„თუ კომპანიები ვერ შეძლებენ ან საბანკო გარანტიის აღებას, ან ფინანსების მობილიზებას, შეიძლება, ქვეყანაში რამოდენიმე „ცენტრ პოინტი“ გვქონდეს“

„თუ კომპანიები ვერ შეძლებენ ან საბანკო გარანტიის აღებას, ან ფინანსების მობილიზებას, შეიძლება, ქვეყანაში რამოდენიმე „ცენტრ პოინტი“ გვქონდეს“

access_time2019-06-11 10:00:48

დეველოპერული კომპანია „ჯიდიჯი ჯგუფის“ დამფუძნებელი ბეჟან წაქაძე „კომერსანტთან“ დეველოპერული კომპანიების მიერ შიდა განვადებებს და მათ  მიმართ  ეროვნული ბანკის კონტროლის მექანიზმზე  საუბრობს.


პარლამენტის დამოუკიდებელი დეპუტატი დავით ჭიჭინაძე გუშინდელ საპარლამენტო მოსმენაზე,  სადაც ეროვნული ბანკის პრეზიდენტი კობა გვენეტაძე წლიურ ანგარიშს წარადგენდა, დეველოპერული კომპანიების მიერ შიდა განვადებების მიმართ  ეროვნული ბანკის კონტროლის მექანიზმებით დაინტერესდა. 


არ შეიძლება 8,  10 და 12  წლიანი განვადებები არსებობდეს, ეს არ არის განვადება, ნებისმიერი პროექტი მთავრდება 2-3 წელიწადში.  ჩვენ მაშინ უნდა ვიცოდეთ ამ კომპანიას საიდან გააჩნია ის ფინანსური რესურსი, რომ 10 და 12 წელი მისცეს ვიღაცას, არ შეიძლება ვიღაცის გადახდილი ფული ჩვენ რისკის ქვეშ დავაყენოთ, გაგვიმეორდება ცენტრ პოინტი-განაცხადა ჭიჭინაძემ.


როგორც წაქაძე განმარტავს, მას შიდა განვადებები ნაკლებად აქვს, რადგან მაღალსეგმენტიანი მყიდველი ბანკში არ მიდის. მიუხედავად ამისა, წაქაძე დეველოპერულ კომპანიებში შიდა განვადებების არსებობას მნიშვნელოვნად თვლის და განმარტავს, რომ შიდა განვადებებს ეროვნული ბანკი ვერც გააკონტროლებს და არც უნდა გააკონტროლოს.


„ორი დამოუკიდებელ პირს შორისაა ხელშეკრულება გაფორმებული და ამაში რატომ უნდა ჩაერიოს სებ-ი?“-აცხადებს წაქაძე.


კითხვაზე, როგორ ან ვინ დაიცავს კლიენტს იმ პირობებში, თუ  მან ფიზიკურად ვეღარ შეძლო სესხის გადახდა, წაქაძე განმარტავს, რომ ხელშეკრულებაში ეს თემა დეტალურადაა გაწერილი. მაგალითად, გადახდილი თანხის გარკვეული ნაწილი რჩება კომპანიას, დანარჩენი  კლიენტს რეალიზაციის შემდეგ უბრუნდება.



„შიდა განვადებები ადრეც იყო. ახლა უბრალოდ გრძელვადიანი იქნება, თორემ პრინციპი იგივეა. 10%-ს ვიტოვებდით გადახდილი თანხისას და ვერ გადახდის შემთხვევაში, დანარჩენს ვუბრუნებდით, როცა მისი შემდგომი რეალიზაცია მოხდებოდა. მთავრობას და ეროვნულ ბანკს ვინ კითხავს, ეს  ორ სუბიექტს შორის დადებული ხელშეკრულებაა,“-აცხადებს წაქაძე.


მისივე განმარტებით, განვადებების  8-12 წლიანი ვადით გაცემაც თუ შეზღუდეს, ეს, ფაქტობრივად, ბიზნესში ჩარევა იქნება.


„გაჭირვების დროს, როდესაც  კლიენტი ბანკისგან სესხს ვერ იღებს, ეს ფუნქცია დეველოპერულმა კომპანიებმა შეითავსეს. ისინი იძულებულები არიან, რადგან რეალიზაცია ჰქონდეთ და გარკვეული თანხის მობილიზაცია მოახერხონ,“-აცხადებს წაქაძე.


დავით ჭიჭინაძის კითხვაზე -საინტერსოა, დეველოპერულ  კომპანიას საიდან გააჩნია ის ფინანსური რესურსი, რომ 10 და 12 წელი მისცეს ვიღაცას, არ შეიძლება ვიღაცის გადახდილი ფული ჩვენ რისკის ქვეშ დავაყენოთ, გაგვიმეორდება „ცენტრ პოინტი“- ამის საპასუხოდ წაქაძე განმარტავს, რომ ეთანხმება ჭიჭინაძეს და აცხადებს, რომ ამ რისკის გამორიცხვა არ შეიძლება. კომპანიები იძულებულები გახდნენ ასეთ რისკზე წასულიყვნენ, მათ სხვა გამოსავალი არ ჰქონდათ.


