ბათუმში  54 სართულიანი “მარიოტი” შენდება

ბათუმში 54 სართულიანი “მარიოტი” შენდება

access_time2018-02-27 15:40:24

“მარიოტის” მერვე სასტუმროს საქართველოში “ალიანს ჯგუფი” აშენებს. როგორც კომპანიის გენრალური დირექტორი და თანადამფუძნებელი აკაკ სონგულია Property Georgia-სთან საუბარში აცხადებს, სასტუმრო “მარიოტი” “ალიანს ფრივილიჯის” 54-სართულიანი ცათამბჯენის პირველ 12 სართულს დაიკავებს, ზედა სართულებზე კი ექსკლუზიური აპარტამენტები განთავსდება.


მულტიფუნქციური კომპლექსი “ალიანს ფრივილიჯი”, “ალიანს ჯგუფისთვის” დამახასიათებელი ექსკლუზიური არქიტექტურით იქნება გამორჩეული, ამბობს სონგულია. წამყვან ქართულ სამშენებლო-დეველოპერულ კომპანია “ალიანს ჯგუფსა”  და სასტუმროების მსოფლიო ლიდერ ქსელ “მარიოტ ინთერნეშენელს” შორის შესაბამის ხელშეკრულებას ხელი 2018 წლის 8 თებერვალს ციურიხში მოეწერა. “ალიანს ჯგუფისთვის” ეს “მარიოტ ინთერნეშენელთან” გაფორმებული მეორე ფრანშიზული შეთანხმებაა.

Property

“მარიოტ ინთერნეშენელთან” თანამშრომლობას კიდევ უფრო დიდი შემართებით განვაგრძობთ. ჩვენი პირველი ერთობლივი პროექტი “ქორთიარდ მარიოტი” “ალიანს პალასის” მულტიფუნქციურ კომპლექსში ძალიან წარმატებული აღმოჩნდა,” აღნიშნავს “ალიანს ჯგუფის” გენერალური დირექტორი. მისი თქმით, “ალიანს პალასში” აპარტამენტების 95% უკვე  გაყიდულია. კომპანია “ალიანს პალასის” მშენებლობას ბათუმში 2018 წელს ასრულებს, 2019 წლის აპრილში კი მულტიფუნქციურ კომპლექსში სასტუმრო “ქორთიარდ მარიოტი” გაიხსნება.


“მარიოტისთვის” რომ  საქართველო ბრენდის განვითარების წარმატებული ბაზარია, ამას სასტუმროების წამყვანი საერთაშორისო ქსელის სახელით ქვეყანაში წარმოდგენილი პროექტების ჩამონათვალი ადასტურებს:  “თბილისი მარიოტი”, “ქორთიარდ მარიოტი” თბილისში,  “ავტოგრაფ ქოლექშენის” ქვეშ გაერთიანებული პანორამა თბილისის ფარგლებში მშენებარე ორი სასტუმრო - სოლოლაკის სასტუმრო და სასტუმრო თავისუფლების მოედანზე” და “პარაგრაფის” სახელით  დამკვიდრებული უმაღლესი სტანდარტის რეზორტის ტიპის “მარიოტი” შეკვეთილში, ასევე “მოქსი” თბილისში და სუპერთანამედროვე “ქორთიარდ მარიოტი” ბათუმში. მსოფლიო მასშტაბით “მარიოტ ინთერნეშენელი” 6000-ზე მეტი სასტუმროთია წარმოდგენილი 120-ზე მეტ ქვეყანაში.



“ალიანს ჯგუფის” გენერალური დირექტორი აცხადებს, რომ ბათუმის ბულვარში ზღვის სანაპიროსთან მდებარე  ექსკლუზიური არქიტექტურის მქონე მულტიფუნქციური კომპლექსი “ალიანს ფრივილიჯი”, სადაც საქართველოში რიგით მერვე “მარიოტი” განთავსდება, წარმატებული პროექტი იქნება როგორც კომპანიისთვის და აპარტამენტების მესაკუთრეებისთვის, ასევე ბათუმისთვის და მთლიანად ქვეყნისთვის. “ჩვენ არ ვაშენებთ მხოლოდ შენობებს, ჩვენ ვაშენებთ ბიზნესს. ეს არის ჩვენი კომპანიის ბიზნესი, ეს არის ინდივიდუალური ინვესტორების - აპარტამენტების მესაკუთრეების ბიზნესი, რომლებიც თავიანთ მფლობელობაში არსებულ ქონებას საერთაშორისო მენეჯმენტ კომპანიის მეშვეობით აქირავებენ და იღებენ მუდმივი შემოსავლის წყაროს, ეს არის ტურიზმის ბიზნესი, ჩვენ ვქმნით ტურისტების გასაჩერებელ პრემიუმ კლასის ქონებას, ისინი კი ჩამოდიან უფრო და უფრო მეტნი და ფულს საქართველოში ხარჯავენ, ეს არის ბიზნესი ჩვენი ქვეყნისთვის,” განმარტავს აკაკი.

Propery

“ალიანს ფრივილიჯის” მშენებლობა ბათუმში 2020 წელს დასრულდება. 160-ნომრიანი სასტუმრო “მარიოტი”ექსკლუზიურ მულტიფუნქციურ კომპლექსში 2021 წელს გაიხსნება. ბათუმის ახალი “მარიოტის” მმართველი კომპანია ამერიკული “მაქინერი ჰოსფითალითი ინთერნეშენელი” იქნება. “ალიანს ჯგუფი“ პროექტში $80 მილიონის ინვესტიციას ახორციელებს.


