ბექა ნაცვლიშვილი ეთანხმება რომან გოცირიძეს, რომ საქართველომ ხუთ წელიწადში 4.3 მლრდ. ლარი დაკარგა - თუმცა, თვლის, რომ დოკუმენტი პიარ-კამპანიის ნაწილია“

ბექა ნაცვლიშვილი ეთანხმება რომან გოცირიძეს, რომ საქართველომ ხუთ წელიწადში 4.3 მლრდ. ლარი დაკარგა - თუმცა, თვლის, რომ დოკუმენტი პიარ-კამპანიის ნაწილია“

access_time2018-09-14 15:30:00

„კომერსანტმა“ დოკუმენტის   ოცდაორი თეზისი ქვეყნის სავალალო სოციალურ-ეკონომიკური მდგომარეობის აღსაწერად“, სადაც ციფრებით შეფასებულია ქვეყნის ეკონომიკური და სოციალური მდომარებაზე,  შეფასება სთხოვა ფრაქცია „ქართული ოცნება - სოციალ-დემოკრატების“ თავმჯომარის მოადგილის  ბექა ნაცვლიშვილს.

დოკუმენტს, რომელიც ნაციონალური მოძრაობის ერთ-ერთი ლიდერის რომან გოცირიძის მიერაა მომზადებული და დასკვნა საკმაოდ მწვავეა,  დეპუტატი პოლიტიკური პიარ-კამპანიისთვის შემქნილს უწოდებს და ამბობს, რომ მიუხედავად დოკუმენტში წარმოდგენილი ციფრების სისწორისა, კონტექსტი მაინც არასწორია.

 

„მიზნებს არ ვიცნობ, მაგრამ თუ ეს არის ანალიტიკური დოუკმენტი, მაშინ ძალიან სუსტია, რადგან მთელი ეს უარყოფითი ტენდენციების გამოკვეთა დაფუძნებულია არა ეკონომიკური პროცესების შეფასებაზე, არამედ ლარის დოლართან მიმართებაში გაუფასურებაზე. ერთ სულ მოსახლეზე მშპ ლარში გამოხატული გაზრდილია, მაგრამ დოლართან მიმართებაში შესაძლოა შემცირებული იყოს. ასევე დოკუმენტში საუბარი იყო პირდაპირ უცხოურ ინვესტიციებზე და წარმატებულ მაგალითად მოყვანილი გახლდათ 2007 წელი. ამ პერიოდში საქართველოს გარდა, მთელს მსოფლიოში დაფიქსირდა ინვესტიციების მოცულობის დიდი მიმოქცევა ( 3 ტრლნ.-ზე მეტი) და სხვა ქვეყნების ეკონომიკაც იზრდებოდა, ამიტომ ჩვენ არ ვყოფილვართ გამონაკლისი. ზოგადად, ისეა ყველაფერი აგებული ამ დოკუმენტში, რომ უფრო პოლიტიკური პია-კამპანიისთვის გამოსაყენებელი მასალაა, ვიდრე რეალობის ამსახველი“,- განმარტავს ნაცვლიშვილი.

 

მისივე თქმით, აქამდე რა სახითაც შემოედინებოდა საქართველოში პირდაპირი უცხოური ინვესტიციები, უკვე გაჯერებული და ამოწურულია. ახლა საჭიროა სახელმწიფომ სხვა დარგებში, ტექნოლოგიასა და განათლებაში განახორიციელოს ინვესტირება, რათა უფრო მაღალი ხარისხის პირდაპირი უცხოური ინვესტიციები მოიზიდოს.


დოკუმენტის შეფასებისას კი ბექა ნაცვლიშვილი კიდევ რამდენიმე საკითხზე ამახვილებს ყურადღებას. მათ შორის საბანკო სექტორსა და ზოგად მძიმე სოციალურ ფონზე.

 


„დოკუმენტში ხაზგასმულია, რომ მთავრობა კომერციულ ბანკებს ამდიდრებს. რეალურად მოხდა ის, რომ დოლარში აღებულმა სესხებმა და შემდეგ ლარის გაუფასურებამ მოქალაქეების განკარგვადი შემოსავლი შეამცირა და დაეცა მსყიდველთუნარიანობა, თუმცა მოსახლეობაში ფულის რაოდენობა რეალურად გაზრდილია. ნაციონალური მოძრაობა ამ დოკუმენტის სახით უბრალოდ ციფრებით მანიპულირებს და მეტი არაფერი. უარყოფით მოვლენებზე აკეთებს აქცენტს. ბანკებთან მიმართებაში რეალურად პრობლემაა ის, რომ მოსახლეობა პირველადი მოხმარებისთვისაც ხშირად სესხებს იღებს, რადგან ხელფასებია დაბალი. არ ვამბობ, რომ გადასარევი სუტუაციაა, მაგრამ ვითარების უმიზეზოდ დამძიმება არ ღირს“,- აღნიშნავს დეპუტატი.

