ბიას მორიგ რეგიონალურ შეხვედრას ბათუმი უმასპინძლებს

ბიას მორიგ რეგიონალურ შეხვედრას ბათუმი უმასპინძლებს

access_time2019-04-15 15:59:21

17 აპრილს, 15:00 საათზე, ბათუმში, სასტუმრო "რადისონ ბლუ ბათუმში", B Talks-ის ფარგლებში, ბიას მორიგი შეხვედრა - “ადგილობრივი ბიზნესის გამოწვევები და განვითარების ახალი შესაძლებლობები” გაიმართება. B Talks ბათუმი  ევროკავშირისა და გაეროს განვითარების პროგრამის(UNDP) მხარდაჭერით იმართება და მას აჭარის რეგიონში მოქმედი კომპანიების წარმომადგენლები დაესწრებიან.


შეხვედრაზე განხილული იქნება ინვესტიციების მოზიდვის და ახალი  ბაზრების ათვისების გზები, ბიზნესის უფლებების დაცვა, ტურიზმის განვითარება რეგიონში და ბიზნესისთვის აქტუალური სხვა საკითხები. ბიას წარმომადგენლები სტუმრებს აჭარის რეგიონის შემაჯამებელ სტატისტიკას წარუდგენენ და რეგიონალური ბიზნესის განვითარებისთვის ახალ შესაძლებლობებზე ისაუბრებენ.


შეხვედრის ფარგლებში, გაიმართება პანელური დისკუსია, რომელსაც სპეციალურად მოწვეული სტუმრები - აჭარის ა.რ ტურიზმისა და კურორტების დეპარტამენტის თავმჯდომარე, სულხან ღლონტი და საქართველოს ბიზნესომბუდსმენი ირაკლი ლექვინაძე დაესწრებიან. ბიზნესის წარმომადგენლებს საშუალება ექნებათ მოწვეული სტუმრებისგან მათთვის საინტერესო საკითხებზე მიიღონ პასუხი.


B Talks-ის ფარგლებში, ბიზნესის წარმომადგენლებთან შეხვედრა უკვე მეხუთედ იმართება. შეხვედრების მიზანია საჭირო ინფორმაცია მიაწოდოს ქართულ კომპანიებს და ხელი შეუწყოს მათ განვითარებას. ბიამ უკვე ორი შეხვედრა გამართა თბილისში, სატრანსპორტო და სამშენებლო კომპანიებთან, რომლებსაც 200-მდე ქართული კომპანიის კომპანიის წარმომადგენელი დაესწრო. რაც შეეხება რეგიონალურ ბიზნესს, ქუთაისში, თელავსა და ზუგდიდში გამართულ შეხვედრებს 300-მდე კომპანიის წარმომადგენელი ესწრებოდა.


თეგები:
ბია



მაიკლ ჯორდანმა ტეკილას ძვირადღირებული ბრენდი შექმნა

მაიკლ ჯორდანმა ტეკილას ძვირადღირებული ბრენდი შექმნა
access_time2019-09-22 20:00:16
3 წლის  წინ ლეგენდარულმა კალათბურთელმა მაიკლ ჯორდანმა და მისმა ოთხმა ნაცნობმა აღმოაჩინეს, რომ მათ აერთიანებს ერთი გატაცება - ტეკილა. დღეს მათ მიერ შექმნილი ტეკილა Cincoro სარგებლობს უდიდესი პოპულარობით ამ სასმელის მოყვარულებს შორის და ერთი ბოთლი ღირს 130-დან 1600 დოლარამდე.   საბედისწერო ვახშამი პიცერიაში   3 წლის წინ, ზაფხულის ერთ-ერთ ცხელ...

