ბათუმის საზღვაო აკადემია მსოფლიო საზღვაო უნივერსიტეტთან საზღვაო სექტორში დასაქმებულთა განათლებისა და პროფესიული განვითარების კუთხით ითანამშრომლებს

ბათუმის საზღვაო აკადემია მსოფლიო საზღვაო უნივერსიტეტთან საზღვაო სექტორში დასაქმებულთა განათლებისა და პროფესიული განვითარების კუთხით ითანამშრომლებს

access_time2020-11-27 21:00:34

ბათუმის სახელმწიფო საზღვაო აკადემიასა და მსოფლიო საზღვაო უნივერსიტეტს შორის ურთიერთთანამშრომლობის მემორანდუმს მოეწერა ხელი, რომელიც ონლაინ-ფორმატში გაიმართა. მემორანდუმი ეკონომიკისა და მდგრადი განვითარების სამინისტროს საზღვაო ტრანსპორტის სააგენტოს ინიციატივით და საერთაშორისო საზღვაო ორგანიზაციაში (IMO) საქართველოს მუდმივი წარმომადგენლის, თამარ ბერუჩაშვილის მხარდაჭერით გაფორმდა.


ურთიერთგაგების მემორანდუმი მიზნად ისახავს საქართველოს საზღვაო განათლების განვითარების შესაძლებლობების გაძლიერებასა და წარმატებული საერთაშორისო გამოცდილების გაზიარებას.


ბათუმის საზღვაო აკადემიის რექტორის, ირაკლი შარაბიძის განცხადებით, მსოფლიო საზღვაო უნივერსიტეტს, როგორც საერთაშორისო საზღვაო განათლების მსოფლიო ცენტრსა და ბათუმის სახელმწიფო საზღვაო აკადემიას, როგორც საქართველოს საზღვაო განათლებისა და წვრთნის წამყვან ინსტიტუტს შორის თანამშრომლობა მნიშვნელოვნად შეუწყობს ხელს საქართველოს საზღვაო სექტორის განვითარებას და მხარეებს მისცემს შესაძლებლობას, ითანამშრომლონ საზღვაო განათლების, ასევე პოტენციალის ზრდისა და კვლევის სფეროში.


მსოფლიო საზღვაო უნივერსიტეტის პრეზიდენტის, კლეოპატრა დუმბია-ჰენრის განცხადებით, საქართველოს მთავრობა დიდ ყურადღებას უთმობს ქვეყანაში საზღვაო დარგის განვითარებას და ახორციელებს მნიშვნელოვან ღონისძიებებს არსებული გარემოს გაუმჯობესებისა და საზღვაო განათლებისა და წვრთნის კუთხით საქართველოს შესაძლებლობების გაძლიერების მიმართულებით. მან განსაკუთრებული ყურადღება გაამახვილა იმ ქმედებებზე, რომელთაც ახორციელებენ საზღვაო ტრანსპორტის სააგენტო და ბათუმის საზღვაო აკადემია საქართველოს საზღვაო დარგისთვის ადამიანური რესურსების განვითარების მიმართულებით, რაც სამომავლოდ მნიშვნელოვნად შეუწყობს ხელს საზღვაო ინდუსტრიის ზრდას საქართველოსა და მთლიანად რეგიონში.


„მსოფლიოს საზღვაო უნივერსიტეტი მოხარულია ითანამშრომლოს საქართველოს მთავრობასთან ბათუმის სახელმწიფო საზღვაო აკადემიის მეშვეობით, რათა მხარი დაუჭიროს ქვეყნის ხელისუფლებას, გააუმჯობესოს საზღვაო განათლება და წვრთნა, კვლევისა და შესაძლებლობების განვითარების კომპონენტები და, იმავდროულად, მხარი დაუჭიროს კარგად განვითარებული, კოორდინირებული და ეფექტური ნაოსნობის ზრდას საზღვაო სექტორში", - აღნიშნა უნივერსიტეტის პრეზიდენტმა კლეოპატრა დუმბია-ჰენრიმ.



საქართველოს საზღვაო ტრანსპორტის ხელმძღვანელის, თამარ იოსელიანის განცხადებით, მეზღვაურთა წვრთნის, განათლებისა და სერტიფიცირების სისტემა წარმოადგენს საქართველოს საზღვაო სფეროს მნიშვნელოვან საყრდენს. „ჩვენ გვსურს, მივაღწიოთ უმაღლესი დონის სტანდარტებს ამ სფეროში. ძალისხმევას არ ვიშურებთ ჩვენი ამბიციური პროგრამის განსახორციელებლად, გავხადოთ ქართული საზღვაო განათლება მსოფლიო დონის"- აღნიშნა იოსელიანმა.


