრობა, რომელიც ამ ყველაფრის საპასუხოდ ვერაფერს აკეთებს და პირიქით, აყოლილები არიან ამ მოვლენებს. მეორე არის ის, რომ ქვეყანაში ეპიდემიოლოგიური ვითარება მძიმეა და ადამიანებს პირბადეს ვერ ვაკეთებინებთ, -განსაკუთრებით, თბილისის გარეთ. ეს ყველაფერი გვაძლევს იმის იმის საფუძველს, ვიფიქროთ, რომ წელს ქვეყანაში ტურიზმის აყვავება მოსალოდნელი არ არის. სამწუხაროდ, რეალობა ასეთია,"- განმარტავს სიკო გეგიაძე.


მისი თქმით, ქვეყანაში შიდა ტურიზმის განვითარებაც არაფრის მომცემია.


"როგორ შეიძლება განვითარდეს შიდა ტურიზმი, როცა ქვეყნაში კეტავ ყველაფერს: ტრანსპორტს, ქალაქებს, აცხადებ ლოქდაუნებსა და წერტილოვან შეზღუდვებს? როგორ შეიძლება ამ პირობებში შიდა ტურიზმის განვითარება? თუკი კონტაქტს გვიკრძალავენ როგორ გადავადგილდეთ? ძალიან რთული ვითარებაა. მოსახლეობამ, ოპოზიციამ და ხელისუფლებამ უნდა იფიქროს და როგორღაც უნდა გამოვძვრეთ ამ სიტუაციიდან. ჩვენ პატარა ქვეყანა ვართ და შეგვიძლია ჩვენს თავს მოვუაროთ. სულ 3 მილიონ ნახევარი ვართ. მე მაგალითად, ყველას ავცრიდი ბიძინა რომ ვიყო ივანიშვილი. ვიყიდდი უბრალოდ ამდენ ვაქცინას და ყველას გავუკეთებდი. ამის შემდეგ პატარა ოაზისი მექნებოდა მსოფლიოში, სადაც ხალხი შემოვიდოდა და განვითარდებოდა ყველაფერი. არ კეთდება არაფერი! თუ ეს არ კეთდება პირბადე მაინც გავიკეთოთ,"- აცხადებს სიკო გეგიაძე.


geotimes.ge





საქართველოში ელექტრომომარაგება აღდგა

საქართველოში ელექტრომომარაგება აღდგა
access_time2021-06-14 17:46:59
თბილისსა და საქართველოს რეგიონებში ელექტრომომარაგება, სისტემური ავარიის შემდეგ, მთლიანად აღდგა. ამის შესახებ საქართველოს "სახელმწიფო ელექტროსისტემაში"...

14 ივნისი - რეგიონში მხოლოდ ქართული ლარი გაუფასურდა

14 ივნისი - რეგიონში მხოლოდ ქართული ლარი გაუფასურდა
access_time2021-06-14 18:00:57
14 ივნისის ვაჭრობაზე დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 7 პუნქტით გამყარდა. შედარებისთვის, დაახლოებით 112 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 14 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.2040 ლარი გახდა (ეს კურსი 15 ივნისს შევა ძალაში). ქართული ვალუტით ვაჭრობა Bloomberg-ზე...

ხვალიდან „ბელავია“ საქართველოში რეისებს აორმაგებს

ხვალიდან „ბელავია“ საქართველოში რეისებს აორმაგებს
access_time2021-06-14 18:45:14
ბელარუსულმა ავიაკომპანიამ „ბელავია“ გაავრცელა ინფორმაცია, რომ საქართველოსთან პირდაპირი ფრენების რაოდენობას 15 ივნისიდან მნიშვნელოვნად გაზრდის. „15 ივნისიდან ბათუმის რეისების რაოდენობა გაორმაგდება – კვირაში 7–დან 14–მდე. „ბელავია“ საქართველოს მთავარ საზღვაო ქალაქში დღეში ორჯერ იფრენს. 15 ივნისიდანვე იგეგმება თბილისის მიმართულებით ფრენების სიხშირის გაზრდაც – ნაცვლად არსებული 7 რეისისა კვირაში – 11 რეისამდე. ოთხი რეისი დაემატება: სამშაბათობით, ოთხშაბათობით და შაბათ–კვირას“, – განაცხადეს...

ნატო–ს სამიტზე არ დასახელდება საქართველოს და უკრაინის გაწევრიანების ვადები

ნატო–ს სამიტზე არ დასახელდება საქართველოს და უკრაინის გაწევრიანების ვადები
access_time2021-06-14 16:50:28
ნატო–ს სამიტზე საქართველოსა და უკრაინის ალიანსში გაწევრიანებასთან დაკავშირებით არავითარი თარიღები და შესაძლო ვადები არ დასახელდება, მხოლოდ დადასტურდება, რომ ნატო–ს კარი ღიაა და ამ პროცესში რუსეთს ვეტოს უფლება არ გააჩნია. ამის შესახებ ჩრდილოატლანტიკური ალიანსის გენერალურმა მდივანმა იენს სტოლტენბერგმა გერმანიის მარშალის ცენტრში ონლაინ–დისკუსიის დროს განაცხადა, რომელიც ნატო–ს სამიტის დაწყებას უძღოდა წინ. „საქართველოსა და უკრაინასთან მიმართებაში ჩვენ ბუქარესტის სამიტზე (2008 წლის აპრილი....

კაპიტალის ბაზარი მოწმენდილ მინდორზე არ ვითარდება

კაპიტალის ბაზარი მოწმენდილ მინდორზე არ ვითარდება
access_time2021-06-14 16:45:54
საქართველოს ფინანსთა მინისტრი ლაშა ხუციშვილი პარლამენტში მინისტრის საათზე დეპუტატებს დაეთაბნხმა, რომ  კაპიტალის ბაზარი განუვითარებელია და მხოლოდ ერთეული ტრანზაქციები ხორციელდება. მისივე თქმით, „მოწმენდილ მინდორზე კაპიტალის ბაზარი არ ვითარდება“. „ჩვენ შემოვიღეთ კაპიტალის ბაზრის დაბეგვრის ძალიან ლიბერალური რეჟიმი. პრაქტიკულად, ყველა მიმართულებით ჩვენ გავანულეთ განაკვეთები. დავხვეწეთ საკანონმდებლო გარემო და მივუახლოვეთ საუკეთესო საერთაშორისო სტანდარტებს. საპენსიო რეფორმით შევქმენით...


მსგავსი სიახლეები

up