ბათუმში ელექტრომობილების მწარმოებელი ქარხანა არ შენდება - რატომ გვატყუებს ხელისუფლება

ბათუმში ელექტრომობილების მწარმოებელი ქარხანა არ შენდება - რატომ გვატყუებს ხელისუფლება

access_time2019-08-20 17:30:21


ხელისუფლება ხშირად აანონსებს უცხოელ ინვესტორებთან ერთად საქართველოში ამა თუ იმ საწარმოს, ქარხნის თუ სხვა ობიექტების მშენებლობას. ხშირად მშენებლობის დაწყების და დასრულების თარიღებიც სახელდება და მეტი დამაჯერებლობისთვის მემორანდუმის თუ ხელშეკრულების ფოტოებიც ვრცელდება. თუმცა, გარკვეული დროის შემდეგ, ვიგებთ, რომ ამ პროექტის არა თუ მშენებლობაა დაწყებული, რეალური ხელშეკრულებაც კი არ არსებობს. მაღალჩინოსნების ცრუ დაპირებებზე კი პასუხისმგებლობა არავის ეკისრება.


ამის ერთ-ერთი მაგალითია ბათუმის ელექტრომობილების მწარმოებელი ქარხანა.


2018 წლის აპრილში გავრცელებული ინფორმაციით, ჩინეთსა და აჭარის ავტონომიურ რესპუბლიკას შორის მოლაპარაკებების შედეგად გადაწყდა, რომ ბათუმში ელექტრომობილების მწარმოებელი ქარხანა აშენდებოდა. 


აჭარის მთავრობის თავმჯდომარეს ზურაბ პატარაძეს და ბათუმის მერს, ბატონ ლაშა კომახიძეს ჩინეთში ვიზიტი ჰქონდათ, რომლის ფარგლებში აღნიშნულ საკითხზე შეხვედრები შედგა. ზოგადად, ბათუმის მერია ეკოლოგიურად სუფთა საზოგადოებრივი ტრანსპორტის მიმართულებით მუშაობს, მოლაპარაკებები შედგა, მაგრამ კონკრეტული ვადები ჯერჯერობით ცნობილი არ არის, - განმარტეს შარშან  აჭარის მთავრობაში.


მთავრობა იუწყებოდა იმასაც, რომ შემდეგი ეტაპი ჩინეთის სახალხო რესპუბლიკის წარმომადგენლების აჭარის რეგიონში ჩამოსვლა და დამატებითი გადაწყვეტილებების მიღება იქნებოდა.




აჭარის ხელისუფლების ჩინეთიში ვიზიტიდან ერთი წელი გავიდა და  „კომერსანტი“ დაინტერესდა რა პროცესები მიმდინარეობს ელექტრომობილების საწარმოს მშენებლობის კუთხით.


როგორც აჭარის ავტონომიური რესპუბლიკის ეკონომიკის სამინისტროში აცხადებენ,  მოლაპარაკება ამ ეტაპზე არ მიმდინარეობს, კონკრეტული ხელშეკრულებაც არ გაფორმებულა და ჯერჯერობით არც რამე რეალური ნაბიჯი გადადგმულა.


არადა, როგორც გასულ წელს აჭარის მთავრობაში აცხადებდნენ, ეკოლოგიურად სუფთა საზოგადოებრივი ტრასპორტირების განვითარების შესახებ გადაწყვეტილება უკვე მიღებული იყო. 


შეიძლება ითქვას თუ არა, რომ ეს მოლაპარაკებები ჩაიშალა, ამის შესახებ ინფორმაციას აჭარის მთავრობაში არც ადასტურებენ და არც უარყოფენ.


მარიამ მორგოშია

 

 





რაზე ესაუბრა გახარია საპარლამენტო უმრავლესობას?-პირველი კომენტარი

 რაზე ესაუბრა გახარია საპარლამენტო უმრავლესობას?-პირველი კომენტარი
access_time2019-11-15 20:33:48
ქვეყანას პროპორციული სისტემა ექნება, როგორც ეს გვაქვს კონსტიტუციაში - 2024 წლიდან, - ამის შესახებ საქართველოს პრემიერ-მინისტრმა ჟურნალისტებს გიორგი გახარიამ პარტია „ქართული ოცნება - დემოკრატიული საქართველოს“ ოფისში განუცხადა. როგორც გახარიამ აღნიშნა, პროპორციული საარჩევნო სისტემა ხარისხობრივად ცვლის...