მისი თქმით, ამ მხრივ მნიშვნელოვანია საზღვაო ტრანსპორტის სააგენტოს, როგორც საზღვაო განათლების სახელმწიფო მარეგულირებლის როლიც. „ჩვენ მხარს ვუჭერთ საზღვაო განათლებასთან, კვლევასა და სწავლებასთან დაკავშირებულ ინიციატივებს. საზღვაო კვლევები ამ თანამშრომლობის ძალიან მნიშვნელოვანი ასპექტია. ჩვენ ველოდებით ამ მიმართულებით თანამშრომლობის გაფართოებას, განსაკუთრებით საზღვაო პოლიტიკის სფეროში", - განაცხადა თამარ იოსელიანმა.


მემორანდუმის გაფორმებას მიესალმა საქართველოს მუდმივი წარმომადგენელი საერთაშორისო საზღვაო ორგანიზაციაში თამარ ბერუჩაშვილი. მისი თქმით, აღნიშნული თანამშრომლობის ფარგლებში საქართველო მსოფლიო საზღვაო უნივერსიტეტს აძლევს პლატფორმას, რათა იყოს უფრო თვალსაჩინო და ჩართული არა მხოლოდ საქართველოში, არამედ მთელი შავი ზღვის რეგიონში."


მემორანდუმის გაფორმების შემდეგ, გაიმართა ონლაინშეხვედრა, რომლის დროსაც დიდი ყურადღება დაეთმო საქართველოს ახალი საზღვაო სასწავლებლის - ბათუმის სახელმწიფო საზღვაო აკადემიის ფოთის ფილიალის პოტენციალისა და ცენტრისათვის დასახული ამოცანების განხილვას. ურთიერთთანამშრომლობის ფარგლებში ფოთის საზღვაო სასწავლო-საწვრთნელი ცენტრი შესაძლოა გამოყენებულ იქნეს მსოფლიო საზღვაო უნივერსიტეტის რეგიონული აქტივობებისთვის.


მემორანდუმის თანახმად, თანამშრომლობა მოიცავს საზღვაო განათლებას, საზღვაო სექტორში წვრთნის, გადამზადებისა და პროფესიული განვითარების კურსებს. მემორანდუმით დასახული მიზნების მისაღწევად მხარეები გაცვლიან ინფორმაციას; მიიღებენ და გაუწევენ კონსულტაციებს და ტექნიკურ მხარდაჭერას პროექტების მომზადების თვალსაზრისით; განხორცილებენ გაცვლას, მობილობას ფაკულტეტებზე შესაძლებლობის ფარგლებში; ხელს შეუწყობენ შეხვედრების, სიმპოზიუმების, ვორქშოფების კონფერენციების გამართვას; განავითარებენ ტრეინიგ პროგრამებს და საპილოტე პროექტებს.


მსოფლიო საზღვაო უნივერსიტეტის წარმოადგენს საერთაშორისო საზღვაო ორგანიზაციის მიერ აღიარებულ დიპლომისშემდგომი საზღვაო განათლების ცენტრს და მისი მისიაა მდგრადი განვითარების ხელშეწყობის მიზნით იყოს მსოფლიო ცენტრი საზღვაო და საოკეანო განათლების, პროფესიული წვრთნის, კვლევისა და გლობალური შესაძლებლობების შექმნის მიმართულებით.


თეგები:
საზღვაო



სოციალური ბარათის პინ კოდის მოქმედების ვადა 15 აპრილამდე გაგრძელდა

სოციალური ბარათის პინ კოდის მოქმედების ვადა 15 აპრილამდე გაგრძელდა
access_time2021-01-15 16:00:05
დღეიდან, ლიბერთის და საქართველოს მთავრობის ერთობლივი გადაწყვეტილებით, სოციალური ტიპის ბარათებს, რომელთა  ,,პინ კოდის” მოქმედების ვადა უკვე დასრულდა ან დასრულდება 31 მარტის ჩათვლით, პინ კოდის მოქმედების ვადა ავტომატურად  2021 წლის 15 აპრილამდე გაუგრძელდებათ.   „ჩვენ გავითვალისწინეთ როგორც ქვეყანაში მიმდინარე კოვიდსიტუაცია, ასევე ჩვენი მომხმარებლის საჭიროებები და ამ გადაწყვეტილებით, კიდევ ერთხელ გავამარტივეთ პროცედურა, შევამცირეთ მომხმარებლის სახლიდან გამოსვლისა და...

