აფროამერიკელები გაცილებით უფრო ხშირად იღუპებიან კორონავირუსისგან, ვიდრე თეთრკანიანები.რატომ?შავკანიანთა წილი დაავადებულებს და გარდაცვლილებს შორის აშშ-ში არაპროპორციულია ქვეყნის მოსახლეობაში მათ წილთან - ასეთია რამდენიმე შტატის არაოფიციალური მონაცემები.
ინფიცირების და სიკვდილიანობის რასობრივი სტატისტიკა ჯერ არ არსებობს, დაავადებათა კონტროლის ცენტრები არ ავრცელებენ ინფორმაციას ამ საკითხზე, ჯერჯერობით არაფერი ისმის იმ შტატების ხელმძღვანელობისგან, სადაც ბევრი აფროამერიკელი ცხოვრობს. პირველ რიგში, ეს ეხება ნიუ-იორკს, კალიფორნიას, ნიუ-ჯერსის და ვაშინგტონს.
თუმცა, არსებობს წინასწარი მონაცემები ჩიკაგოდან, რომლებიც ცხადყოფს, რომ კორონავირუსით შავკანიანები მეტად ინფიცირდებიან.ჩიკაგოს მოსახლების 30%-ი შავკანიანია, თუმცა, ინფიცირებულებს შორის მათი წილი 50%-ს შეადგენს, ხოლო გარდაცვლილებში - 70%-ს.შტატ ილინოისში, რომლის ცენტრიც სწორედ ჩიკაგოა, შავკანიანები მოსახლეობის 15%-ს შეადგენენ, ხოლო დაავადებულების წილია- 28%, დაღუპულების - 43%.
ანალოგიური სიტუაციაა რამდენიმე სხვა შტატში, განსაკუთრებით მიჩიგანში, რომელიც ფატალური შემთხვევების რაოდენობით მესამე ადგილზეა ნიუ-იორკის და ნიუ-ჯერსის შემდეგ.მიჩიგანის მოსახლეობის 14% შავკანიანია, თუმცა, მათზე მოდის დაინფიცირების მესამედი და გარდაცვალებათა 40%-ი.
ჩიკაგოს კომისარმა ჯანდაცვის საკითხებში ელისონ არვადიმ განაცხადა, რომ ქალაქის შავკანიან მცხოვრებთა სიცოცხლის ხანგძლივობა თითქმის 9 წლით ნაკლებია, ვიდრე თეთრკანიანების.
კვლევების თანახმად, შავკანიან ჩიკაგოელებს შორის 2-ჯერ ხშირია დიაბეტი, ხოლო სიკვდილიანობა ფილტვების დაავადებებისგან - თითქმის 20%-ით მაღალი.ყოველ მე-5 აფროამერიკელს ჩიკაგოში აწუხებს მაღალი წნევა, რაც 25%-ით მეტია, ვიდრე თეთრკანიანების შემთხვევაშია. ყველაფერი ეს არის დამატებითი რისკ-ფაქტორები, რომლებიც ასევე ნეგატიურად მოქმედებენ კორონავირუსისგან სიკვდილიანობის მაჩვენებლებზე.
რითია გამოწვეული ასეთი უთანასწორობა ისეთ მდიდარ ქვეყანაში, როგორიც აშშ-ია?
ქრონიკული დაავადებები, რომლებიც ხშირია აფროამერიკელებს შორის - არის რასობრივი დისკრიმინაციის ათწლეულებით გამოწვეული სიღარიბის შედეგი. ბევრ შავკანიანს არ გააჩნია სახსრები სამედიცინო დახმარების მისაღებად, თანაც კვლევების თანახმად, ხშირად ექიმები, ძირითადად თეთრკანიანები, არ აქცევენ სათანადო ყურადღებას აფროამერიკელი პაციენტების ჩივილებს.
„ცხოვრების ცუდი პირობები, ხვრელები სოციალური დაცვის სისტემაში, არათანაბარი წვდომა განათლებასა და კარიერასთან, სისტემური რასიზმი, რომელიც ახალისებს რასობრივი დისკრიმინაციას - ეს ყველაფერი მოქმედებს სიტუაციაზე კორონავირუსთან დაკავშირებით“ - ამბობს არვადი.
ყველაფერთან ერთად, აფროამერიკელებს უჭირთ თვითიზოლაციაში დარჩენა, რადგანაც მათი დიდი ნაწილი მუშაობს მაღაზიებში, ტრანსპორტში, და სხვა ისეთ ადგილებში, სადაც შეუძლებელია დისტანციური საქმიანობა.მათი დიდი ნაწილი ღარიბია, ბევრს არ ჰყავს ავტომობილი და მათ უწევთ სამსახურში საზოგადოებრივი ტრანსპორტით სიარული.
ასევე მძიმეა სიტუაცია დაბალი სტატუსის მქონე სხვა რასობრივ ჯგუფში - ლათინოამერიკელებს და ინდიელებს შორის.ჩიკაგოს მერის ლორი ლაიტფუტის თქმით, ლათინოსების დაინფიცირება ნაკლებად გამოვლინდება, თუმცა, მათზე მოდის დაავადებულთა 14%.
Los Angeles Times-ს ინფორმაციით, ლათინოამერიკელებს შორის თეთრკანიანებში ბევრად უფრო მაღალია ჭარბი წონის და დიაბეტის, ხოლო ინდიელებს შორის - დიაბეტის და გულს-სისხლძარღვთა დაავადებათა გავრცელება.
როგორც ცნობილია, სწორედ ეს დაავადებები ზრდიან კორონავირუსით გარდაცვალების რისკს.
წყარო: bbc.com
მოამზადა თენგიზ აბლოთიამ