BBC: ევროპა ზამთრისთვის ემზადება - არავითარი კარანტინი

BBC: ევროპა ზამთრისთვის ემზადება - არავითარი კარანტინი

access_time2020-09-14 20:00:06

ევროპა კორონავირუსთან ერთად ზამთრის პირობებში სრულფასოვანი თანაცხოვრებისთვის ემზადება. პანდემიის მეორე ტალღას ყველა ელოდება, თუმცა ევროპელები განმეორებით კარანტინზე მტკიცე უარს ამბობენ. საყოველთაო ლოკდაუნი მსოფლიოს ძალიან ძვირი დაუჯდა, თუმცა, მისი დასრულების შემდეგ, ცოტა ხანში დაავადების მეორე ტალღაც მოვიდა. მართალია ის გაცილებით ნაკლებ ადამიანს კლავს, ამიტომაც ევროპელები ხელმეორედ ჩაკეტვას არ აპირებენ.


წინა თვეების კარანტინის შედეგებით უკმაყოფილება ყოველდღიურად იზრდება. ბიზნესის შემოსავლები ვარდნას განაგრძობს, ეკონომიკის ხელოვნურ კომაში არსებობისთვის საჭირო დანახარჯები კი ყოველდღიურად იზრდება. შექმნილ სიტუაციაში ევროპა არა კორონავირუსის მოსპობაზე, არამედ მასთან მშვიდობიან თანაცხოვრებაზე ფიქრობს.


იმედს ისიც ამყარებს, რომ მოქალაქეებიც და ბიზნესის ცხოვრების ახალ წესთან ადაპტირებას ახერხებენ. პირბადეებს ატარებენ, დისტანციას იცავენ, სახლიდან მუშაობენ. ემოციური ესპანელები და იტალიელები ცივსისხლიანი სკანდინავებივით იქცევიან, და პანდემიის მეორე ტალღის გავლას შვედური გზით იმედოვნებენ ანუ ევროპაში მაღაზიები არ იკეტება, ოფისები მუშაობენ, საზღვრები ღიაა.


ლოკდაუნის წინაამღდეგ კონტინენტის ყველაზე გავლენიანი პოლიტიკოსები, ანგელა მერკელი და ემანუელ მაკრონი გამოვიდნენ.


„ჩვენ ქვეყნის გაჩერების ფუფუნება არა გვაქვს, რადგანაც კარანტინს ბევრი უკუჩვენება გააჩნია, ამიტომაც უნდა გავიაზროთ, რომ რისკების ნულამდე დაყვანა შეუძლებელია“, - განაცხადა მან.


ანგელა მერკელმაც განაცხადა, რომ ევროკავშირს გაზაფხულის კოშმარის გამეორება არ სურს, როდესაც კონტინენტის 450 მლნ. მაცხოვრებელი ჩაკეტილი და იზოლირებული აღმოჩნდა.


„როგორც პოლიტიკოსები, ჩვენ ვალდებულები ვართ საზღვრების ხელმეორე დახურვა თავიდან ავიცილოთ“ - განაცხადა ანგელა მერკელმა.



2020 წლის ევროკავშირის ეკონომიკა 8%-ით დაეცემა და ყველაზე დიდი ზიანი ტურისტულ სექტორს მიადგა. ივლისში სიტუაციამ გამოსწორება დაიწყო, თუმცა სასტუმროების და ავიაკომპანიების ბრუნვა 2019 წლის ანალოგიურ პერიოდთან შედარებით 70%-ით ნაკლებია.


თუ ყველაფერი ასე გაგრძელდა, ბიზნესი არათუ მეორე ტალღას ვერ გადაიტანს, არამედ მის დაწყებამდეც ვერ მიაღწევს. განწყობებს სასწავლო წლის დაწყება და ახლო მომავალში ამინდის გაუარესება ამძაფრებს. ამ ფაქტორების გამო ადამიანებს შენობებში შესვლა მოუწევთ, იქ კი დაინფიცირების ბევრად უფრო მაღალი რისკია. მაგრამ ამ ყველაფერის მიუხედავად ევროპას პანდემიასთან გამკლავება მოქალაქეების ჩაკეტვის გარეშე სურს.


