ბათუმის სხვადასხვა კლინიკაში გარდაცვლილთა ახლობლები პარლამენტში დროებითი საგამოძიებო კომისიის შექმნას ითხოვენ

ბათუმის სხვადასხვა კლინიკაში გარდაცვლილთა ახლობლები პარლამენტში დროებითი საგამოძიებო კომისიის შექმნას ითხოვენ

access_time2019-04-15 20:10:12

აჭარის ჯანდაცვის მინისტრისა და ბათუმის სხვადასხვა კლინიკაში ორი წლის განმავლობაში გარდაცვლილთა ახლობლების შეხვედრა დღეს ხმაურის ფონზე მიმდინარეობდა.


გარდაცვლილთა ოჯახის წევრები ნათესავთა დაღუპვაში ექიმებს ადანაშაულებენ. ისინი ყველა საქმეზე გამოძიების დაჩქარებასა და პასუხისმგებელი ექიმების მიმართ სანქციების გამკაცრებას ითხოვენ.


„ვიღაცამ ხომ უნდა გაგვცეს პასუხი, რომელიმე უწყებისგან ხომ უნდა მივიღოთ ამომწურავი ინფორმაცია. გამოძიებები მიდის, დუმს რეგულირების სააგენტო, პროკურატურა, არავინ იცის, ვინ იქნება შემდეგი“, – აცხადებს შეხვედრის მონაწილე ლია ლომთათიძე.


დაღუპულთა ახლობლები პარლამენტში დროებითი საგამოძიებო კომისიის შექმნას ითხოვენ, რომელიც ანალოგიურ შემთხვევებს მთელი საქართველოს მასშტაბით შეისწავლის. ჯანდაცვის მინისტრი მათ შუამდგომლობას დაჰპირდა.



„დაღუპული პაციენტების ახლობელთა გადაწყვეტილებით, „საქართველოს ახალგაზრდა იურისტთა ასოციაციის“ აჭარის ფილიალის დახმარებით მომზადდება წერილი, განისაზღვრება ადრესატი უწყებები, აღიწერება დაღუპულთა ოჯახების მოთხოვნები და ოფიციალური წერილი მიეწოდება აჭარის ჯანმრთელობისა და სოციალური დაცვის სამინისტროს ადრესატ უწყებებთან შუამდგომლობის მიზნით. დაღუპულთა ოჯახის წევრების მთავარ მოთხოვნას საპარლამენტო კომისიის შექმნა და შემთხვევების დეტალურად შესწავლა წარმოადგენს“, – განაცხადა აჭარის ჯანდაცვის მინისტრმა ზაალ მიქელაძემ.


ბათუმის სხვადასხვა კლინიკაში გარდაცვლილი რვა ადამიანის ახლობლები გარდაცვალების შემთხვევებს ექიმების დაუდევრობას აბრალებენ. ისინი საქმეების გამოძიებას და პასუხისმგებელი პირების დასჯას ითხოვენ.


აქციაზე შეკრებილთა შორის იყვნენ 21 მარტს გარდაცვლილი მელანო ფუტკარაძის, ექვსი წლის საბა კიწმარიშვილის; 26 წლის ნათია ჩაგანავას; 25 წლის ზუკა ფაღავას; 51 წლის ელიზა ჩხობაძის; 53 წლის დალი კეშელავას; 28 წლის თემურ გაბაიძისა და ოთხი წლის ანრი ბერიძის ოჯახის წევრები. ყველა მათგანი ბოლო ორი წლის განმავლობაშია გარდაცვლილი.


აქციის მონაწილეებმა ჯერ ბაგრატიონის, ხოლო შემდეგ აბუსერიძის ქუჩა გადაკეტეს, რის შემდეგაც მათთან აჭარის ჯანდაცვის მინისტრი მივიდა.


1ტვ






უკრაინის ახალ პრეზიდენტს „ტრამპის ეფექტი“ ელის

უკრაინის ახალ პრეზიდენტს  „ტრამპის ეფექტი“ ელის
access_time2019-04-22 20:00:50
მაშ ასე, უკრაინას  ახალი პრეზიდენტი ჰყავს - კომიკოსი და მსახიობი ვლადიმერ ზელენსკი. მისი დამანგრეველი გამარჯვების მიზეზი გახდა ის, რომ უკრაინული საზოგადოება ნათლად დარწმუნდა იმაში, რომ დღეს არსებული პოლიტიკური სისტემის რეფორმა შეუძლებელია და ის უნდა დაინგრეს. უნდობლობამ მიაღწია ისეთ მაღალ წერტილს, რომ უკვე ძირმომპალი სისტემის დასანგრევად ბულდოზერის როლის შესრულება უკრაინელმა ამომრჩეველმა მიანდო მსახიობს და შოუმენს, რომელიც...

