უნდა შევქმნათ კონკურენცია და უნდა შევთავაზოთ ბაზარს ისეთი პროდუქტები, რომლებიც დღემდე ბაზარზე არ არსებობს - დიმიტრი ქუმსიშვილი

უნდა შევქმნათ კონკურენცია და უნდა შევთავაზოთ ბაზარს ისეთი პროდუქტები, რომლებიც დღემდე ბაზარზე არ არსებობს - დიმიტრი ქუმსიშვილი

access_time2022-11-23 20:15:42

პირველი ციფრული ბანკი „პეისერას“ მომხმარებელი SEPA - ერთიანი ევროპული საგადახდო სისტემით სარგებლობას შეძლებს, რაც ნიშნავს იმას, რომ 24/7 რეჟიმში ჩვენი მომხმარებელი ევროპაში და ევროპიდან მოახერხებს ანგარიშსწორებას და ეს იქნება ძალიან იაფი, - ამის შესახებ „პეისერა საქართველოს“ გენერალურმა დირექტორმა დიმიტრი ქუმსიშვილმა „პალიტრანიუსის“ გადაცემა „ბიზნეს პალიტრის“ ეთერში, ქვეყანაში პირველი ციფრული ბანკის შექმნის უპირატესობებზე საუბრისას განაცხადა.


მისი თქმით, ციფრული ბანკის ლიცენზიის მოსაპოვებლად კომპანიას ბევრი კრიტერიუმის დაკმაყოფილება მოუხდა, რომელთა შორის იყო ინოვაციურობა, კონკურენტუნარიანობა და ის ფაქტორი, რომ კომპანიამ ბაზრისთვის უნდა შეძლოს ისეთი პროდუქტის შეთავაზება, რომელიც ქართველ მომხმარებელს ამ დრომდე არ ჰქონდა.


„დღეს კონკურენციით გაჯერებულ ბაზარზე შემოსვლა შესაძლებელია მხოლოდ იმ შემთხვევაში, თუ თქვენ მართლა რაიმე ახალს შესთავაზებთ მომხმარებელს. რეგულატორისთვისაც ძალიან მნიშვნელოვანია, რომ თქვენი ბიზნესმოდელი იყოს ძალიან მდგრადი. მინდა მადლობა გადავუხადო ეროვნული ბანკის გუნდს, ობიექტურად ბევრი გვამუშავეს, რაც სწორია, როდესაც ბანკის ლიცენზიას იღებ, არანაირი შეღავათი ნამდვილად არ გვქონია, თუმცა იყო ძალიან კონსტრუქციული მუშაობა, რაც დაგვირგვინდა პირველი ციფრული ბანკის ლიცენზიის აღებით, რომელმაც პროდუქტების ჭრილში ძალიან ბევრი ბენეფიტი უნდა მოუტანოს ჩვენს მოსახლეობას.


კრიტერიუმები, რომელიც ჩვენ დავაკმაყოფილეთ, მდგომარეობს იმაში, რომ უნდა ვიყოთ ინოვაციურები და ვართ ინოვაციურები; ბაზარზე უნდა შევქმნათ კონკურენცია და უნდა შევთავაზოთ ბაზარს ისეთი პროდუქტები, რომლებიც დღემდე ბაზარზე არ არსებობს. ეს პროდუქტები უნდა იყოს უფრო ხელმისაწვდომი ჩვენი მოსახლეობისთვის, ვიდრე დღეს არის და გარდა ამისა, უნდა იყოს შესაძლებელი, რომ დამოუკიდებლად საბანკო სერვისები ბითუმად შესთავაზოს სხვა მომხმარებლებს, მაგალითად, მიკროსაფინანსოებს შესთავაზო ე.წ.საფულე“,- განაცხადა დიმიტრი ქუმსიშვილმა.



გარდა ამისა, მან „პეისერა საქართველოს“ ერთ-ერთი პროდუქტიც მიმოიხილა, რომელიც მისივე შეფასებით, მოსახლეობას ევროპასთან უფრო მეტად აახლოებს.


„მგონია, რომ ეს ძალიან კარგი პროდუქტია და არა მარტო ჩვენ, მთლიანად ქვეყანა არის მონდომებული, რომ ეს პროდუქტი დაინერგოს, მათ შორის, მთავრობა და ეროვნული ბანკი. მომხმარებელს, რომელიც ჩვენთან მოვა, მისი სურვილის შემთხვევაში ჩვენ გავუხსნით როგორც ქართულ საერთაშორისო საბანკო ანგარიშს, ასევე რეალურ ევროპულ საერთაშორისო ანგარიშს, თავისი ყველა ბენეფიტით და ავხსნი ამ ბენეფიტებს - ქართულ-საერთაშორისო საბანკო ანგარიში გვაძლევს შესაძლებლობას, რომ საქართველოს ანგარიშსწორების სისტემაში ვიყოთ ჩართული, ევროპულ-საერთაშორისო ანგარიში იძლევა შესაძლებლობას, ამავდროულად, ჩართული იყოს ევროპის ერთიანი გადახდების სისტემაში, რაც ნიშნავს იმას, რომ 24/7 რეჟიმში ჩვენი მომხმარებელი ევროპაში და ევროპიდან მოახერხებს ანგარიშსწორებას და ეს იქნება ძალიან იაფი. არ იქნება არანაირი შუამავალი და არანაირი დამატებითი რგოლები.


