„შთაბეჭდილება მრჩება, რომ ბევრი ადამიანი თვალდახუჭული შემოიყვანეს პარტიაში, მერე გამოფხიზლდნენ და მიხვდნენ, სად ყოფილან“ - რომან კაკულია გიორგი ქობულიას გამოსვლას აფასებს

„შთაბეჭდილება მრჩება, რომ ბევრი ადამიანი თვალდახუჭული შემოიყვანეს პარტიაში, მერე გამოფხიზლდნენ და მიხვდნენ, სად ყოფილან“ - რომან კაკულია გიორგი ქობულიას გამოსვლას აფასებს

access_time2019-05-15 17:30:54


 „თუ გიორგი ქობულიამ იგულისხმა ის, რომ ბიძინა ივანიშვილს აქვს განსაკუთრებული და განსხვავებული როლი ამ ქვეყნის განვითარებაში, ეს არის მოცემულობა და ამის კლასიკურ წიგნებში ამოკითხვა არ სჭირდება. მე ბევრ ადამიანს ვუყურებ, რომელიც პოლიტიკიდან მიდის და შთაბეჭდილება მრჩება, რომ ისინი თვალდახუჭული შემოიყვანეს პარტიაში, მერე გამოფხიზლდნენ და მიხვდნენ, სად ყოფილან. ქართული ოცნება რომ გამჭვირვალე და ევროპული სტანდარტის მართვის გუნდი არ იყო, ეს ჩემთვის თავიდანვე გასაგები იყო და მივიღე ეს. ვინც მოდის გუნდში თავიდანვე თუ გაიაზრებს ამას, კარგი იქნება,“ - ასე შეაფასა პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ რომან კაკულიამ ეკონომიკის ყოფილი მინისტრის განცხადება არაფორმალურ მმართველობაზე.



დეპუტატებთან შეხვედრაზე გიორგი ქობულიამ განაცხადა: „არაფორმალური თამაშის წესებზე მე მქონდა ძალიან ღია მოლაპარაკება, სანამ მინისტრის თანამდებობას დავიკავებდი. მქონდა სრული შეთანხმება, რომ ჩვენ არ ვიმუშავებდით სხვადასხვა მიმართულებით, სხვადასხვა წესებით, მაგრამ ეს ყველაფერი არ გამართლდა. რაღაც გამონაკლისები მოხდა, სამწუხაროდ.“ 


რომან კაკულიამ “კომერსანტთან“ საუბარში ასევე შეაფასა გიორგი ქობულიას მიერ დასახელებული მიზეზები ეკონომიკის განვითარების შეფერხებასთან დაკავშირებით. როგორც ცნობილია, ეკონომიკის ყოფილი მინისტრი ერთ-ერთ მთავარ მიზეზად სახელმწიფო სტრუქტურებში არაკვალიფიციურ კადრებს ასახელებს. 



რომან კაკულია მიიჩნევს, რომ არსებული სიტუაცია ამ დასკვნის გაკეთების საშუალებას იძლევა, თუმცა მათ გარდა შეფერხებების ბევრი განმაპირობებელი ფაქტორი არსებობს ქართულ ეკონომიკაში.


„არაკვალიფიციური კადრების არსებობა ეკონომიკაში მთავარი რამდენად არის ვერ გეტყვით, მაგრამ ერთ-ერთი შემაფერხებელი ნამდვილად არის და ამაში განსაკუთრებული არაფერია. ძალიან დიდი დატვირთვა მოდის სახელმწიფო სამსახურებში საშუალო რგოლზე, ეს ადამიანები კვალიფიკაციას იმაღლებენ და მერე კერძო სექტორში მიდიან. მეორე მნიშვნელოვანი საკითხია ზოგადად მენეჯმენტის თემა, ბევრი საკითხი ვერ წყდება ჩვენთან მართვის არაეფექტურობის გამო. ეს არ ნიშნავს იმას, რომ მან ისეთი აღმოჩენა გააკეთა, რაზეც ჩვენ ინფორმირებულები არ ვართ.


ადამიანი, რომელიც მოდის ხედავს გარკვეულ ნაკლოვანებებს, ამაში ცუდია არაფერია. ჩემი აზრით, ის კონსტრუქციული ადამიანია და მე მივესალმები კრიტიკულ აზრს, ამ თემებში პრობლემები ალბათ არის. რა და როგორ უნდა იყოს ეს მნიშვნელოვანია, თუმცა მთავარია როგორ მივაღწევთ ამ შედეგებს. მე დადებითად ვაფასებ მის გამოსვლას, თუ ეს არ იყო პოლიტიზირებული,“  - განაცხადა რომან კაკულიამ.




მარიამ მორგოშია






გია ხუხაშვილი :“მამუკა ხაზარაძესა და ბიძინა ივანიშვილს შორის სერიოზული დაპირისპირებაა მოსალოდნელი“ - ივანიშვილი შეცდომებს არ აღიარებს

გია ხუხაშვილი :“მამუკა  ხაზარაძესა და ბიძინა ივანიშვილს შორის  სერიოზული დაპირისპირებაა მოსალოდნელი“ - ივანიშვილი შეცდომებს არ აღიარებს
access_time2019-07-17 14:30:22
„ბიძინა ივანიშვილის ყველა ნათქვამი, მიუხედავად მისი შერბილებული ტონისა, ძირითადად კონფრონტაციული იყო და არ ასახავდა იმ რეალობას, რაც დღეს არის ქვეყანაში. ის ისევ სისტემას იცავს და არ აღიარებს შეცდომებს.   მე არ მგონია, რომ ივანიშვილი მართლა მიესალმებოდეს მამუკა ხაზარაძის პოლიტიკაში მოსვლას. განსაკუთრებით კომიკური იყო მისი განცხადება ახალგაზრდების შემოსვლასთან დაკავშირებით პოლიტიკაში, არც თუ ისე ახალგაზარდაა ხაზარაძე,“ - ასე აფასებს ექსპერტი გია ხუხაშვილი ბიძინა...

