ბექა ნაცვლიშვილი - მარტო ინვესტორებსა და კომპანიებს ვესაუბრებით, დასაქმებულს არავინ ელაპარაკება

ბექა ნაცვლიშვილი - მარტო ინვესტორებსა და კომპანიებს ვესაუბრებით, დასაქმებულს არავინ ელაპარაკება

access_time2018-07-17 13:19:01

კერძო დამსაქმებელი კომპანია თუ არ ასრულებს მასზე დაკისრებულ ვალდებულებებს, ეს პასუხისმგებლობა სახელმწიფომ უნდა აიღოს, – ამის შესახებ საპარლამენტო უმრავლესობის წევრმა ბექა ნაცვლიშვილმა ტყიბულში მომხდარ ფაქტზე საუბრისას განაცხადა და აღნიშნა, რომ მინდელის შახტის დახურვა დაგვიანებულად მიაჩნია.

 

„როდესაც ასეთი ტრაგედია ტყიბულში რამდენიმე თვის წინ მოხდა, მაშინვე განვაცხადე, რომ სასწრაფოდ საჭირო იყო დროებითი მმართველის შეშვება და შემდეგ, მისი პასუხისმგებლობის ქვეშ უნდა მომხდარიყო ყველა იმ დარღვევის, სტანდარტის, იმ საინჟინრო თუ სხვა ინფრასრუქტურული მოწყობილობის გამოსწორება და მოდერნიზაცია. მხოლოდ ამის შემდეგ უნდა გაგრძელებულიყო სამუშაო პროცესი. ესაა მიღებული პრაქტიკა. თუ კერძო დამსაქმებელი კომპანია არ ასრულებს მასზე დაკისრებულ ვალდებულებებს, სახელმწიფო არის პასუხისმგებელი თავისი მოქალაქეების მიმართ, მან უნდა აიღოს ეს პასუხისმგებლობა. ეს მოთხოვნა მაშინ ძალაში იყო. მოვერიდები, რომ ვინმეს მიმართულებით ხელი გავიშვირო და ვინმეს ბრალეულობაზე ვისაუბრო, მაგრამ ჩემს ინიციატივას მაშინ მეტი მხარდაჭერა რომ ჰქონოდა, შეიძლება ეს ტრაგედია თავიდან აგვეცილებინა“, – განაცხადა ნაცვლიშვილმა.

 

ჟურნალისტებმა ბექა ნაცვლიშვილს პარლამენტის თავმჯდომარის, ირაკლი კობახიძის განცხადებასთან დაკავშირებით ჰკითხეს, სადაც კობახიძემ აღნიშნა, რომ მაშინდელი სამთავრობო ხელმძღვანელობის ხისტმა პოზიციამ შრომის უსაფრთხოების კუთხით სწორი ზომების მიღების საშუალება პარლამენტს არ მისცა.

 

„ეს არ ეხება მხოლოდ და მხოლოდ ირაკლი კობახიძეს და კონკრეტულ ადამიანებს. ჩვენ უბრალოდ მივეჩვიეთ ამ ტრაგედიების ფონზე სამძიმრის გამოთქმას. რამდენიმედღიანი დისკუსიის შემდეგ, ეს თემა მივიწყებული რჩება. რაც შეეხება ირაკლი კობახიძის განცხადებას, ის პარლამენტის თავმჯდომარეა. უმრავლესობა არ შედგება მხოლოდ პარლამენტის წევრებისგან. უმრავლესობის ნაწილია მთავრობაც, ეს არის ერთი გუნდი. ამიტომ პასუხისმგებლობის სხვაზე გადაბარება სწორად არ მიმაჩნია. ამან გაიჟღერა ისე, რომ თითქოს ვინმემ რაღაც არ შეასრულა“, – განაცხადა ბექა ნაცვლიშვილმა.

 

მისივე თქმით, შესაცვლელია სოციალური წესრიგი და აუცილებელია საუბარი არა მხოლოდ კომპანიასთან, არამედ დასაქმებულებთანაც.


