ბათუმის ნავსადგურის მენეჯმენტს დასაქმებულების შევიწროებაში ადანაშაულებენ

ბათუმის ნავსადგურის მენეჯმენტს დასაქმებულების შევიწროებაში ადანაშაულებენ

access_time2020-02-18 17:30:29

2018 წლის აპრილის მერე, როცა ბათუმის საზღვაო ნავსადგურში თანამშრომელთა გაფიცვის შედეგად მაშინდელმა დირექტორმა თანამდებობა დატოვა, მდგომარეობა არსებითად არ შეცვლილა. ამის თაობაზე „ბანკები და ფინანსებს“ ბათუმის ნავსადგურის ერთ-ერთმა თანამშრომელმა განუცხადა, რომლის ვინაობასაც რედაქცია, გასაგები მიზეზების გამო, ამ ეტაპზე არ ასაჯაროებს.


ნავსადგურის თანამშრომლის განცხადებით, თანამშრომელთა დიდ ნაწილს, განსაკუთრებით კი მათ, ვინც 2018 წლის მოვლენებისას აქტიურობდა, დღესაც ისევ დიდი წნეხის ქვეშ უწევთ მუშაობა. „ჩვენი შრომითი უფლებები არ არის დაცული, ნებისმიერ წამს, ადმინისტრაციას, ახალი დირექტორის მეირახმან სოციალოვიჩ ადელხანოვის მითითებით, საკუთარი შეხედულებისამებრ შეუძლია უმიზეზოდ დაითხოვოს თანამშრომლები, ან შექმნას მოგონილი მიზეზები და გვაიძულოს, რომ დავტოვოთ სამსახური“, – აცხადებს ნავსადგურის თანამშრომელი.


მისი თქმით, კარგისკენ არაფერი შეცვლილა. „ ახალი ადმინისტრაცია უკვე ამ თვის 20 რიცხვიდან სამუშაოდანაც შეიძლება გაგვიშვებენ. ადმინისტრაცია გათავისუფლების მუქარაზე და შეშინებაზეა გადასული და ვისაც არ ეშინია, მათ ავიწროვებს. ეს არის დირექტორ ადელხანოვის მიდგომა და ეს ყველამ იცის ნავსადგურში. მე ერთი სარჩელი უკვე მაქვს სასამართლოში შეტანილი, ახლა მეორე სარჩელს შევიტან და ეს ყველაფერი ხდება იმიტომ, რომ მე 2 წლის წინ პროტესტის მონაწილე ვიყავი, ამაში 100 პროცენტით ვარ დარწმუნებული. ეს უკვე ნავსადგური აღარაა, ჩრდილოეთ კორეაა უკვე. ასევე ადმინისტრაციამ შემიზღუდა სამუშაო კომპიუტერთან წვდომა, ფაქტობრივად წამართვა. რა გითხრათ, ბევრი რამ შემიძლია კიდევ აღვნიშნო, რასაც ნავსადგურის ადმინისტრაცია უკანონოდ აკეთებს.


კონკრეტულად ჩემთან მიმართებაში შევიწროვება გრძელდება წელიწადზე მეტია. 2018 წლის ჩვენი გამარჯვებიდან რამდენიმე თვეში, როცა არ დავუშვით, რომ ადმინისტრაციას დავეჩაგრეთ, სამ-ოთხ თვეშივე დაიწყეს ჩემი შევიწროვება. დანარჩენი მოშიმშილეებიდან, სულ 6 ვიყავით, ერთი საკუთარი ნებით წავიდა, პროტესტის ნიშნად და ალბათ ნელა-ნელა ყველას გაგვყრიან. ისეთ პირობებს გვიქმნიან, რომ სამსახურიდან წასვლა მოგვიწიოს. დანარჩენი კოლექტივიც, დაშინებულია. არავის უნდა სამსახურის დაკარგვა და ამის შიშით ხმამაღლა არ და ვერ საუბრობენ პრობლემებზე“, – განაცხადა „ბანკები და ფინანსებთან“ საუბარში ნავსადგურის თანამშრომელმა (მასთან საუბრის აუდიოჩანაწერი რედაქციაში ინახება).