„შემიძლია გარკვევით ვთქვა, რომ იტალიას ახალი ლოკდაუნი არ ემუქრება. დღეს ჩვენი საავადმყოფოები გაცილებით უკეთესად არიან მზად, ანალიზები სწრაფად კეთდება, ახალი დაინფიცირებულების დიდი ნაწილი ახალგაზრდაა და მათ ვირუსი მსუბუქად, ხშირად უსიმპტომოდაც გადააქვთ. აგვისტოში რეანიმაციებში კორონავირუსის დიაგნოზით სულ 66 პაციენტი იყო მოთავსებულია, მაშინ, როდესაც მარტ-აპრილში - 4068“, - განაცხადა იტალიის ჯანდაცვის მინისტრმა რობერტო სპერანცამ.


იტალიელი კოლეგას მოსაზრებას გერმანიის ჯანდაცვის მინისტრი იენს შპანი იზიარებს.


„ჩვენმა მედიკოსებმა დაავადებასთან წერტილოვანი ბრძოლა ისწავლეს ტოტალური დაბომბვების გარეშე. ამიტომაც კარანტინის შემოღება მთელი ქვეყნის მასშტაბებში საჭირო არ იქნება. ჩვენ შემოდგომა-ზამთრის სეზონში სიმშვიდით და მომავლის რწმენით შევდივართ“, - განაცხადა მან.


რაც უფრო შორსაა საშიში ვირუსის წინაშე მასობრივი შიში, მით უფრო მეტი კრიტიკოსი გამოჩნდა საყოველთაო თვითიზოლაციის პოლიტიკას და მით უფრო ნაკლებია მისი გამეორების მსურველები.


თუმცა, გერმანელი მინისტრი დარწმუნებულია, რომ მთლიანობაში მიდგომა სწორი იყო.


„მარტში სხვა სიტუაცია იყო ვიდრე დღეს. ჩვენ ნაკლები ვიცოდით და დინამიკაც განსხვავებული იყო. მაშინ მკვეთრი ნაბიჯების გადადგმა აუცილებელი იყო და ჩვენ ის ადამიანების გადასარჩენად გავაკეთეთ“, - განაცხადა იენს შპანმა.


დროა ნორმალური ცხოვრების დაბრუნება, წინაამღდეგ შემთხვევაში ვირუსთან ბრძოლა უფრო საზიანო იქნება ვიდრე თავად ვირუსი - ამბობენ ევროპის სხვადასხვა ქალაქებში შეზღუდვების წინაამღდეგ პროტესტის ნიშნად გამოსული ადამიანები.


მთავრობებიც იძულებულები არიან მათი აზრი გაითვალისწინონ, ცალკეული შეზღუდვები და პირბადეების ტარება ჩვეულ მოვლენა გახდა, თუმცა, საყოველთაო იზოლაცია წარსულს ჩაბარდა.


თენგიზ აბლოთია

bbc.com


თეგები:
ევროპა



Die Welt: ამერიკა - პანდემიის მესამე ტალღის მოლოდინში

Die Welt: ამერიკა - პანდემიის მესამე ტალღის მოლოდინში
access_time2020-11-23 20:00:47
კორონაკრიზისი შტატებში ყოველდღიურად სულ უფრო და უფრო მწვავდება, თუმცა, პრეზიდენტი ტრამპი ტვიტერში კომენტარების წერით და გოლფის თამაშითაა დაკავებული. დემოკრატები სიტუაციის შემდგომი გამწვავების თავიდან არიდებას ცდილობენ, მაგრამ თეთრი სახლი ამ მცდელობების ბლოკირებას ახდენს.   ამერიკის ექთნების პროფკავშირის თავჯდომარე მერი ტერნერი შტატ მინესოტას ერთ-ერთ კლინიკაში მუშაობს და ეპიდემიოლოგიური ვითარებას თვალს ფრონტის წინა ხაზიდან ადევნებს.   ამ დღეებში...