მისი განმარტებით, ამ რისკს შეამცირებს ფინანსური უზრუნველყოფობა. შესაბამისად,  თუ კომპანიები, შეძლებენ ან  საბანკო გარანტიის აღებას ან თავისი ფინანსების მობილიზებას, მაშინ „ცენტრ პოინტები“ აღარ გვექნება, ამ რისკის წინაშე აღარ ვიქნებით. წინააღმდეგ შემთხვევაში შეიძლება ქვეყანაში რამოდენიმე „ცენტრ პოინტი“ მივიღოთ.


„დღეს ბაზარზე შემოსვლა ნებისმიერ კომპანიას შეუძლია, რომელსაც არც საწყისი კაპიტალი გააჩნია და არც დაწყებული მშენებლობის დამთავრების მეათედიც კი. ასეთი კომპანია  იწყებს ოპერირებას იმ იმედით, რომ ამ ბინებს გაყიდის და პროექტს დაასრულებს. ამიტომ არის ამდენი დაუსრულებელი მშენებლობა. ერთხელ და სამუდამოდ უნდა მივიღოთ ფინანსური რეგულაციების საკითხი, რაც ნიშნავს რომ კომპანიებმა მშენებლობის ნებართვის მიღების დროს წარადგინონ აღნიშნული საგარანტიო ან ფინანსური უზრუნვეყოფის რაიმე წერილი. წინააღმდეგ შემთხვევაში ეს საკითხი ვერ დარეგულირდება,“-აცხადებს წაქაძე.


მისი განმარტებით, საკითხის ისე დაყენება, რომ თუ რეგულაციას დაექვემდებარა ბანკებიდან სესხების აღება,მაშინ ავტომატურად აიკრძალოს დეველოპერულ კომპანიებში შიდა განვადებები,სწორი არ იქნება. წაქაძის განმარტებით, თუ ამ კანონს მიიღებენ, მაშინ  ბევრი დეველოპერული კომპანიის ბედი კითხვის ნიშნის ქვეშ დადგება.


წაქაძის განმარტებით, დეველოპერულ კომპანიებიდან სესხების  გადახდის პრობლემა არ არის.


„მშენებლობიდან პრობლემური სესხი მხოლოდ 0.8% იყო. მათაც კარგად იციან ეს, რომ დეველოპერებს ამის პრობლემა არ ჰქონდათ. დეველოპერებს შიდა განვადებების გაცემაც თუ აუკრძალეს, ეს ბიზნესს სერიოზულად დაარტყამს, შესაბამისად, გაიზრდება დაუმთავრებელი მშენებლობების რიცხვი,“-აცხადებს წაქაძე.

 

 სოფო ქსოვრელი 





არჩილ მესტვირიშვილი - რეგულაციების გადახედვაზე ვმუშაობთ, მაგრამ ეს არ ნიშნავს, რომ შერბილდება ან პრინციპები შეიცვლება

არჩილ მესტვირიშვილი - რეგულაციების გადახედვაზე ვმუშაობთ, მაგრამ ეს არ ნიშნავს, რომ შერბილდება ან პრინციპები შეიცვლება
access_time2019-09-19 22:40:22
საბანკო რეგულაციების გადახედვაზე ვმუშაობთ, მაგრამ ეს არ ნიშნავს, რომ ის შერბილდება ან პრინციპები შეიცვლება, – ამის შესახებ ეროვნული ბანკის ვიცე-პრეზიდენტმა, არჩილ მესტვირიშვილმა დღეს საქართველოს პირველი არხის გადაცემა „ბიზნესპარტნიორში“ სტუმრობისას განაცხადა. გადაცემაში ქართულ ბიზნესზე ეროვნული ვალუტის კურსისა და საბანკო რეგულაციების გავლენის საკითხი...