აშშ ირანული ნავთობის იმპორტიორ 5 ქვეყანას შეღავათების გაუქმებით ემუქრება

აშშ ირანული ნავთობის იმპორტიორ 5 ქვეყანას შეღავათების გაუქმებით ემუქრება
access_time2019-04-22 19:00:41
აშშ-ს პრეზიდენტმა დონალდ ტრამპმა გადაწყვიტა, რომ ირანული ნავთობის იმპორტიორ  5 ქვეყანას აღარ ექნება შეღავათები, თუ ისინი ირანული ნავთობის იმპორტს გააგრძელებენ....

ეროვნული ბანკი საბანკო/საფინანსო მომსახურების ყალბ ვებგვერდებთან დაკავშირებით გაფრთხილებას ავრცელებს

ეროვნული ბანკი  საბანკო/საფინანსო მომსახურების ყალბ ვებგვერდებთან დაკავშირებით გაფრთხილებას ავრცელებს
access_time2019-04-22 18:00:34
საქართველოს ეროვნული ბანკი აფრთხილებს და მოუწოდებს მოქალაქეებს ფინანსური და პირადი მონაცემების ინტერნეტ სივრცეში გამოყენებისას   განსაკუთრებული ყურადღება გამოიჩინონ. ბოლო პერიოდში გახშირდა თაღლითების მიერ ყალბი ვებგვერდების საშუალებით ფინანსური ინსტიტუტების მომხმარებლების პირადი მონაცემების მოპარვის ფაქტები. საუბარია ისეთი მონაცემების მოპოვებაზე, რომელთა საშუალებით შესაძლებელია მომხმარებლის ფულად სახსრებზე წვდომის და ინტერნეტ-გადახდების...

დაივიწყეთ - MacBook-ი -Acer-ი ახალ ხაზს უშვებს შემოქმედებითი ადამიანებისთვის

დაივიწყეთ -  MacBook-ი -Acer-ი ახალ ხაზს უშვებს შემოქმედებითი ადამიანებისთვის
access_time2019-04-22 16:30:47
Acer-მა პროდუქტის ხაზები განაახლა გაძლიერებული მოდელებით და რამდენიმე სიახლეც შემოგვთავაზა. განსაკუთრებულ ყურადღებას იმსახურებს სპეციალურად შემოქმედებით სფეროებში მომუშავე ადამიანებისთვის შექმნილი ხაზი - Concept D.Concept D-ს პერსონალური კომპიუტერები, ლეპტოპები და ეკრანები სპეციალურად მორგებულია გრაფიკული დიზაინერების, ვიდეო-მემონტაჟეების, ინჟინრების, არქიტექტორებისა და პროგრამისტების საჭიროებებს. Concept D-ს ტექნიკა შექმნილია...

კომპანია „ფერის“ დირექტორი - „ცალსახად პასუხიმგებლობას არასამთავრობო ორგანიზაციას ვაკისრებ, „მწვანე ალტერნატივას“ ვგულისხმობ“

კომპანია „ფერის“ დირექტორი - „ცალსახად პასუხიმგებლობას არასამთავრობო ორგანიზაციას ვაკისრებ, „მწვანე ალტერნატივას“ ვგულისხმობ“
access_time2019-04-22 13:55:58
ჩვენ ხეობაში შევედით მხოლოდ საპატრულო პოლიციის სამი მანქანით და რომ არა დამატებითი პოლიციის ნაწილები, რომლებმაც წკიპზე მოუსწრეს, დამერწმუნეთ, გაცილებით ცუდი შედეგებით დასრულდება პროცესი, – ამის შესახებ კომპანია „ფერის“ აღმასრულებელმა დირექტორმა, ლაშა იორდანიშვილმა განაცხადა.მისივე განცხადებით, პანკისის ხეობაში ჰიდროელექტროსადგურის მშენებლობის დაწყების დღიდან მოსახლეობა ინფორმირებული იყო და როგორც იორდანიშვილი ამბობს, არავის პროტესტი არ გამოუთქვამს. „მაშინ,...


მსგავსი სიახლეები

up