 

რაც შეეხება ზოგადად მძიმე სოციალური ფონის დასტაბილურებასა და სიტუაციის გაუმჯობესებას, ფრაქცია დეპუტატი გამოსავალს რამდენიმე მიმართულებაში ხედავს. ესენია : გადანაწილების პოლიტიკა, პროგრესული დაბეგვრის სისტემის შემოტანა (მაღალშემოსავლიანები პროპორციულად უფრო მეტს გადაიხდიან, ვიდრე დაბალშემოსავლიანები) და ამ უკანასკნელზე დაფუძნებული საპენსიო სისტემა. შემდეგ კი აკუმულირებული თანხის აქტიური ეკონომიკური სახელწმიფო პოლიტიკის წარმოება.

 

„გამოსავალი არის მრეწველობის ინვესტირებაში. საჭიროა ისეთი ინსტიტუციური მექანიზმების შექმნა, რომელიც ხელს შეუწყობს  შრომითი ინტენსიური დარგების განვითარებას. ამ სფეროში საქმდება ყველაზე მეტი ადამიანი და  იქმნება  ყველაზე მეტი დამატებითი ღირებულება. ასევე საჭიროა სოფლის მეურნეობაშიც მეტი ინვესტირება. პროცესები უკვე დაწყებულია და ეს ყველაფერი საბოლოოდ, ვითარებას ბევრად გააუმჯობესებს. აქვე ბანკებზე ვიტყვი კიდევ ერთ რამეს, დღეს ძირითადად გადაწყვეტილებები დაფუძნებულია მათ შეფასებებეზე, ანუ ბანკების გავლით მიედინება ფული. რასაც ისინი იტყვიან, ისე ვითარდება მოვლენებიც. არდა საჭიროა სახელმწიფო იყოს მიმართულებების განმსაზღვრელი“,- აღნიშნავს ბექა ნაცვლიშვილი.

 


შეგახსენებთ,  დეპუტატმა რომან გოცირიძემ „კომერსანტს“ მიაწოდა პარტიის მიერ შემუშავებული დოკუმენტი, რომელიც ციფრებში ასახავს 2012 წლიდან მოყოლებულ ვითარებას დრემდე. პერიოდში შედარებულია 2012 წლამდე არსებულ მდგომარეობასთაც. დოკუმენტზე დაყრდნობით მომზადებული „კომერსანტი“-ს მასალები შეგიძლიათ იხილოთ შემდეგ ბმულებზე:  https://commersant.ge/ge/post/qveyanashi-sigaribe-gaizarda-pensiis-odenobit-ki-saqartvelo-evropashi-bolodan-meore-adgilzeahttps://commersant.ge/ge/post/111 



სალომე ლემონჯავა






ევროპარლამენტმა საქართველოს შესახებ რეზოლუცია მიიღო

ევროპარლამენტმა საქართველოს შესახებ რეზოლუცია მიიღო
access_time2018-11-14 18:55:47
ევროპარლამენტმა პლენარულ სესიაზე საქართველოს მიერ ასოცირების შეთანხმების შესრულების შესახებ რეზოლუცია 528 ხმით მიიღო. წინააღმდეგ 97 ევროპარლამენტარი წავიდა, ხოლო 34-მა თავი შეიკავა. რეზოლუციაში დადებითადაა შეფასებული ასოცირების, ღრმა და ყოვლისმომცველი თავისუფალი სავაჭრო შეთანხმებების შესრულების პროცესი. ამასთან, ევროპარლამენტი საქართველოს ხელისუფლებას მოუწოდებს განაგრძოს სტაბილურობის, შემდგომი დემოკრატიული რეფორმებისა და ეკონომიკური და სოციალური გაუმჯობესების...