Bloomberg: 2021 წელს ნავთობგადამუშავების მსოფლიო ლიდერი ჩინეთი გახდება

Bloomberg: 2021 წელს ნავთობგადამუშავების მსოფლიო ლიდერი ჩინეთი გახდება
access_time2020-11-23 18:00:49
მე-19 საუკუნის ბოლოდან დღემდე მსოფლიო ლიდერი ნავთობგადამუშავების დარგში აშშ იყო - პირველად, ასწლეულების მანძილზე ეს რეალობა იცვლება და პირველ ადგილზე ჩინეთი გადის. სავარაუდოდ, ეს უკვე 2021 წელს მოხვდება. საერთაშორისო ენერგეტიკული სააგენტოს ინფორმაციით, პეკინი ნავთობგადამამუშავებელ სიმძლავრეებს აქტიურად ზრდის და ამ ბაზარზე ლიდერობისთვის ემზადება. კერძოდ, ჩინეთში 4 ნავთობგადამამუშავებელი ქარხანა შენდება, მაშინ, როდესაც შტატებში პირიქით, იხურება -...

ნათია მეზვრიშვილმა თანამდებობა დატოვა

ნათია მეზვრიშვილმა თანამდებობა დატოვა
access_time2020-11-23 15:44:28
მთავრობის ადმინისტრაციის უფროსი ნათია მეზვრიშვილი თანამდებობას ტოვებს. ამის შესახებ ნათია მეზვრიშვილი სოციალურ ქსელში წერს.    "13-წლიანი უკიდურესად საინტერესო და გამოწვევებით სავსე საქმიანობის შემდეგ, დღეს დავტოვე საჯარო სამსახური. მინდა მადლობა გადავუხადო თითოეულ საჯარო მოხელეს, რომლებთან ერთადაც ბევრი წელი გავატარე. მადლობა ყველას - მთავრობაში, პარლამენტში, პოლიტიკაში თუ პოლიტიკის მიღმა, საერთაშორისო პარტნიორებს, არასამთავრობო ორგანიზაციებს, ჟურნალისტებს და...

კარანტინის შემდეგ, კომპანიების 25%-მა საქმიანობა ვერ აღადგინა

კარანტინის შემდეგ, კომპანიების 25%-მა საქმიანობა ვერ აღადგინა
access_time2020-11-23 16:00:45
კარანტინის შემდეგ, კომპანიების 25%-მა ვერ განაახლა საქმიანობა, - ასეთია ინვესტორთა საბჭოს და EBRD-ს მიერ მომზადებული კვლევის შედეგები. მათგან 51%-მა დახურული საზღვრები საქმიანობის განახლების ძირითად შემაფერხებელ მიზეზად დაასახელა. ეს პრობლემა ყველაზე მნიშვნელოვანი სირთულეა არა მხოლოდ ტურიზმთან დაკავშირებული, არამედ თითქმის ყველა სხვა სექტორისთვისაც. შემდეგი ორი მნიშვნელოვანი შეფერხება ეხებოდა მოთხოვნის შემცირებას (20%) და რეგულაციებს (10%).  საქმიანობის განახლების ყველაზე დაბალი...

კომერციული ბანკების მოგება 101,548 მლნ ლარით გაიზარდა

კომერციული ბანკების მოგება 101,548  მლნ ლარით გაიზარდა
access_time2020-11-23 13:00:56
კომერციულმა ბანკებმა 2020 წლის ოქტომბერი 166,189 მლნ ლარის წმინდა მოგებით დაასრულეს.   ეს კი წინა თვესთან შედარებით, 101,548 მლნ ლარით მეტია. სექტემბერში ბანკების წმინდა მოგება 64,641 მლნ ლარს შეადგენდა.   ეროვნული ბანკის ვებ-გვერდზე გამოქვეყნებული სტატისტიკის მიხედვით, 2020 წლის ოქტომბერში კომერციული ბანკების მიერ ჯარიმა/საურავებიდან მიღებულმა შემოსავალმა 5,516 მლნ ლარი; საკონვერსიო ოპერაციებიდან მიღებულმა წმინდა მოგება/ზარალმა -3,257 მლნ ლარი...


მსგავსი სიახლეები

up