bm.ge: მიკროსაფინანსოების ბაზარი მცირდება - „ეროვნულ ბანკს მისალოცად აქვს საქმე“

bm.ge: მიკროსაფინანსოების ბაზარი მცირდება - „ეროვნულ ბანკს მისალოცად აქვს საქმე“
access_time2019-09-22 18:00:58
2017 წლიდან საქართველოს ეროვნული ბანკის ზედამხედველობის ქვეშ არასაბანკო დაწესებულებებიც, მათ შორის მიკროსაფინანსო ორგანიზაციები მოექცნენ. ამ პერიოდიდან იწყება მიკროსაფინანსო ორგანიზაციების ბაზრის შემცირებაც. საწესდებო კაპიტალის ზრდა, სესხის წლიური ეფექტური საპროცენტო განაკვეთის 50%-მდე შემცირება, ე.წ. პასუხისმგებლიანი დაკრედიტების სისტემის შემოღება და ა.შ. - ეს არის იმ რეგულაციების ჩამონათვალი, რომელიც უკვე მესამე წელია მიკროსაფინანსო ბაზარსაც შეეხო. შესაბამისად, სახეზე გვაქვს ამ ტიპის...

სახელმწიფომ 1 ჰექტარი ზღვა მიწად დაირეგისტრირა, რომელსაც სავარაუდოდ „რივიერას“ გადასცემს

სახელმწიფომ 1 ჰექტარი ზღვა მიწად დაირეგისტრირა, რომელსაც სავარაუდოდ „რივიერას“ გადასცემს
access_time2019-09-22 14:00:36
სახელმწიფომ, ბათუმის იახტკლუბის მოწყობისა და განვითარების მიზნით, ნავსაყუდელთან ზღვის აკვატორიის 1 ჰექტარამდე ფართობი არასასოფლო-სამეურნეო მიწის ნაკვეთად დაარეგისტრირა. იახტკლუბის განვითარება კი, პროექტ „რივიერა ბათუმის“ ნაწილია, რომელიც „სილქ როუდ ჯგუფმა“ ბიძინა ივანიშვილის მიერ...

ქალი, რომლისაც Apple-ს და Google-ს ეშინიათ

ქალი, რომლისაც Apple-ს და Google-ს ეშინიათ
access_time2019-09-22 12:00:49
Forbes-ის რეიტინგში „50 ქალი ტექნოლოგიურ სფეროში“  ისეთ კატეგორიების გვერდით, როგორიცაა „კომპანიების შემქნელები“, „მაგნატები“, და „ინოვატორები“, არის კატეგორია „მებრძოლები“ - სწორედ იქ არის მონიშნული 51 წლის დანიელი პოლიტიკოსი მარგრეტე ვესტაგერი.   ის არის ერთ-ერთი ყველაზე ცნობილი ევროკომისარი - ამის მიზეზია მის მიერ ინიცირებული სკანდალური გამოძიებები ტექნოლოგიური გიგანტების წინაამღდეგ. ისეთების, როგორიც არის Google, Apple და Facebook – და მათთვის უზარმაზარი...

„რეგულაციები არ ამუშავებს ეკონომიკას, ეკონომიკას ამუშავებს ბიზნესი“

„რეგულაციები არ ამუშავებს ეკონომიკას, ეკონომიკას ამუშავებს ბიზნესი“
access_time2019-09-22 10:00:56
„რეგულაციები არ ამუშავებს ეკონომიკას, ეკონომიკას ამუშავებს ბიზნესი. თუმცა, ეს იმას არ ნიშნავს,რომ რეგულაციები არ გვჭირდება,“ - განაცხადა რადიო კომერსანტზე გადაცემაში „პროფესიონალები“ ახალგაზრდა ფინანსისტთა და ბიზნესმენთა ასოციაციის ვიცე პრეზიდენტმა, პაატა ბაირახტარმა.  მანვე NDI-ს კვლევის ეკონომიკური ნაწილიც მიმოიხილა. მისი თქმით, კვლევის შედეგები ლოგიკურია და ასახავს მოსახლეობის დღევანდელ რეალობას. „ საქსტატის მიხედვით, საშუალო ხელფასად 1200 ლარია მიჩნეული, თუმცა ეს ციფრი არ...


მსგავსი სიახლეები

up