სალომე ზურაბიშვილი ხელისუფლებას და ოპოზიციას მიმართავს

სალომე ზურაბიშვილი ხელისუფლებას და ოპოზიციას მიმართავს
access_time2019-11-15 19:57:11
საქართველოს პრეზიდენტი სალომე ზურაბიშვილი შექმნილ მდგომარეობასთან დაკავშირებით განცხადებას ავრცელებს. „პირველ რიგში, მინდა, ხაზი გავუსვა იმას, რომ ჩვენს ქვეყანაში შექმნილი დაძაბულობიდან და პოლარიზაციიდან გამომდინარე, ჩვენი ერთობლივი მონაპოვრის - სტაბილურობის შენარჩუნება არის ჩემი მთავარი საზრუნავი და ხალხის მოთხოვნა. ამ მოთხოვნას ყველამ პატივი უნდა ვცეთ. ჩვენი საზოგადოება გადაიღალა მუდმივი სკანდალებითა და კრიზისებით. მას სჭირდება პერსპექტივის დანახვა...

საავიაციო სფეროს ახალი მოთამაშე შეემატა – Aero Georgia Group-ი რამდენიმე მიმართულებით იმუშავებს

საავიაციო სფეროს ახალი მოთამაშე შეემატა – Aero Georgia Group-ი რამდენიმე მიმართულებით იმუშავებს
access_time2019-11-15 18:17:34
საავიაციო სფეროს ახალი მოთამაშე შეემატა. ავიაკომპანია Myway Airlines-ის ყოფილმა მეწილემ და კომერციულმა დირექტორმა იგორ აფციაურმა თანამოაზრეებთან ერთად კომპანია Aero Georgia Group-ი ჩამოაყალიბა, რომელიც რამდენიმე მიმართულებით იმუშავებს, თუმცა მისი საქმიანობა მაინც ავიაციასთან იქნება მჭიდრო კავშირში. იგორ აფციაური ამბობს, რომ ავიაციის სფეროში მომუშავე საკუთარი კომპანიის დაფუძება დიდი ხანია სურდა. ქართული ავიაკომპანია Aero Georgia Group-ი საქმიანობა...

ეკონომიკა და ლარის კურსი მორიგი დიდი დარტყმის წინაშეა

ეკონომიკა და ლარის კურსი მორიგი დიდი დარტყმის წინაშეა
access_time2019-11-15 19:45:18
20 ივნისის შემდეგ, ქვეყანაში ვითარება 14 ნოემბერს დაიძაბა. სახელმწიფო კიდევ ერთი არასტაბილურობის საფრთხის წინაშეა. პოლიტიკური ვითარება რომ ჩიხშია, ფაქტია. ახლა მთავარია რა ეკონომიკურ ბერკეტს იპოვნის ხელისუფლება, რომ ქუჩის პროტესტმა ეროვნულ ვალუტას და მთლიანად ეკონომიკას მორიგი დარტყმა არ მიაყენოს. ახლა ყველაფერი პროტესტის მასშტაბსა და ხანგრძლივობაზეა დამოკიდებული. 2019 წლის 19 ივნისის მდგომარეობით, 1 აშშ დოლარის ღირებულება 2,7664 ლარის უტოლდებოდა. 20-21 ივნისს...

რა შეიცვლება 2020 წლიდან თბილისის სატრანსპორტო პოლიტიკაში

რა შეიცვლება  2020 წლიდან თბილისის სატრანსპორტო პოლიტიკაში
access_time2019-11-15 22:30:57
გერმანული კომპანიის - „გოპა“ სპეციალისტებმა თბილისის მერიის, საჯარო უწყებებისა და სატრანსპორტო კომპანიების წარმომადგენლებს თბილისში „ჭკვიანი სატრანსპორტო სისტემების“ განვითარების მიმართულებები გააცნეს. მერიის ტრანსპორტის საქალაქო სამსახურის ცნობით, 2020 წლიდან მერია სატრანსპორტო ნაკადების მართვის კომპლექსურ პლატფორმას ქმნის. იგი ხელს შეუწყობს ტრანსპორტის მენეჯმენტის დახვეწას, გზებზე ტრანსპორტის გამტარიანობის გაზრდასა და საცობების...


მსგავსი სიახლეები

up