Forbes: ბაიდენმა ეკონომიკური დახმარების ახალი გეგმა წარადგინა

Forbes: ბაიდენმა ეკონომიკური დახმარების ახალი გეგმა წარადგინა
access_time2021-01-15 20:00:23
აშშ-ს ახლად არჩეულმა პრეზიდენტმა ჯოზეფ ბაიდენმა პანდემიისგან დაზარალებული ეკონომიკის დახმარებისთვის კონგრესს 1,9 ტრლნ. დოლარის გამოყოფის თხოვნით მიმართა.   „გეგმა ამბიციურია, თუმცა, მიღწევადი. ის ამერიკის ეკონომიკას გადაარჩენს და ქვეყანას ვირუსთან გამკლავების საშუალებას მისცემს“ - ნათქვამია ბაიდენის გარდამავალი ჯგუფის განცხადებაში.   ახალი პროექტი რამდენიმე ძირითად პუნქტს შეიცავს, მათ შორისაა ხარჯები კორონავირუსთან ბრძოლის გაძლიერებაზე (400 მლრდ....

საქართველოს ბიზნეს ასოციაციის წევრებისთვის შემოსავლების სამსახურში მიმდინარე რეფორმების შესახებ ონლაინ შეხვედრა გაიმართა

საქართველოს ბიზნეს ასოციაციის წევრებისთვის შემოსავლების სამსახურში მიმდინარე რეფორმების შესახებ ონლაინ შეხვედრა გაიმართა
access_time2021-01-15 14:50:43
საქართველოს ბიზნეს ასოციაციის (BAG) წევრი კომპანიების წარმომადგენლებს ფინანსთა სამინისტროს შემოსავლების სამსახურის უფროსის მოადგილემ, მამუკა ბარათაშვილმა საგადასახადო კანონმდებლობაში განხორციელებული ცვლილებები გააცნო.     შეხვედრის ფარგლებში მხარეებმა განიხილეს ორი ძირითადი საკითხი, კერძოდ  დაქირავებულ პირთა შესახებ ახალი ელექტრონული რეესტრი, რეესტრში ინფორმაციის ასახვის წესი და დღგ-ის კვალიფიციური გადამხდელის პროგრამა.  ასევე საუბარი შეეხო ზოგადად...

გვჭირდება პასუხი 1-ლი თებერვლიდან სასტუმროები იხსნება თუ არა, ჯავშნები მივიღოთ თუ არ მივიღოთ - ალავერდაშვილი

გვჭირდება პასუხი 1-ლი თებერვლიდან სასტუმროები იხსნება თუ არა, ჯავშნები მივიღოთ თუ არ მივიღოთ - ალავერდაშვილი
access_time2021-01-15 15:00:56
„ის თემა, რომ 1-ელი თებერვლიდან ცა გაიხსნება, ჩვეულებრივი ტყუილი მგონია და არ მჯერა - ტურიზმი ვერ გადავარჩინეთ და ახლა მთავარი თემაა აღვადგინოთ ტურიზმი, - ამის შესახებ „სასტუმროებისა და რესტორნების ფედერაციის“ დამფუძნებელმა შალვა ალავერდაშვილმა განაცხადა. მისივე თქმით, ტურიზმის სექტორს ქვეყანაში 2 კვირის განმავლობაში, მინიმუმ 10 მილიონ დოლარზე მეტის შემოტანა შეუძლია.     „ტურიზმის სექტორში ხდება აბსოლუტური გაუგებრობა. მივხვდით, რომ ჩვენი სექტორი საერთოდ აღარ...

ნორვეგიაში Pfizer-ის კორონავირუსის საწინააღმდეგო ვაქცინით აცრის შემდეგ 23 პაციენტი გარდაიცვალა

ნორვეგიაში Pfizer-ის კორონავირუსის საწინააღმდეგო ვაქცინით აცრის შემდეგ 23 პაციენტი გარდაიცვალა
access_time2021-01-15 19:00:17
ნორვეგიაში სულ მცირე 23 ადამიანი გარდაიცვალა, რომლებიც ადრე COVID 19-ის ვაქცინით აიცრნენ.  ამის შესახებ ნორვეგიის მედიკამენტების სააგენტოს პრესსამსახური იუწყება. „გვაქვს ინფორმაცია ვაქცინაციასთან დაკავშირებული გარდაცვალების 23 შემთხვევის შესახებ. ამჟამად, სპეციალისტების მხრიდან 13 მათგანის შესწავლა მიმდინარეობს,“ - ნათქვამია პრესსამსახურის განცხადებაში. სააგენტოს მთავარი ექიმი სიგურდ ხორტემუ იტყობინება, რომ უკვე მიღებულმა...


მსგავსი სიახლეები

up