ანგოლელმა მილიარდერმა იზაბელ დუშ სანტუში , რომელიც დიდ ფინანსურ სკანდალშია გახვეული, ივარაუდა, რომ შესაძლოა ქვეყნის პრეზიდენტობა სურდეს, თუმცა ოთხჯერ მტკიცედ უარყო, რომ ამისკენ ისწრაფვის. ამის შესახებ მან BBC-სთან ინტერვიუში განაცხადა.

მისი მამა ჟოზე ედუარდო დუშ სანტუში ანგოლას 38 წლის განმავლობაში მართავდა. რაც შეეხება ფინანსურ სკანდალს, პროკურორები ცდილობენ იზაბელ დუშ სანტუშისა და მისი პარტნიორებისგან 1 მილიარდი დოლარი დაუბრუნონ ქვეყანას, რომელზეც ეჭვია, რომ მათ მიიტაცეს. სანტუში ყველა ბრალდებას უარყოფს.

სანტუშმა BBC-სთან ინტერვიუში, რომელიც ლონდონში ჩაიწერა, ხაზი გაუსვა ფაქტს, რომ ანგოლაში დაბრუნების შემთხვევაში მისი სიცოცხლე შეიძლება საფრთხის ქვეშ აღმოჩნდეს. სანტუშმა განაცხადა, რომ მას პატრიოტიზმის დიდი შეგრძნება და ქვეყნის წინაშე ვალი აქვს.

მოგვიანებით, სანტუშმა პორტუგალიურ ტელეარხთან ინტერვიუში თქვა, რომ შესაძლებელია მონაწილეობა მიიღოს 2022 წლის საპრეზიდენტო არჩევნებში.

46 წლის იზაბელ დუშ სანტუში მსოფლიოში ერთ-ერთი უმდიდრესი ქალია, Forbes-ს მისი ქონება 2.2 მილიარდ დოლარად აქვს შეფასებული. მამამისმა სანტოსი ნავთობკომპანია Sonangol-ის ხელმძღვანელად 2016 წელს დანიშნა.

imedinews.ge