 

„მარტო ინვესტორებსა და კომპანიებს ვესაუბრებით, დასაქმებულს არავინ ელაპარაკება. ეს არის პრობლემა. სანამ ჩვენ არ ვიგრძნობთ, რომ ეს ადამიანები არანაკლებ მნიშვნელოვნები არიან ჩვენი ქვეყნის ეკონომიკისთვის, დამსაქმებელთან ერთად დოვლათს გვიქმნიან და არ დავაფასებთ მათ, მანამდე გვექნება ასეთი დამოკიდებულება – მთავარია, ვინმემ ბიუჯეტში ფული შეიტანოს და რის ხარჯზე, მნიშვნელობა არ ექნება“, – განაცხადა ნაცვლიშვილმა.

 

ჟურნალისტის კითხვაზე, მიაჩნია თუ არა დაგვიანებულად მინდელის შახტის დახურვა, ბექა ნაცვლიშვილმა განაცხადა, რომ დაგვიანებულად მიაჩნია.

 

ირაკლი კობახიძემ რამდენიმე დღის წინ აღნიშნა, რომ მაშინდელი სამთავრობო ხელმძღვანელობის ხისტმა პოზიციამ შრომის უსაფრთხოების კუთხით პარლამენტს სწორი ზომების მიღებისა და სათანადო ცვლილებების განხორციელების საშუალება არ მისცა.

 

შეგახსენებთ, მინდელის შახტში მომხდარ შემთხვევას გუშინ ოთხი ადამიანი ემსხვერპლა, დაშავებულია ექვსი ადამიანი. როგორც შსს-ში აცხადებენ, გამოძიების პირველადი ინფორმაციით, მინდელის შახტის ერთ-ერთ გვირაბში, სავარაუდოდ მეთანის აფეთქების შედეგად კედლების დეფორმაციას ჭერის ჩამოშლა მოჰყვა. ფაქტზე გამოძიება საქართველოს სისხლის სამართლის კოდექსის 240-ე მუხლის მეორე ნაწილით მიმდინარეობს.

 

ტყიბულის შახტი კომპანია „საქნახშირს“ ეკუთვნის. შახტში ტრაგედია მიმდინარე წლის 5 აპრილსაც მოხდა. მაშინ შემთხვევას ექვსი ადამიანი ემსხვერპლა.

 

პრემიერ-მინისტრმა განაცხადა, რომ მიღებულია გადაწყვეტილება მინდელის სახელობის შახტის დახურვის შესახებ. მისი ინფორმაციით, შახტი მუშაობას არ განაახლებს, ვიდრე გამოძიება არ დასრულდება. პრემიერ-მინისტრის გადაწყვეტილებით, ტყიბულის შახტში მომხდარ ტრაგედიასთან დაკავშირებით, 16 ივლისი გლოვის დღედ გამოცხადდა.


1TV




იპოთეკის სუბსიდირება, ბავშვთა შემწეობის გაორმაგება, ბიზნესის მხარდაჭერა, დასაქმება – პრემიერ–მინისტრის პარლამენტში გამოსვლის ძირითადი თეზისები

იპოთეკის სუბსიდირება, ბავშვთა შემწეობის გაორმაგება, ბიზნესის მხარდაჭერა, დასაქმება – პრემიერ–მინისტრის პარლამენტში გამოსვლის ძირითადი თეზისები
access_time2021-06-25 16:30:13
საქართველოს მე-10 მოწვევის პარლამენტის საგაზაფხულო სესიის 25 ივნისის პლენარული სხდომაზე საქართველოს პრემიერ-მინისტრმა ირაკლი  ღარიბაშვილმა ანგარიში და ქვეყნის  განვითარების 10-წლიანი გეგმა წარადგინა. მისი თქმით, ეკონომიკური სტაბილურობისა და ქვეყნის სიძლიერისთვის რეგიონების განვითარება და ახალი სამუშაო ადგილების შემქნა...

