ბექა ოდიშარია - მაქსიმალურად ვცდილობთ, საზღვარგარეთ მცხოვრები თანამემამულეები საკვებითა და აუცილებელი მედიკამენტებით უზრუნველვყოთ

ბექა ოდიშარია - მაქსიმალურად ვცდილობთ, საზღვარგარეთ მცხოვრები თანამემამულეები საკვებითა და აუცილებელი მედიკამენტებით უზრუნველვყოთ

access_time2020-04-06 20:00:47

საქართველოს პარლამენტი მთავრობასთან ერთად აქტიურად არის ჩართული დიასპორასთან დაკავშირებული საკითხების ორგანიზებაში, – ამის შესახებ პარლამენტის დიასპორის კომიტეტის თავმჯდომარე ბექა ოდიშარიამ განაცხადა.

 

მისი თქმით, თავისი უფლებამოსილების ფარგლებში პარლამენტი ამ პროცესს ზედამხედველობას უწევს და შეხვედრები ყოველდღიურ რეჟიმში ტარდება.

 

„ის უხილავი შრომა, რასაც ქართველი დიპლომატები საზღვარგარეთ სწევენ, არის უაღრესად დასაფასებელი. დარწმუნებული ვარ, ამას საზოგადოების ერთი ნაწილი ხედავს, მომავალში ფართო საზოგადოება დაინახავს და ღირსეულად შეაფასებს. ყველაფერი კეთდება იმისთვის, რომ რაციონალურობის ფარგლებში ადამიანების დაბრუნება მოხდეს. ბუნებრივია, ეს უნდა ბალანსდებოდეს კარანტინში არსებული რაოდენობით. ასევე გამოყოფილია სახსრები იმ ადამიანებისთვის, ვისაც თავშესაფარი სჭირდება.

 

მაქსიმალურად ვცდილობთ, რომ საზღვარგარეთ მცხოვრები თანამემამულეები უზრუნველვყოთ საკვებითა და სხვა აუცილებელი მედიკამენტებით. ამ ფრონტის წინა ხაზზე ქართველი დიპლომატები არიან“, – განაცხადა დეპუტატმა.

 

ბექა ოდიშარიამ ამ საკითხში სასულიერო პირების ჩართულობასაც გაუსვა ხაზი.

 

„არ შემიძლია, დიდი მადლიერებით არ აღვნიშნო საქართველოს ეკლესიისა და მამების ღვაწლი საზღვარგარეთ, სადაც ცხელი წერტილია, მეუფეების, მამებისა და მღვდელ-მონაზვნების ღვაწლი. მინდა, ასევე მადლობა გადავუხადო ქართულ დიასპორულ ორგანიზაციებს, რომლებიც თანამოქალაქეებს ეხმარებიან“, – განაცხადა პარლამენტის დიასპორის კომიტეტის თავმჯდომარე ბექა ოდიშარიამ.

 

ოდიშარია ოპოზიციონერი დეპუტატის, გიგა ბოკერიას მოთხოვნას გამოეხმაურა, რომლის განცხადებით, ხელისუფლებამ საკარანტინო ადგილები უნდა გააორმაგოს და იმ მოქალაქეებს, რომლებიც საქართველოში დაბრუნებას ითხოვენ, კომპენსაცია გადაუხადოს.

 

წყარო; პირველი არხი





„ველი თქვენთან თანამშრომლობას ეკონომიკის დივერსიფიკაციაში“-დონალდ ტრამპის წერილი გახარიას

„ველი თქვენთან თანამშრომლობას ეკონომიკის დივერსიფიკაციაში“-დონალდ ტრამპის წერილი გახარიას
access_time2020-05-26 12:00:56
ამერიკის შეერთებული შტატების პრეზიდენტი დონალდ ტრამპი საქართველოს პრემიერ-მინისტრ გიორგი გახარიას დამოუკიდებლობის დღესთან დაკავშირებით მისალოც წერილს უგზავნის. აშშ-ის პრეზიდენტი საქართველოს მთავრობის მეთაურისთვის გამოგზავნილ მილოცვაში ხაზს უსვამს ათწლეულების განმავლობაში აშშ-სა და საქართველოს შორის მტკიცე პარტნიორობას, რომელიც საერთო ღირებულებებს და ინტერესებს ეფუძნება. „ძვირფასო პრემიერ-მინისტრო! ამერიკელი ხალხის სახელით, გულწრფელად მოგესალმებით და გილოცავთ...