თუ ჩვენ ევროპისკენ მივდივართ, თუ ჩვენ გვინდა ევროპაში ინტეგრაცია, ჩვენ ვამბობთ, რომ „პეისერა საქართველომ“ ევროპის ფინანსური ანგარიშსწორების სისტემასთან საქართველოს ნაწილის ინტეგრაცია შეძლო“, - განაცხადა დიმიტრი ქუმსიშვილმა.



წყარო: https://www.interpressnews.ge/




TIME-მა წლის გმირებად ირანელი ქალები დაასახელა

TIME-მა წლის გმირებად ირანელი ქალები დაასახელა
access_time2022-12-07 20:00:41
TIME-მა წლის გმირებად ირანელი ქალები დაასახელა. შეგახსენებთ, რომ ირანში საპროტესტო გამოსვლები სექტემბრის თვეში 22 წლის...

უკრაინის პრეზიდენტი ვოლოდიმირ ზელენსკი TIME - მა წლის ადამიანად დაასახელა

უკრაინის პრეზიდენტი ვოლოდიმირ ზელენსკი TIME - მა  წლის ადამიანად დაასახელა
access_time2022-12-07 17:19:11
უკრაინის პრეზიდენტი ვოლოდიმირ ზელენსკი ჟურნალმა TIME-მა წლისადამიანად დაასახელა. 44 წლის, ყოფილი კომიკოსი, მსახიობი, მწერალი და პროდიუსერი, უკრაინის პრეზიდენტის პოსტს  2019 წლიდან იკავებს.   მანამდე...

ევროკავშირი გაზის ზღვრულ ფასად 220 ევროს განიხილავს

ევროკავშირი გაზის ზღვრულ ფასად 220 ევროს განიხილავს
access_time2022-12-07 17:45:28
ევროკავშირის ქვეყნები გაზის ზღვრული ფასის 220 ევრომდე (231 დოლარამდე) შემცირებას განიხილავენ. ინფორმაციას Reuters ავრცელებს.   ევროკავშირის თავმჯდომარე ქვეყნის, ჩეხეთის წინადადებით, თუ ხუთი დღის განმავლობაში გაზის საფასური 1 მგვტ/სთ-ზე 220 ევროს (1000 მ³-ზე 2 321 ევროს) გადააჭარბებს, ფასზე ლიმიტი უნდა დაწესდეს. სააგენტოს ცნობით, ინიციატივა წევრი ქვეყნების შეხვედრიდან ერთი კვირით ადრე გაჩნდა, რომელზეც ბლოკი შეთანხმების მიღწევას იმედოვნებს, რადგან „საკითხმა 27 წევრი...

განახლდება თუ არა რუსეთზე ფრენა - საჰაერო ტრანსპორტის საერთაშორისო ასოციაცია მოწოდებით გამოდის

განახლდება თუ არა რუსეთზე ფრენა - საჰაერო ტრანსპორტის საერთაშორისო ასოციაცია მოწოდებით გამოდის
access_time2022-12-07 18:00:32
დასავლეთმა უნდა გადახედოს საკუთარ შეხედულებებს და რუსეთის საჰაერო სივრცის გავლით ფრენების განახლებას შეეცადოს. ამის შესახებ საჰაერო ტრანსპორტის საერთაშორისო ასოციაციის (IATA) გენერალურმა დირექტორმა უილიამ უოლშმა ჟენევაში გამართულ კონფერენციაზე განაცხადა, იუწყება The Telegraph. 2023 წელს ჩინეთმა შესაძლოა შეამსუბუქოს ანტიკორონავირუსული შეზღუდვები, თქვა უოლშმა, რაც ჩინურ ავიაკომპანიებს British Airways-თან შედარებით ანიჭებს უპირატესობას, რომლის ფრენები შეიძლება საათობით გახანგრძლივდეს...

კრემლი უარყოფს, რომ პუტინი კიბეზე წაიქცა და „უნებლიე დეფეკაცია“ ჰქონდა - Newsweek

კრემლი უარყოფს, რომ პუტინი კიბეზე წაიქცა და „უნებლიე დეფეკაცია“ ჰქონდა - Newsweek
access_time2022-12-07 21:00:54
რუსეთის პრეზიდენტის ვლადიმერ პუტინის პრესსამსახური უარყოფს ინფორმაციას იმის შესახებ, რომ კრემლის ლიდერი კიბეებიდან ჩამოვარდა და „უნებლიე დეფეკაცია“ ჰქონდა. ინფორმაციას Newsweek-ი ავრცელებს.   General SVR-მა გასულ კვირას Telegram-ზე გამოაქვეყნა ინფორმაცია იმის შესახებ, თუ როგორ გაატარა პუტინმა სამუშაო თათბირი სტრესულ ვითარებაში, სადაც განიხილავდნენ მძიმე...


მსგავსი სიახლეები

up