„ბავშვთა სამყაროსთვის“ ხანძრის შედეგად მიყენებული ზარალის ანაზღაურება ჯერ არ დაწყებულა

„ბავშვთა სამყაროსთვის“ ხანძრის შედეგად მიყენებული ზარალის ანაზღაურება ჯერ არ დაწყებულა

access_time2017-12-26 09:40:22

სავაჭრო ცენტრ „ბავშვთა სამყაროსთვის“ ხანძრის შედეგად მიყენებული ზარალის ანაზღაურების პროცესი ჯერ არ დაწყებულა. როგორც „კომერსანტს“ სადაზღვევო კომპანია „ალდაგის“ ზარალების განყოფილების უფროსმა ვახო ებიტაშვილმა განუცხადა, სავაჭრო ცენტრის კუთვნილი ქონება მთლიანად „ალდაგში“ იყო დაზღვეული, თუმცა ზარალის ანაზღაურება გამოძიების დასრულებამდე ვერ დაიწყება.


„სააქციო საზოგადოება სავაჭრო სახლ „ბავშვთა სამყაროს“ კუთვნილი ქონება, შენობა-ნაგებობა ჩვენთან იყო დაზღვეული. ხანძრის შედეგად, ტერიტორიას სრული განადგურების კვალიფიკაცია მიენიჭა. ამჟამად მუშა-პროცესი მიმდინარეობს. გამოძიების შედეგებს ველოდებით, რომ ანაზღაურების გაცემაზე მუშაობა დავიწყოთ. ბუნებრივია, სანამ გამოძიების შედეგი არ გვეცოდინება, ამის გარეშე ანაზღაურების გაცემას ვერ დავიწყებ“, - აცხადებს ებიტაშვილი.


მისივე თქმით, სადაზღვევო თანხამ ექვსი მილიონი ლარი შეადგინა და სრული ზარალის შემთხვევაში, ამ თანხას სრულად აანაზღაურებენ.


„გამოძიების შედეგები როგორც კი გვეცოდინება, რამდენიმე კვირის ვადაში ზარალს მთლიანად ავანაზღაურებთ“, - აღნიშნავს ვახო ებიტაშვილი.



მისივე თქმით, მსგავსი რისკების და ზარალის თავიდან ასაცილებლად აუცილებელია, რომ საზოგადოებრივი თავშეყრის ადგილებისთვის მესამე პირის დაზღვევა სავალდებულო გახდეს.


„სავაჭრო ობიექტები, სასტუმროები, ბენზინგასამართი სადგურები სავალდებულო წესით უნდა იყოს დაზღვეული მსგავსი რისკებისგან, როგორც მესამე პირთა წინაშე პასუხისმგებლობის კუთხით, ასევე საკუთარ ქონებასთან მიმართებაში. ასეთ შემთხვევაში ფინანსური რისკები ყველა მხარისთვის გაცილებით უფრო მცირე იქნება, ვიდრე ისეთ შემთხვევებში, როდესაც ქონება ან პასუხისმგებლობა დაზღვეული არ არის, - აცხადებს ებიტაშვილი.


ხანძარი სავაჭრო ცენტრ „ბავშვთა სამყაროს“ ტერიტორიაზე 2017 წლის 30 იანვარს გაჩნდა. ცეცხლი მთელ შენობას მოედო და ის მთლიანად დაიწვა. ხანძრის შედეგად ათეულობით ადამიანი დაზარალდა. საქმეზე გამოძიება შინაგან საქმეთა სამინისტრომ სისხლის სამართლის კოდექსის 187-ე მუხლით დაიწყო, რაც სხვისი ნივთის დაზიანებას ან განადგურებას გულისხმობს, რამაც მნიშვნელოვანი ზიანი გამოიწვია. ამჟამად ძიებას საქართველოს მთავარი პროკურატურა აწარმოებს.


როგორც „კომერსანტს“ მთავარ პროკურატურაში განუცხადეს, გამოძიება კვლავ მიმდინარეობს.  უწყებაში სხვა დამატებით დეტალებზე ამ ეტაპზე კომენტარს არ აკეთებენ.


ამასთან, შეგახსენებთ, რომ მიმდინარე წლის 27 აგვისტოს მთავარი პროკურატურის საგამოძიებო ნაწილის თანამშრომლებმა სახანძრო უსაფრთხოების წესის დარღვევის ფაქტზე ს.ს. „სავაჭრო სახლი ბავშვთა სამყარო“-ს დირექტორი გ.მ, ხოლო სამსახურებრივი გულგრილობის ფაქტზე ამავე საზოგადოების შიდა უსაფრთხოების სამსახურის თანამშრომელი მ.თ  დააკავეს.


