„ბიძინა ივანიშვილი ერთადერთი პასუხისმგებელია არსებულ დესტაბილიზაციაზე და ასევე ერთადერთია, ვისაც ყველაფრის შეჩერება შეუძლია“ - ფადი ასლი

„ბიძინა ივანიშვილი ერთადერთი პასუხისმგებელია არსებულ დესტაბილიზაციაზე და ასევე ერთადერთია, ვისაც ყველაფრის შეჩერება შეუძლია“ - ფადი ასლი

access_time2019-11-18 20:00:53

„დღეს ეს დემონსტრანტები თუ გაიყვანეს პარლამენტის შენობის მიმდებარე ტერიტორიიდან, ხვალ ისევ დადგებიან და ეს პროცესი არასდროს დასრულდება, შესაბამისად, გაგრძელდება ქვეყნის არასტაბილური მდგომარეობაც. არ უნდა დაგვავიწყდეს, რომ ბიძინა ივანიშვილმა პირობა დაარღვია და აზრი შეიცვალა არჩევნების პროპორციულ სისტემაზე გადასვლასთან დაკავშირებით, ის ერთადერთია ვისაც უნდა ვადანაშაულებდეთ. ივანიშვილი ამბობს,  რომ მისმა პარლამენტარებმა უღალატეს, მაგრამ ამას ორი წლის ბავშვიც კი არ დაიჯერებს.  ჩვენ გვჭირდება დაძაბულობის და ძალადობის შეჩერება, ყველა ერთ მაგიდასთან უნდა შეიკრიბოს და კრიზისიდან გამოსავალი მოიძებნოს.“ - ასე აფასებს ფადი ასლი რუსთაველის გამზირზე მიმდინარე პროცესებს და პროპორციულ არჩევნებთან დაკავშირებულ პროტესტს მოსახლეობისგან.


შეგახსენებთ, რომ ცოტა ხნის  წინ სპეციალური დანიშნულების რაზმის წევრებმა პარლამენტის ყველა შესასვლელი აქციის მონაწილეებისგან წყლის ჭავლისა და ცრემლსადენი გაზის მეშვეობით გაათავისუფლეს.


სამართალდმცავებმა ტერიტორიიდან აქციის რამდენიმე მონაწილეც გაიყვანეს. ჯერჯერობით დაკავებულთა რაოდენობა უცნობია. ასევე, აქციის დაშლისას რამდენიმე ადამიანი დაშავდა.



„ხალხს აქვს უფლება გამოვიდეს ქუჩაში, გააპროტესტოს, შენობის პიკეტირება მოახდინოს - ეს ყველაფერი კანონიერია, მაგრამ ხალხს არ აქვს უფლება ადმინისტრაციის საქმიანობას ხელი შეუშალოს, მისი პარალიზება მოახდინოს. თუ გავითვალისწინებთ, რომ დემონსტრანტებმა პარლამენტის საქმიანობას შეუშალეს ხელი, ეს კანონის ფარგლებს გასცდა. მთავრობას აქვს უფლება პარლამენტი გახსნას. ყველაფერს ვადევნებდი თვალს და პოლიციის ქმედება, რომ არასაზიანო იარაღი გამოეყენებინათ ნორმის ფარგლებში მომეჩვენა. მთავრობა მართალია თუ მტყუანი, ეს დესტაბილიზაციას ქმნის, მთელი პასუხისმგებლობა ბიძინა ივანიშვილს ეკისრება.  პირობის დარღვევა მისთვის პირველი შემთხვევა არ არის, ის პირველი გამომწვევია ყველა დესტაბილიზაციის და ასევე ის არის ერთადერთი ვინც ამ პრობლემას მოაგვარებს. მან ეს ძალიან კარგად იცის.“ - აღნიშნა ფადი ასლიმ.

 

ბიზნესწრეებში მიიჩნევენ, რომ დესტაბილიზაცია და მერყევი პოლიტიკური სიტუაცია, ასევე 2020 წლის მოსალოდნელი საპარლამენტო არჩევნები არა მხოლოდ არასახარბიელო პოლიტიკურ ფონს ქმნის , არამედ უარყოფითად აისახება ბიზნესგარემოსა და ინვესტიციებზე. ბიზნესმენ ფადი ასლის თქმით, არსებული მდგომარეობა დიალოგის გზით შეიძლება დარეგულირდეს, მანამდე კი საქართველოს ეკონომიკასა და ბიზნეს გარემოს მძიმე წელი ელოდება.

 

„მე ვთქვი, რომ ძალიან რთული და გამოწვევებით სავსე წელი იქნება იმიტომ, რომ დესტაბილიზაციის რამდენიმე ტალღამ მოიცვა ქვეყანა.  2020 წლის ოქტომბრის არჩევნების მოახლოებასთან ერთად არ აქვს ბიზნესს მომავლის დანახვის საშუალება,  ხალხმა არ იცის რა მოხდება არჩევნებზე და მის შემდეგ.  ბიზნესები არ რისკავენ ბიზნესების გაფართოებას. რაც შეეხება უცხოელ ინვესტორებს, არავის არ გაუჩნდება სურვილი საქართველოსკენ გამოიხედოს მაშინ, როცა ბიძინა ივანიშვილი ასეთი არამეგობრიულია უცხოელი ინვესტორების მიმართ. ამ მდგომარეობას პოლიტიკური არასტაბილურობა დაემატა და შეგვძლია კარგა ხნით დავივიწყოთ პირდაპირი უცხოური ინვესტიციები. მე დიალოგის მჯერა, მჯერა, რომ ყველა მხარემ უნდა სცადოს ქვეყნის გადარჩენა, არ აქვს მნიშვნელობა ვინ იქნება ქვეყნის სათავეში და ძალაუფლებას ვინ აიღებს, ახლა საქართველო საფრთხეშია.“ - აღნიშნავს ფადი ასლი „კომერსანტთან“ საუბრისას.


