როგორც Bloomberg-ი წერს, ფრანგული კომპანია Louis Vuitton Moët Hennessy-ის ხელმძღვანელმა, ბერნარ არნომ კორონავირუსის პანდემიის შედეგად 30 მილიარდი დოლარი დაკარგა.

„ფორბსის“ მონაცემებით, ყველაზე მეტი თანხა სწორედ არნომ დაკარგა. თუმცა, ის უმდიდრესი ადამიანების სიაში მესამე ადგილზეა 90 მილიარდი დოლარით.გამოცემის ცნობით, არნოს მიერ დაკარგული თანხა არის მაქსიმალური, რომელიც ერთმა ადამიანმა დაკარგა.

კომპანიის ფინანსური დირექტორის ჟან-ჟაკ გიონის განცხადებით, არნოს ბიზნესის მომავალი დამოკიდებული იქნება ჩინეთის ბაზარზე, რომელზეც მოდის ფუფუნების საგნების გაყიდვების მესამედი.

აღსანიშნავია, რომ მარტში მსოფლიოს 20 უმდიდრესი ადამიანის ქონება 300 მილიარდი დოლარით შემცირდა, რაც ბაზარზე კორონავირუსის გავლენას უკავშირდება.

გაზეთი „ბანკები და ფინანსები“