ბათუმში ბინების გაყიდვებმა, ივნისის მონაცემებით, გასული წლის ანალოგიურ მაჩვენებელს 136%-ით, პანდემიამდელი პერიოდის მაჩვენებელს კი 47%-ით გადააჭარბა. 2019 წლის ივნისში სულ 821 ბინა გაიყიდა, 2020 წლის ივნისში 512, მიმდინარე წლის ივნისში კი 1209. ამის შესახებ ინფორმაციას recov.ge ავრცელებს.
ტრანზაქციებზე უფრო მეტად 194%-ით $53 მლნ-მდე ბაზრის ზომა გაიზარდა, თუმცა ზრდის ტემპი ანალოგიური 47% იყო 2019 წლის ივნისთან შედარებით. დისბალანსი გასულ წელს უძრავ ქონებაზე ფასების ვარდნამ გამოიწვია, რაც 2021 წელს დაკორექტირდა.
გაყიდული ბინების 89%-ზე მეტი ახლი იყო, 11%-ზე ნაკლები კი მეორადი. გასულ წლებში ახალი ბინების წილი 86%-ს შეადგენდა. ახალი ბინების გაყიდვები 2020-2021 წლებში 145%-ით, 2019-2021 წლებში 54%-ით გაიზარდა, მოერადი ბინების კი შესაბამისად 81%-ითა და 9%-ით.
თანხობრივად ახალი ბინების გაყიდვებისგან მიღებუმა შემოსავალმა 2021 წლის ივნისში $47.1 მლნ-ს მიაღწია, რაც გასული წლის ანალოგიური პერიოდის მაჩვენებელს 216%-ით აღემატება, 2019 წლის ივნისის მაჩვენებელს კი 59%-ით. მეორადი ბინების გაყიდვები ბოლო ერთ წელიწადში 87%-ით გაიზარდა, 2019 წლის ივნისთან შედარებით კი, პირიქით, 6.5%-ით შემცირდა.
ფასების მატებისა და ახალი ბინების პოპულარობის გაზრდის მიუხედავად, მოთხოვნა ეკონომ ბინებზე კვლავ ყველაზე მაღალი რჩება. ივნისში გაყიდული ბინებიდან ეკონომ სეგმენტზე 52%-ზე მეტი მოდიოდა, მედიუმი და პრემიუმი კი 24-24 პროცენტს თანაბრად ინაწილებდნენ. გასული წლის ივნისში ეკონომის წილი 65%-ს აჭარბებდა, 2 წლის წინ 58%-ს.
2020 წელს საქართველოში ეკონომიკა 6.2%-ით, მშენებლობის სექტორი კი შედარებით ნაკლებად - 4.7%-ით შემცირდა. გასული წლის ვარდნის ფონზე იანვარ-მაისში მშპ 11.5%-ით გაიზარდა. ბოლო სამი თვეა სამნიშნა პროცენტული მაჩვენებლით იზრდება ტურიზმიც. ზღვისპირეთში და კონკრეტულად ბათუმში ადგილობრივები აუშენებელ კორპუსებზე მეტად ქაოტურ განაშენიანებას აპროტესტებენ.