ავტორი: თეონა კენჭიაშვილი





ა(ა)იპების შენახვა აჭარაში წელიწადში 41 მლნ ლარზე მეტი ჯდება

ა(ა)იპების შენახვა აჭარაში  წელიწადში 41 მლნ ლარზე მეტი ჯდება
access_time2021-01-20 13:00:45
აჭარის 6 მუნიციპალიტეტში (ბათუმი, ხელვაჩაური, ქედა, შუახევი, ხულო, ქობულეთი) სულ 52 ა(ა)იპი ფუნქციონირებს, სადაც 6,991 დასაქმებული პირის შრომის ანაზღაურებაზე ყოველთვიურად დაახლოებით 3,444,517.35 ლარი, წლიურად კი - 41,334,208.2 ლარი იხარჯება. ამის შესახებ ინფორმაციას არასამთავრობო ორგანიზაცია „საერთაშორისო გამჭვირვალობა-საქართველო” ავრცელებს. ორგანიზაციის მიერ გამოქვეყნებულ ანგარიშში მოცემულია ინფორმაცია, თუ რამდენი პირია დასაქმებული (შტატით და...

თურნავას თქმით, რეგულარული ფრენები, სავარაუდოდ, თებერვლის თვიდან აღდგება

თურნავას თქმით, რეგულარული ფრენები, სავარაუდოდ, თებერვლის თვიდან აღდგება
access_time2021-01-20 12:00:56
საქართველოს ეკონომიკის მინისტრის, ნათია თურნავას განცხადებით, რეგულარულ ფრენებზე შეზღუდვები, სავარაუდოდ, თებერვლის თვეში მოიხსნება.   "იხსნება, ასევე, ფრენები. კონკრეტულ თარიღებს ვერ დავასახელებთ, მაგრამ თებერვლის თვე იქნება სავარაუდოდ ის თვე, როდესაც რეგულარულ ფრენებზე შეზღუდვებს მოვხსნით. მაგრამ ეს არ ნიშნავს ქაოტურ და უკონტროლო შემოსვლას ქვეყანაში. ეს იქნება ძალიან კონკრეტული, კონტროლირებადი ტესტებით, ვაქცინაციის საბუთით ან სხვა ადეკვატური დოკუმენტით", — განაცხადა...

სილქფესტი ოთხ რჩეულ პაკეტს ხელმისაწვდომი პირობით თავაზობს მომხმარებლებს

სილქფესტი ოთხ რჩეულ პაკეტს ხელმისაწვდომი პირობით თავაზობს მომხმარებლებს
access_time2021-01-20 10:50:13
20 იანვარს, სილქფესტს ყველაზე მოთხოვნადი შეთავაზებები ექნება მომხმარებლებითვის:   ულიმიტო ინტერნეტი - 19 ლარად - კომბინაციით *019# 3 GB + 500 ლოკალური წუთი - 10 ლარად - კომბინაციით *202# 10 GB უსწრაფესი ინტერნეტი  - 9 ლარად - კომბინაციით *202# 400 ლოკალური წუთი - 6 ლარად - კომბინაციით *202# პაკეტებით სარგებლობის ვადა 30 დღეა.   პაკეტების გააქტიურება შესაძლებელია შეუზღუდავად - ერთად და ცალ-ცალკე.   აქცია...

როცა ადამიანი თუ ადამიანთა ჯგუფი, ისეთ მწვავე ვითარებაში იქნება როგორშიც ხელისუფლება იყო, ბიზნესი ყოველთვის გავამხნევებთ - სოსო ფხაკაძე

როცა ადამიანი თუ ადამიანთა ჯგუფი, ისეთ მწვავე ვითარებაში იქნება როგორშიც ხელისუფლება იყო, ბიზნესი ყოველთვის გავამხნევებთ - სოსო ფხაკაძე
access_time2021-01-20 10:00:55
„როცა ადამიანი თუ ადამიანთა ჯგუფი, ისეთ მწვავე ვითარებაში იქნება როგორშიც ხელისუფლება იყო ბიზნესი ყოველთვის გავამხნევებთ“ - ამის შესახებ „კომერსანტს“ საქართველოს ბიზნეს ასოციაციის პრეზიდენტმა სოსო ფხაკაძემ განუცხადა. „ვისოლ ჯგუფის“ პრეზიდენტი აცხადებს, რომ ბიზნესი ხელისუფლებას მძიმე მდგომარეობაში ყოველთვის გვერდში დაუდგება, მიუხედავად იმისა თუ რომელი პარტია იქნება ქვეყნის მმართველი.   „როდესაც მე და არა მარტო მე, პრემიერი გავამხნევეთ , მაშინ ქვეყანაში კორონავირუსის...

დღის Top 10 საინტერესო ამბავი

დღის Top 10 საინტერესო ამბავი
access_time2021-01-19 21:00:08
დღის Top 10 საინტერესო ამბავი: 1.ბიზნესის მთავარი პრობლემა ლარის მერყევი კურსი და შიდა სავალუტო ბაზარზე არასტაბილური ვითარებაა - სოსო ფხაკაძე ლარის გაცვლითი კურსის მოკლე დროში საგრძნობმა მერყეობამ პანდემიისგან დაზარალებული ქართული ბიზნესი კიდევ უფრო რთულ ვითარებაში ჩააგდო. რა გავლენას ახდენს ლარის...


მსგავსი სიახლეები

up