ბელორუსის პრეზიდენტი, ალექსანდრე ლუკაშენკო აგრძელებს კონფლიქტის გარღმავებას მოსკოვთან. ამის შესახებ გამოცემა finanz.ru წერს.კვირის დასაწყისში გამართული ბუნებრივი აირის ფასებზე წარუმატებელი მოლაპარაკებების შემდეგ, ბელორუსის სახელმწიფო კონტროლის კომიტეტმა (КГК) ჩხრეკა ჩაატარა “ბელგაზპრომბანკის” ცენტრალურ მინსკის ოფისში, რომლის ყოფილმა უფროსმა, ვიქტორ ბაბარიკომ გადაწყვიტა, რომ საპრეზიდენტო არჩევნებში თავისი კანდიდატურა წამოაყენეს.

ბანკის 15 მოწინავე მენეჯერი, რომლის აქციების 99,6%-ს ფლობს „გაზპრომი“ და „გაზპრომბანკი“, ეჭვმიტანილები არიან ორგანიზებული დანაშაულის ჯგუფების შექმნაში და საზღვარგარეთ თანხების გასაღებად.

სატელევიზიო არხის Беларусь 1-ის ცნობით, კვირას მოგლიევში დააკავეს ბანკის კიდევ ერთი ხელმძღვანელი, რეგიონალური დირექტორატის ხელმძღვანელი სერგეი კარმიზოვი. მას ბრალი ედება სამსახურებრივი უფლებამოსილების ბოროტად გამოყენებასთან დაკავშირებით, მის წინააღმდეგ სისხლის სამართლის საქმე აღიძრა. მას ასევე ბრალი ედება, სესხების გაცემასთან დაკავშირებულ მანიპულაციებშიც.

სამი დღით ადრე ფინანსური გამოძიების დეპარტამენტმა სისხლის სამართლის საქმე გამოიძია განსაკუთრებით დიდი მასშტაბის გადასახადების გადაუხდელობასა და უკანანო გზით მიღებული შემოსავლების ლეგალიზაციასთან დაკავშირებით.

ბელორუსის პრეზიდენტის პრესმდივანის, ნატალია ეისმონტის თქმით, დაკავებულები აღიარებენ დანაშულს და ჩვენებას აძლევე მათ შორის, ბანკის ყოფილი ხელმძღვანელის ბაბარიკოს წინააღმდეგ.

“ამოღებულია დიდი რაოდენობით ფული, ფასიანი ქაღალდები და ოქრო”, – განაცხადა ნატალია ეისმონტმა. საგამოძიებო პოლიციის ინფორმაციით, ბანკის მინსკის ოფისიდან გამოიტანეს 4 მილიონი აშშ დოლარი ნაღდი ფული და ფასიანი ქაღალდები, რომელთა ღირებულება 500 ათას დოლარზე მეტია.

ასევე, გამოძიების ფარგლებში, 20 მილიონი დოლარის ღირებულების 150 ნახატი იქნა ჩამორთმეული, მათ შორისაა მარკ შაგალის “მწვანე პეიზაჟი” და ჰაიმ საუთინას “ევა”. ისინი “ბელგაზპრომბანკის” კორპორატიული კოლექციის ნაწილი იყო.

ბელარუსიის პრეზიდენტის, ალექსანდრ ლუკაშენკოს თქმით, ის ინტერპოლს დაუკავშირდება აღნიშნულ საქმესთან დაკავშირებით.

“ინტერპოლს დავურეკავ გამოძიების შედეგებიდან გამომდინარე და ვეტყვი, კარგად გააანალიზონ ეს დოკუმენტები. რუსებს, ამერიკელებს და ევროპელებს მოვიპატჟებ. დაე, მათ შეაფასონ ჩვენი საგამოძიებო ორგანოების მუშაობა და შესაბამისობა კანონთან. საჭირო იქნება – დაივიჭერთ. კანონის წინაშე ყველა თანასწორია”, – თქვა ლუკაშენკომ კვირას.

ბაბარიკოს, ბანკის ყოფილ ხელმძღვანელს, სურს რომ კონკურენცია გაუწიოს ლუკაშენკოს, რომელიც ქვეყანას 1994 წლიდან მართავს. მისი თქმით, ბანკის გარშემო აგორებული სიტუაცია პოლიტიკურ ხასიათს ატარებს და ის ასეთი “პროვოკაციული” ქმედებებისთვის მზად არის.

თავის მხრივ, ლუკაშენკომ განაცხადა, რომ “ბელგაზპრომბანკის” შემოწმება განხორციელდა მისი სახელით. ლუკაშენკოს თქმით, მას სჯერა, რომ ბაბარიკო კენჭს იმიტომ იყრის, რომ პოლიტპატიმრის სტატუსით მოახდინოს აპელირება.

შეგახსენებთ, რომ ბელორუსია მოითხოვს რუსული გაზის ფასის შემცირებას 127 კუბურ მეტრზე $127– დან $80 – მდე, რაც გულისხმობს, რომ ევროპულ ბაზარზე ფასები 40–50 დოლარამდე დაეცა.

თავის მხრივ, „გაზპრომი“ ითხოვს გაზზე გაცემული სესხის გადახდას 165 მილიონი აშშ დოლარის ოდენობით, რომელსაც მინსკი არ ცნობს.

გაზეთი „ბანკები და ფინანსები“