მიზანი იყო კონტრაბანდული გზით სიგარეტის აფხაზეთის გავლით რუსეთში ჩატანა - სომეხი პოლიტოლოგი ნიკოლ ფაშინიანის სახელისუფლებო კორუფციაზე

მიზანი იყო კონტრაბანდული გზით სიგარეტის აფხაზეთის გავლით რუსეთში ჩატანა - სომეხი პოლიტოლოგი ნიკოლ ფაშინიანის სახელისუფლებო კორუფციაზე
access_time2020-05-25 20:00:15
სომხეთის პრემიერის ოჯახი ოკუპირებულ აფხაზეთში რუსეთის გავლით სიგარეტის ექსპორტის გამო სკანდალში რომ გაეხვა, ამის შესახებ ინფორმაცია სომხეთის ყოფილმა ელჩმა ვატიკანში მიკაელ მინასიანმა გაავრცელა. „კომერსანტმა“ მოიპოვა მასალა, სადაც მინასიანი თავის ვიდეომიმართვაში განმარტავს, რომ სქემის მიხედვით, სომხეთის პრემიერ-მინისტრის ნიკოლ ფაშინიანის ოჯახი სიგარეტის ექსპორტს ახორციელებს და ეს...

მთავრობამ Air Baltic-ს საქართველოს მიმართულებით ფრენების განახლების ნებართვა მისცა

მთავრობამ Air Baltic-ს საქართველოს მიმართულებით ფრენების განახლების ნებართვა მისცა
access_time2020-05-25 19:30:03
„როგორც საქართველოს, ასევე ლატვიის მხრიდან არის მზადყოფნა, რათა აღდგეს პირდაპირი ავიამიმოსვლა. ახლა მთავარია, ორი ქვეყნის მთავრობებმა ძალიან სწრაფად გავცვალოთ ის პროტოკოლები, რომელთა მიხედვითაც ჩვენს შორის ადამიანების მიმოსვლის დროს უსაფრთხოება იქნება დაცული. ეს არის სწრაფი და ეფექტური გზა იქითკენ, რომ ჩვენ, ზაფხულის სეზონზე, შევძლოთ ვუმასპინძლოთ ტურისტებს როგორც ლატვიიდან, ასევე მთლიანად ბალტიის ქვეყნებიდან უსაფრთხოების ყველა ნორმის დაცვით,” – განაცხადა ეკონომიკისა და მდგრადი განვითარების...

25 მაისი - ქართული ლარის კურსი არ შეცვლილა, აზერბაიჯანული მანათი გამყარდა

25 მაისი - ქართული ლარის კურსი არ შეცვლილა, აზერბაიჯანული მანათი გამყარდა
access_time2020-05-25 19:00:15
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.      ეროვნული ბანკის მიერ გამოქვეყნებული 25 მაისის ვაჭრობის შედეგად, ქართული ლარის კურსი აშშ დოლართან...

უძრავი ქონების პლკატფორმა Livo იპოთეკური სესხების 4%-იან სუბსიდირებას ვარაუდობს

უძრავი ქონების პლკატფორმა Livo იპოთეკური სესხების  4%-იან სუბსიდირებას ვარაუდობს
access_time2020-05-25 18:00:49
უძრავი ქონების პლკატფორმა Livo ვარაუდობს, რომ მთავრობა იპოთეკურ სესხებს 4%-ით დაასუბსიდირებს.როგორც პლატფორმის დამფუძნებელმა გადაცემა „ბიზნესპარტნიორში“ განაცხადა, თუ სახელმწიფო ამ გადაწყვეტილებას მიიღებს, წელს თბილისში საცხოვრებელი ქონების დონე 2019 წლის მაჩვენებელს დაუბრუნდება. კითხვაზე თუ აქვს მოლოდინი რომ მთავრობა იპოთეკური სესხების 4%-ით სუბსიდირებაზე დადებით გადაწყვეტილებას მიიღებს, გიორგი ჩუმაშვილი ამბობს, რომ ეს არის ერთადერთი ჭეშმარიტი, სწორი და სამართლიანი...


მსგავსი სიახლეები

up