ანა დოლიძე ევროპარლამენტის ანგარიშს აფასებს: სახელმწიფოს ეკონომიკური განვითარების ერთ-ერთი მთავარი გასაღები კონკურენციის სააგენტოა, ნოდარ ხადური კი ღრმა ძილშია

ანა დოლიძე ევროპარლამენტის ანგარიშს აფასებს: სახელმწიფოს ეკონომიკური განვითარების ერთ-ერთი მთავარი გასაღები კონკურენციის სააგენტოა, ნოდარ ხადური კი ღრმა ძილშია
access_time2018-11-14 19:11:19
იუსტიციის საბჭოს არა მოსამართლე წევრი ანა დოლიძე ევროპარლამენტის ანგარიშის პროექტს ეხმიანება და სრულად ეთანხმება დოკუმენტში ხაზგასმულ ყველა პრობლემასა თუ რეკომედანციას. დოლიძე დარწმუნებულია, რომ ელიტური კორუფცია სერიოზულ პრობლემად რჩება და ხელისუფლება არსებულ გამოწვევებს ადეკვატურად არ პასუხობს. ქვეყანაში არსებული მწვავე მდგომარეობის ერთ-ერთ სათავეს კი ანა დოლიძე კონკურენციის სააგენტოში ხედავს. მეტიც, იუსტიციის საბჭოს არა მოსამართლე წევრი...

რუსული ნავთობის წინააღმდეგ შესაძლოა სანქციები ამოქმედდეს

 რუსული ნავთობის წინააღმდეგ შესაძლოა სანქციები ამოქმედდეს
access_time2018-11-14 20:00:00
„აშშ-მ შესაძლებელია რუსულ ნავთობზე სანქციები დააწესოს“ — ბრიტანული კომპანია  Facts Global Energy (FGE), რომელიც ნავთობისა და გაზის ბაზარს შეისწავლის, თავის მომხმარებელს აფრთხილებს. ექსპერტები რუსული ნავთობის წინაამღდეგ  სანქციების ამოქმედებას პროგნოზირებენ. უფრო ზუსტად,  კომპანიაში მიაჩნიათ, რომ  შეზღუდვების ახალი პაკეტი შესაძლებელია ითვალისწინებდეს აშშ-ში ნებისმიერი რუსული პროდუქციის იმპორტის აკრძალვას, მათ შორის...

ლაშა ქორიძე: საქართველო გახდება ნავთობ და პეტროქიმიური პროდუქტების ექსპორტიორი ქვეყანა

ლაშა ქორიძე: საქართველო  გახდება ნავთობ და პეტროქიმიური პროდუქტების ექსპორტიორი ქვეყანა
access_time2018-11-14 18:00:04
 ბაზრის კონიუნქტურიდან გამომდინარე, არ არსებობს არგუმენტი, რომელიც ხელს შეუშლის სუფსის პეტროქიმიური კომპლექსის სრულფასოვან მუშაობას, - ასეთია ვარლეი პარსონს/ადვიზიანის და არგუს მედია ლიმითედის დასკვნა, რომლის მიხედვითაც 2050 წლამდე სუფსის ნავთობგადამამუშავებელი და პეტროქიმური კომპლექსის პროდუქციაზე უწყვეტი მოთხოვნა იქნება. გავლენიანი საერთაშორისო ორგანიზაციების დასკვნის საფუძველზე კომპანია „ სუფსის ნავთობგადამამუშავებელი პეტროქიმიური კომპლექსი” (SRPC) 3 მილიარდიანი...

შემდეგი ეტაპი: Tesla მსოფლიოს წინააღმდეგ

შემდეგი ეტაპი: Tesla მსოფლიოს წინააღმდეგ
access_time2018-11-14 21:00:00
Tesla ელექტრომობილების ბაზარზე დომინაციას განაგრძობს - ელექტრომობილების მწარმოებელმა კომპანიამ მსოფლიოში 500,000-ზე მეტი ავტომობილი გაყიდა, რაც, Navigant Research-ის მიხედვით, მსოფლიოში გაყიდული ელექტრომობილების 20%-ს წარმოადგენს. აშშ-ის ბაზარზე Tesla გაცილებით მეტ ავტომობილს ყიდის, ვიდრე Nissan Leaf, GM Chevy Bolt და სხვ. თუმცა დიდი ალბათობით, მომდევნო წლებში Tesla-ს გაცილებით რთულ კონკურენტუნარიან გარემოში მოუწევს...


მსგავსი სიახლეები

up