“ალიანს ჯგუფი” მსოფლიოს უმსხვილეს სასტუმროების ქსელებთან ერთად ოთხ მიმდინარე სამშენებლო პროექტზე მუშაობს: “ალიანს პალასი” ბათუმში, სადაც სასტუმრო “ქორთიარდ მარიოტი” იქნება წარმოდგენილი, “ალიანს ფრივილიჯი” ბათუმში, სადაც სასტუმრო “მარიოტი” განთავსდება, “ალიანს რეზორტი” გოდერძის უღელტეხილზე, რომელიც სასტუმრო “რამადას” წარმოგვიდგენს და “ალიანს ჰაილაინი” თბილისში “ვინდემ გარდენ ჰოტელთან” ერთად.


ბოლო 12 წლის მანძილზე, ქართველ სამშენებლო-დეველოპერს პრემიუმ-კლასის მშენებლობებში $200-მილიონიანი ინვესტიცია აქვს განხორციელებული, მიმდინარე ოთხ ინოვაციურ პროექტებში კი “ალიანს ჯგუფი” ჯამში $210 მილიონს აბანდებს.

წყარო: propertygeorgia





დღის Top 10 საინტერესო ამბავი

დღის Top 10 საინტერესო ამბავი
access_time2021-06-18 21:00:37
დღის Top 10 საინტერესო ამბავი:     1. ბოლო 10 წელიწადში აშენებული ჰესების წილი გენერაციაში 19%-ს აჭარბებს     ენგურჰესის გამომუშავება რეაბილიტაციის შემდეგ, მაისში, გასული წლის ანალოგიურ პერიოდთან შედარებით, 98%-ით გაიზარდა და 404 მლნ კვტ/სთ-ს მიაღწია. ძირითადად მის ხარჯზე, 24%-ით 1.221...

18 ივნისი - რეგიონში ქართული ლარი და თურქული ლირა გაუფასურდა

18 ივნისი - რეგიონში ქართული ლარი და თურქული ლირა გაუფასურდა
access_time2021-06-18 18:00:43
18 ივნისის ვაჭრობის შედეგად სებ–ის მიერ დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 9 პუნქტით გამყარდა. შედარებისთვის, დაახლოებით 110 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 18 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.1681 ლარი გახდა (ეს კურსი 19 ივნისს შევა ძალაში). 18 ივნისს მოქმედი...

გარემოს დაცვის მინისტრის და საპარლამენტო სამუშაო ჯგუფის წევრების ვიზიტი „არემჯიში“

გარემოს დაცვის მინისტრის და საპარლამენტო სამუშაო ჯგუფის წევრების ვიზიტი „არემჯიში“
access_time2021-06-18 15:55:24
გარემოს დაცვისა და სოფლის მეურნეობის მინისტრი ლევან დავითაშვილი, საქართველოს პარლამენტის გარემოს დაცვის კომიტეტთან არსებული ქვემო ქართლის რეგიონში დაბინძურების შემსწავლელი სამუშაო ჯგუფის წევრებთან ერთად, („საყდრისის კომიტეტი “, „მწვანე პოლიტიკის საზოგადოებრივი და სამეცნიერო - კვლევითი პლატფორმები “) დაბა კაზრეთში „არემჯის “გარემოსდაცვითი პროგრამის ფარგლებში მიმდინარე სამუშაოებს გაეცნო. მინისტრმა რეგულარული მონიტორინგის ფარგლებში „არემჯი კოპერის“ #4 ფუჭი ქანების სანაყაროს...

საქართველოს რკინიგზა $500–მილიონიანი მწვანე ბონდების განთავსებით $140 მილიონს დაზოგავს

საქართველოს რკინიგზა $500–მილიონიანი მწვანე ბონდების განთავსებით $140 მილიონს დაზოგავს
access_time2021-06-18 15:18:53
საქართველოს რკინიგზამ ლონდონის საფონდო ბირჟაზე პარტნიორი საინვესტიციო ბანკების დახმარებით, 500 მილიონი დოლარის ნომინალური ღირებულების  მწვანე ობლიგაციები წარმატებით განათავსა. ამის შესახებ ინფორმაციას საქართველოს რკინიგზა ავრცელებს. კომპნიის ცნობით, საპროცენტო განაკვეთი 7 წლის ვადით 4%-ით განისაზღვრა.  „ახალი ობლიგაციებით...

Forbes: Google-ის თანადამფუძნებლის ყოფილი მეუღლე მილიარდერი გახდა

Forbes: Google-ის თანადამფუძნებლის ყოფილი მეუღლე მილიარდერი გახდა
access_time2021-06-18 20:00:07
Google-ის თანადამფუძნებლის სერგეი ბრინის მეუღლე ანა ვოიჟიტოვსკი მილიარდერი გახდა მას შემდეგ, რაც მისი კომპანია 23andMe, რომლის პროფილიცაა გენეტიკური ტესტირება, ბირჟაზე გავიდა.   ამ დროისთვის ის უკვე იყო მულტიმილიონერი - 2020 წელს მან ამერიკის ყველაზე მდიდარ self-made ქალ-მეწარმეებს შორის 49–ე ადგილი დაიკავა - ამ კატეგორიაში შედიან ქალები, რომლებიც თავისით და არა მეუღლეებთან გაშორებით ან მემკვიდრეობის მიღებით გამდიდრდნენ.   23andMe ბირჟაზე...


მსგავსი სიახლეები

up