2020 წლიდან ამოქმედდება საპილოტე პროექტი, რომელიც ქუჩაში მანქანების გაჩერებას, ადგილზე შემოწმებას და ნორმების შეუსაბამობის შემთხვევაში, მათ დაჯარიმებას ითვალისწინებს

 2020 წლიდან ამოქმედდება საპილოტე პროექტი, რომელიც ქუჩაში მანქანების გაჩერებას, ადგილზე შემოწმებას და ნორმების შეუსაბამობის შემთხვევაში, მათ დაჯარიმებას ითვალისწინებს
access_time2019-09-19 19:00:57
ტექინსპექტირება, რომელიც თავდაპირველად ჰაერის დაბინძურების მიზეზით დაიწყო, ფაქტია, ამ მხრივ უშედეგო აღმოჩნდა. თითქმის ყველა საზოგადოებრივი ტრანსპორტი, ასევე მსუბუქი ავტომობილების ნაწილი დღესაც ისეთ შავ კვამლს უშვებს,რომ შეიძლება 200-300 მეტრზე ვერაფერი გაარჩიოთ. რადიო „ფორტუნამ“ ამ თემაზე ვრცელი სტატია გააკეთა, სადაც სპეციალისტები ტექინსპექტირების რეფორმის ჩავარდნაზე პირდაპირ საუბრობენ. ცოტა ხნის წინ კი ცნობილი გახდა, რომ გარემოს დაცვის სამინისტროში კონცეფციაზე მუშაობენ,...

გია ვოლსკი - კომპანია, რომელიც „ანაკლიის კონსორციუმმა“ ამერიკული კონტი ჯგუფის ნაცვლად წარმოადგინა, ფაქტობრივად, რუსული კომპანიაა

გია ვოლსკი - კომპანია, რომელიც „ანაკლიის კონსორციუმმა“ ამერიკული კონტი ჯგუფის ნაცვლად წარმოადგინა, ფაქტობრივად, რუსული კომპანიაა
access_time2019-09-19 17:15:52
ხაზარაძეს უნდა, რომ ორი კურდღელი ერთი გასროლით მოკლას. მე ვფიქრობ, ეს შეუძლებელია, მაგრამ, ამავე დროს ძალიან ცუდად ახასიათებს თავად ახალ შექმნილ პარტიას, - ამის შესახებ საპარლამენტო უმრავლესობის ლიდერმა გია ვოლსკიმ ჟურნალისტებს განუცხადა. ვოლსკის თქმით, კომპანია, რომელიც „ანაკლიის განვითარების კონსორციუმმა“ ამერიკული კონტი ჯგუფის ნაცვლად წარადგინა, ფაქტობრივად, რუსული კომპანიაა. “ხაზარაძე ასახელებს კომპანიას, რომელიც ფაქტობრივად, რუსული...

აკაკი ზოიძე- „ადამიანებს უნდა ვაჩვენოთ, რომ სწორ და ეფექტიან ნაბიჯებს ვდგამთ, რომელიც მათ გაჭირვებას შეამსუბუქებს, ზოგიერთი მათგანისთვის ცხოვრება აუტანელი ტვირთია“

აკაკი ზოიძე- „ადამიანებს უნდა ვაჩვენოთ, რომ სწორ და ეფექტიან ნაბიჯებს ვდგამთ, რომელიც მათ გაჭირვებას შეამსუბუქებს, ზოგიერთი მათგანისთვის ცხოვრება აუტანელი ტვირთია“
access_time2019-09-19 15:20:57
„ეროვნულ-დემოკრატიული ინსტიტუტის“ (NDI) კვლევის შედეგების მიხედვით, გამოკითხულთა 49 პროცენტი ფიქრობს, რომ ქვეყანა არასწორი მიმართულებით ვითარდება, 63 პროცენტი ფიქრობს, რომ საქართველოს ეკონომიკური მდგომარეობა ცუდია. გამოკითხულთა 84 პროცენტი პასუხისმგებლობას ხელისუფლებას და მთავრობას აკისრებს.   საზოგადოებრივი აზრის კვლევა, რომელიც 13-29 ივლისს ჩატარდა, ნათლად აჩვენებს იმ მძიმე სოციალურ-ეკონომიკურ მდგომარებას,  რომელიც დღეს ქვეყანაშია შექმნილი....

ნათია თურნავა არ ადასტურებს გავრცელებულ ინფორმაციას სამთავრობო ცვლილებების შესახებ

ნათია თურნავა არ ადასტურებს გავრცელებულ ინფორმაციას სამთავრობო ცვლილებების შესახებ
access_time2019-09-19 15:00:53
საქართველოს ეკონომიკისა და მდგრადი განვითარების მინისტრის ნათია თურნავას განცხადებით, ეკონომიკისა და მდგრადი განვითარების სამინისტროდან ენერგეტიკის ცალკე სამინისტროდ გამოყოფის საკითხი მთავრობაში არ განიხილება. „არ გიდასტურებთ ინფორმაციას ეკონომიკისა და მდგრადი განვითარების სამინისტროდან ენერგეტიკის ცალკე სამინისტროდ გამოყოფის შესახებ, მთავრობაში მსგავსი ცვლილება არ განიხილება, ჩვენ ვართ მცირე მთავრობის კონცეფციის ერთგულები, - განაცხადა ნათია თურნავამ ჟურნალისტის მიერ...


მსგავსი სიახლეები

up