მარიამ მორგოშია


თეგები:
ფადი ასლი



შეაფერხეს თუ არა ბანკებმა საქართველოს საფონდო ბირჟის განვითარება?- მამუკა ხაზარაძის პასუხი

შეაფერხეს თუ არა ბანკებმა საქართველოს საფონდო ბირჟის განვითარება?- მამუკა ხაზარაძის პასუხი
access_time2020-09-19 14:49:13
ის, რომ დღეს საქართველოს საფონდო ბირჟა განვითარებული არ არის, არის თუ არა მეტწილად ბანკების ბრალი, როგორც ამას ფინანსისტთა ნაწილი მიიჩნევს და შეუშალეს თუ არა მათ ხელოვნურად ხელი ბირჟის განვითარებას, ამ კითხვით Forbes Talks-ში წამყვანის მიერ დასმულ კითხვას „ლელო საქართველოს“ თავმჯდომარემ მამუკა ხაზარაძემ უპასუხა. პოლიტიკაში წასული ბიზნესმენი კატეგორიულად ამბობს, რომ არა! მისი თქმით, აქ პრობლემა რეგულაციებშია. ხაზარაძე Forbes Georgia-ს მთავარ რედაქტორთან ინტერვიუში ეროვნული ბანკის...

ინდივიდუალური კალამი, პირბადე, ფარი, დეზინფექცია ყოველ 3 სთ-ში - რა წესების დაცვა მოგიწევთ არჩევნებზე

ინდივიდუალური კალამი, პირბადე, ფარი, დეზინფექცია ყოველ 3 სთ-ში - რა წესების დაცვა მოგიწევთ არჩევნებზე
access_time2020-09-14 14:15:25
ცენტრალურმა საარჩევნო კომისიამ უკვე გამოაქვეყნა რეკომენდაციები, თუ რა წესების დაცვა იქნება სავალდებულო საარჩევნო უბნებზე 31 ოქტომბერს დაგეგმილ არჩევნებზე. შემუშავებული რეკომენდაციების თანახმად, აღსანიშნავია, რომ უბნებზე მისულ ამომრჩეველს თერმოსკრინინგი არ ჩაუტარდება და ამასთან, მათ ინდივიდუალური კალმების გამოყენების საშუალება ექნებათ. ცესკოს მიერ შემუშავებული რეკომენდაციები ასე გამოიყურება: კენჭისყრის შენობის შესასვლელთან უნდა განთავსდეს დეზობარიერი (კოლექტიური დაცვის...

პროგრამის - აწარმოე საქართველოში 17 ბენეფიციარს ქონება ჩამოერთვა

პროგრამის - აწარმოე საქართველოში 17 ბენეფიციარს ქონება ჩამოერთვა
access_time2020-09-19 13:45:14
“აწარმოე საქართველოში“ პროგრამის ფარგლებში აღებული ვალდებულებების შეუსრულებლობის გამო, პროგრამის ამოქმედებიდან დღემდე ქონება 17 კომპანიას ჩამოერთვა. აღნიშნული ინფორმაცია BM.GE-მ ქონების მართვის სააგენტოდან გამოითხოვა. ქონებაჩამორთმეულ კომპანიებს შორისა: შპს “იბერია ევრო პრო”შპს “აილამა”შპს “ენ-ეიჩ-ელ 43 “შპს “წალკის რძის პროდუქტები” ( ხელშეკრულება შეწყდა ვალდებულებების შესრულების ვადის დადგომამდე, მოსალოდნელი შეუსრულებლობით)შპს „ხევი“შპს “ნ.გ...

კახა ბენდუქიძე: ამბობენ, რომ სააკაშვილის დროს ბევრ სფეროში დიდი დარღვევები იყო და ეს მართალია

კახა ბენდუქიძე: ამბობენ, რომ სააკაშვილის დროს ბევრ სფეროში დიდი დარღვევები იყო და ეს მართალია
access_time2020-09-19 14:45:19
„სააკაშვილმა მეკვიდრეობით მიიღო ფაქტიურად მომაკვდავი ქვეყანა თავისი ყველა მაჩვენებლით, არანაირი სახელმწიფოებრიობის ნიშნებით. ამავე დროს, არ იყო დრო, არ იყო კადრები, არც ფული, მაგრამ ჩვენ გვესმოდა, რომ უნდა გვემოქმედა ძალიან სწრაფად და შეუპოვრად. ქვეყნისთვის ყველაზე მთავარი საშიში პრობლემა იყო კორუფცია და დანაშაული. ამით დაინფიცირებული იყო საქართველოს სხეულის ყველა უჯრედი. საჭირო იყო გადაგვერჩინა მთლიანად სხეული და არა მისი ცალკეული ორგანოები და ჩვენ...

უნივერსიტეტებს უცხოელი სტუდენტების დაკარგვის ეშინიათ

უნივერსიტეტებს უცხოელი სტუდენტების დაკარგვის ეშინიათ
access_time2020-09-19 12:00:34
საქართველოს უმაღლეს სასწავლებლებში 13 000-ზე მეტი უცხოელი სტუდენტი სწავლობს. ახალი სასწავლო წელი მათთვის და მათი სასწავლებლებისთვის გამკაცრებული რეგულაციებით და გაზრდილი ხარჯით იწყება....


მსგავსი სიახლეები

up