ბათუმს და ქობულეთს ახალი მუნიციპალური ავტობუსები შეემატა

ბათუმს და ქობულეთს ახალი მუნიციპალური ავტობუსები შეემატა

access_time2021-09-26 19:03:24

მუნიციპალური ავტოპარკის განახლების პროექტის ფარგლებში შესყიდული ISUZU-ს მარკის 40 ავტობუსი უკვე ბათუმშია. ასევე, განახლდა ქობულეთის ავტოპარკი.

ახალი საზოგადოებრივი ტრანსპორტი აჭარის მთავრობის თავმჯდომარემ თორნიკე რიჟვაძემ წარადგინა.

,,ჩვენთვის, ქალაქის თვითმმართველობასთან ერთად განსაკუთრებით მნიშვნელოვანია ეფექტური და ბათუმელებზე ორიენტირებული სატრანსპორტო პოლიტიკა, სწორედ ამიტომ ერთი წლის წინ ჩვენ გადავწყვიტეთ, რომ სრულად განვაახლებდით ბათუმის ავტობუსების პარკს და დღეს უკვე დამატებით 40 ავტობუსი შეემატება ბათუმის ავტოსატრანსპორტო კომპანიის პარკს. ასევე, გარდა ბათუმისა უკვე დაწყებულია სხვა მუნიციპალიტეტების სატრანსპორტო განახლებაც და შესაბამისად ქობულეთის მუნიციპალიტეტსაც გადაეცემა 4 ახალი ავტობუსი. განსაკუთრებით მნიშვნელოვანია, რომ  სატრანსპორტო პოლიტიკა ემსახურებოდეს თითოეულ ბათუმელს, ბათუმის სტუმარს და ყველასთვის გადაადგილება იყოს კომფორტული, უსაფრთხო," – განაცხადა თორნიკე რიჟვაძემ.

ISUZU-ს მარკის ავტობუსების შეძენა ბათუმის გაზრდილი ბიუჯეტის ფარგლებში განხორციელდა. ახალი ავტობუსები სრულად ადაპტირებულია, აღჭურვილია გათბობისა და კონდიცირების სისტემით. დამონტაჟებულია საინფორმაციო ხმოვანი და ვიდეომონიტორინგის სისტემები.


EURO 5 სტანდარტი+ს, citibus-ის მოდელის ავტობუსი სიგრძით 10 მეტრს შეადგენს და 63 მგზავრის გადაყვანა შეუძლია. ხოლო, EURO 6 სტანდარტის, novociti life-ის მოდელის ავტობუსი 8 მეტრიანია და 53 მგზავრს მოემსახურება.

გასულ წელს ბათუმის მერიის მიერ 8 ახალი ელექტრო  ავტობუსი იქნა შესყიდული.

მომდევნო ორ წელიწადში, ამორტიზებული ავტობუსები სრულად ჩანაცვლდება და ახალი ავტობუსების რაოდენობაც გაიზრდება. სრულდება ველოსისტემის გენერალური გეგმის შემუშავება. იგეგმება შუქნიშნების განახლება. ბათუმში დამონტაჟდა ფერადი ტაბლოები. მოეწყო ახალი საათობრივი პარკირებები.





რა ენერგეტიკული შეცდომები დაუშვა ევროპამ

რა ენერგეტიკული შეცდომები დაუშვა ევროპამ
access_time2021-10-17 20:00:44
ევროპა თავადაა დამნაშავე საკუთარ ენერგეტიკულ პრობლემებში. ამის შესახებ Financial times-ი იუწყება. რუსეთს ხშირად ადარებენ დათვს, თუმცა, გაზზე ფასების ზრდა მეტყველებს, რომ ამჟამად მასხარის როლი უფრო მოუხდებოდა. ბუნებრივი გაზი რუსეთის ერთ-ერთი მთავარი საექსპორტო საქონელია, ევროკავშირს კი ის დღეს ძალიან აკლია. ფასების ზრდა ევროპაში მცირე მარაგებისა და აზიაში მაღალი მოთხოვნის შედეგია, რაც რუსეთის...

დასავლეთი უკრაინას ევროკავშირში წევრობის იმედს არ აძლევს

დასავლეთი უკრაინას ევროკავშირში წევრობის იმედს არ აძლევს
access_time2021-10-17 18:00:22
ევროკავშირი უკრაინაში რეფორმების პროცესის დამუხრუჭებით უკმაყოფილოა, უკრაინა კი თავის მხრივ უკმაყოფილოა ევროკავშირში წევრობის პერსპექტივის არარსებობით. ბრიუსელს და კიევს შორის ურთიერთობებში აშკარა სიცივე იგრძნობა. ევროპის აუდიტის...

საქართველოს მოსახლეობის 17%-მდე საარსებო შემწეობას იღებს

საქართველოს მოსახლეობის 17%-მდე საარსებო შემწეობას იღებს
access_time2021-10-17 11:00:07
სოციალური მომსახურების სააგენტოს მონაცემების მიხედვით, ქვეყანაში საარსებო შემწეობის მიმღებთა რაოდენობა სულ უფრო იზრდება. სტატისტიკა მზარდია, არა მხოლოდ წლიურ, არამედ თვიურ...

თურქეთი საქართველოს გავლით პროდუქციის ევროკავშირში ექსპორტს შეძლებს

თურქეთი საქართველოს გავლით პროდუქციის ევროკავშირში ექსპორტს შეძლებს
access_time2021-10-16 12:11:40
თურქეთმა მიიღო უფლება თავისუფალი ვაჭრობის რეჟიმში განახორციელოს თურქულ ნედლეულზე საქართველოში წარმოებული პროდუქციის ექსპორტი ევროკავშირში.  ახალი შეთანხმება არ...

2022 წლის ბიუჯეტში პანდემიის მართვისთვის თანხა მცირდება

 2022 წლის ბიუჯეტში პანდემიის მართვისთვის თანხა მცირდება
access_time2021-10-17 12:00:40
ხელისუფლება 2022 წლის სახელმწიფო ბიუჯეტში პანდემიის მართვისთვის საჭირო თანხას ამცირებს. სახელმწიფო ხაზინის პირველადი პროექტის თანახმად, კოვიდ 19-თან დაკავშირებული ხარჯები 310 მლნ ლარითაა შემცირებული. 276 მილიონი ლარით იკლო მოსახლეობის ჯანმრთელობის დაცვისთვის განსაზღვრულმა დაფინანსებამაც. ხელისუფლება ჯანდაცვის სექტორის...


მსგავსი სიახლეები

up