„ტურიზმის სექტორიდან კადრების გადინება ერთ-ერთი მწვავე პრობლემაა, რომელიც სწრაფ და ეფექტიან რეაგირებას საჭიროებს“ - ლევან ვეფხვაძე

„ტურიზმის სექტორიდან კადრების გადინება ერთ-ერთი მწვავე პრობლემაა, რომელიც სწრაფ და ეფექტიან რეაგირებას საჭიროებს“ - ლევან ვეფხვაძე
access_time2021-06-25 14:50:47
საქართველოს ბიზნეს ასოციაციაში ტურიზმის კომიტეტის სხდომა გაიმართა, სადაც სექტორში არსებულ მთავარ გამოწვევად კვალიფიციური კადრების გადინება და შედეგად მათი სხვადასხვა ინდუსტრიებში გადანაწილება დასახელდა. ასოციაციის წევრი კომპანიებისა და კომიტეტის...

თინუსის სენდვიჩი თინუსისა და პურის გარეშე – NYT–ის ჟურნალისტურ გამოძიებას საქართველოში Subway–ს წარმომადგენელი პასუხობს

თინუსის სენდვიჩი თინუსისა და პურის გარეშე –  NYT–ის ჟურნალისტურ გამოძიებას საქართველოში Subway–ს წარმომადგენელი პასუხობს
access_time2021-06-25 16:00:51
Subway–ს რესტორნების ქსელს ახალი პრობლემა აქვს: The New York Times–ის დამოუკიდებელმა გამოძიებამ ირიბად დაადასტურა, რომ პოპულარულ სენდვიჩში ჩადებული თინუსი არ აღმოჩნდა რეალური თინუსი. გამოძიების შედეგი თანხვედრაშია აშშ–ში მიმდინარე წელს გაკეთებულ კოლექტიურ სარჩელთან. გასულ წელს ირლანდიის სასამართლომ დაადგინა, რომ ამ პროდუქტში არც პურია პური. ამის შესახებ The New York Times წერდა. ამ თემაზე „კომერსანტი“ საქართველოში Subway–ს  წარმომადგენელს გივი ორდენიძეს დაუკავშირდა,...

გადაიხადე საკომისიოს გარეშე - აქცია თიბისი ფეისგან

გადაიხადე საკომისიოს გარეშე - აქცია თიბისი ფეისგან
access_time2021-06-25 13:55:24
დღეიდან თიბისი ფეის ვებგვერდსა და აპლიკაციაში ნებისმიერი სერვისის გადახდას საკომისიოს გარეშე შეძლებთ.   თიბისი ფეი არის პორტალი, სადაც თავმოყრილია 1000-ზე მეტი სერვისი. აქ შესაძლებელია გადაიხადოთ სხვადასხვა ტიპის გადასახადი, ასევე გადარიცხოთ ან მოითხოვოთ თანხა.   www.tbcpay.ge-ს მეშვეობით შეგიძლიათ დაფაროთ კომუნალური გადასახადები, საბანკო და სადაზღვევო თანხები, გადაიხადოთ სწავლის საფასური, შეიძინოთ სასაჩუქრე ბარათები...

ხაზარაძე საშემოსავლო გადასახადის შემცირების ინიციატივით გამოდის

ხაზარაძე საშემოსავლო გადასახადის შემცირების ინიციატივით გამოდის
access_time2021-06-25 13:50:20
ლელოს ლიდერი მამუკა ხაზარაძე პარლამენტის დარგობრივი ეკონომიკის კომიტეტის სხდომაზე საშემოსავლო გადასახადის 15–18%–მდე შემცირების ინიციატივით გამოვიდა. „თუ გვინდა რომ შემოსავალი გავზარდოთ, საშემოსავლო გადასახადი ქვეყანაში უნდა იქნას დაწეული. თუ საშემოსავლო გადასახადს დავწევთ 15-18 პროცედნტამდე, მე გარანტიას გაძლევთ, რომ ქვეყანა მიღებს მშპ–ის საკმაოდ სერიოზულ დანამატს და შეოსავალს ქვეყნის ბიუჯეტში“, - განაცხადა მამუკა ხაზარაძემ. მან „სტრატეგია აღმაშენებლის“ ლიდერის გიორგი...


მსგავსი სიახლეები

up