ბიძინა ივანიშვილი - უცოდინარი და უვიცია, ვინც მიგვანიშნებს, რომ რუსული ბაზარი აუცილებლად ევროპული და უკრაინული ბაზრით უნდა ჩავანაცვლოთ

ბიძინა ივანიშვილი - უცოდინარი და უვიცია, ვინც მიგვანიშნებს, რომ რუსული ბაზარი აუცილებლად ევროპული და უკრაინული ბაზრით უნდა ჩავანაცვლოთ
access_time2019-07-17 12:55:10
აბსოლუტურად უცოდინარი და უვიცია, ვინც მიგვანიშნებს, რომ რუსული ბაზარი აუცილებლად ევროპული და უკრაინული ბაზრით უნდა ჩავანაცვლოთ, - ამის შესახებ ჟურნალისტებს პარტია “ქართული ოცნების“ თავმჯდომარემ ბიძინა ივანიშვილმა განუცხადა. ივანიშვილის შეფასებით, რუსული ბაზრის დაკეტვისა და ვაჭრობის შეწყვეტის მსურველები ქვეყნის მტრები არიან. “თუ ყურადღებას მიაქცევთ, თვითონ ევროპელები, განვითარებული ევროპული ქვეყნებიც კი, როგორ ცდილობენ რუსულ ბაზარზე...

6 თვეში დასრულებული 42 საქმე, რომლის 80%-ში სახელმწიფო უწყებებმა ბიზნესომბუდსნების პოზიციები გაითვალისწინეს - ირაკლი ლექვინაძის ანგარიში მედიას

 6 თვეში დასრულებული 42 საქმე, რომლის  80%-ში სახელმწიფო უწყებებმა ბიზნესომბუდსნების პოზიციები გაითვალისწინეს - ირაკლი ლექვინაძის ანგარიში მედიას
access_time2019-07-17 11:30:23
ირაკლი ლექვინაძემ მედიას ბიზნესომბუდსმენის აპარატის საქმიანობის სტატისტიკა წარუდგინა. 2019 წლის 6 თვეში ბიზნესომბუდსმენის აპარატში მეწარმეების მომართვის საფუძველზე 171 საქმე დარეგისტრირდა და აპარატმა ბიზნესის ინტერესების მხარდასეჭერად 44 შუამდგომლობა, 29 რეკომენდაცია და 17 სამართლებრივი დასკვნა გააგზავნა. „2019 წლის 6 თვეში 42 საქმეზე დავასრულეთ მუშაობა და საქმეების 80%-ში სახელმწიფო უწყებებმა ჩვენი პოზიციები სრულად ან ნაწილობრივ...

ტერაბანკის ინოვაციური ბოტი მომხმარებლებს პერსონალურ ფინანსურ ასისტენტობას გაუწევს

ტერაბანკის ინოვაციური ბოტი მომხმარებლებს პერსონალურ ფინანსურ ასისტენტობას გაუწევს
access_time2019-07-17 10:45:20
ტერაბანკმა დისტანციური მომსახურების კიდევ ერთი არხი - ინოვაციური ბოტი შექმნა. ტერა ბოტი პირველი ქართული ფინანსური ასისტენტია. იგი მომხმარებლებს არა მარტო ბანკის სერვისებსა და ოპერაციებზე აწვდის ინფორმაციას, არამედ მათ ფინანსების უკეთ განკარგვაში, ხარჯების შეფასებასა და თანხის დაგროვებაშიც ეხმარება.   ტერაბანკის ინოვაციური ბოტი რეალურ ადამიანთან მაქსიმალურად მიახლოებული, ავტომატურად მოსაუბრე პროგრამაა. იგი იღებს და აანალიზებს მომხმარებლის მიერ მიწერილ ქართულენოვან ტექსტურ...

„ბათუმი რივიერა“ - „სილქ როუდ ჯგუფი“ მილიარდიანი მრავალფუნქციური კომპლექსის მშენებლობისთვის ემზადება - (“კომერსანტის“ ექსკლუზიური რენდერები)

„ბათუმი რივიერა“ - „სილქ როუდ ჯგუფი“ მილიარდიანი  მრავალფუნქციური კომპლექსის მშენებლობისთვის ემზადება  - (“კომერსანტის“ ექსკლუზიური რენდერები)
access_time2019-07-17 13:00:03
„ბათუმი რივიერა“ - ასე ეწოდება ახალ მრავალფუნქციურ კომპლექსს, რომლის აშენებასაც  „სილქ როუდ ჯგუფი“ „საქართველოს თანაინვესტირების“ ფონდის მხარდაჭერით ბათუმში გეგმავს. ეს ქალაქის ერთ-ერთი გამორჩეული სივრცე...


მსგავსი სიახლეები

up