ნავსადგურში შექმნილ ვითარებასთან დაკავშირებით „ბანკები და ფინანსები“ საზღვაო ტრანსპორტისა და თევზის მეურნეობის მუშაკთა პროფკავშირების კონფედერაციის თავმჯდომარე ამირან მიქელაძეს დაუკავშირდა. მისი განცხადებით,შრომის უსაფრთხოებისა და სოციალური დაცვის არსებული სტანდარტის დაცვის მხრივ საგანგაშოს ვერაფერს ხედავს. თუმცა, აღნიშნავს, რომ პრობლემები სხვადასხვა მიმართულებით მაინც საკმაოდაა.



„ადრე ჩვენ გვქონდა პრეტენზია, როცა აუთსორსინგზე უნდადათ სხვადასხვა მომსახურების გატანა და ამ გზით თანამშრომლების შემცირება, პენსიონერების გაშვება და რაღაც მსგავსი ქმედებები. ამას აპროტესტებდნენ თანამშრომლები. ამ ეტაპზეც, პენსიონერებზე დაიწყო ისევ საუბარი, მაგრამ ჩვენც ჩავერიეთ და გადადეს წლის ბოლომდე. მე ვიტყოდი, ერთეულ პიროვნებებზე არის ზეწოლა. განსაკუთრებულად ვინც გამოხატავდა პროტესტს 2018 წელს, იმათზეა ზეწოლა. უფრო გაშვების მხრივ კი არა, დაჩაგვრის მხრივ, დაქვეითების და ა.შ. მასშტაბური არ არის ეს პროცესი, უფრო შერჩევითია. თითქოს უნდათ, რომ მათ პირობებზე დაიყოლიონ. მაგალითად, ერთ პიროვნებას, ჯერ საყვედური მისცეს, მიზეზით, რომ ნასვამი იყო სამსახურში მისული. ჩვენ ჩავერიეთ და ამ პიროვნებამ აიღო სასწრაფოდ სიმთვრალე-სიფხიზლის ცნობა, რა თქმა უნდა, არ იყო ნასვამი. ახლა, მის სამუშაო ადგილს უბრალოდ ამცირებენ იმ მიზეზით, რომ ორ განყოფილებას აერთებენ. გააფრთხილეს, რომ გადავა მუშად, ან გაუწყვეტენ კონტრაქტს. როგორც ვიცი, ეს პიროვნება აგრძელებს ბრძოლას სასამართლო გზით, არ ჩერდება. იმ საყვედურის გამოცხადებაზეც სარჩელი შეიტანა და სასამართლომ მიიღო ეს სარჩელი“, – განაცხადა ამირან მიქელაძემ.


შექმნილ ვითარებასთან და თანამშრომელთა ნაწილის პროტესტთან დაკავშირებით კომენტარის მისაღებად „ბანკები და ფინანსები“ ბათუმის საზღვაო ნავსადგურის ადმინისტრაციასთან დაკავშირებას შეეცადა, თუმცა ვებგევრდზე მითითებულ საკონტაქტო ნომერზე სამუშაო საათების განმავლობაში, და რამდენიმე გზის დაკავშირების მცდელობამ შედეგი არ გამოიღო.


შეგახსენებთ, რომ 2018 წლის აპრილში, ნავსადგურის თანამშრომლები შესაძლო რეორგანიზაციას და თანამშრომელთა მოსალოდნელ შემცირებას აპროტესტებდნენ. ორი დღის განმავლობაში პორტი პარალიზებული იყო, რის გამოც მაშინ გაფიცულთა ნაწილმა მუშაობის განახლების გადაწყვეტილება მიიღო, ექვსმა მათგანმა კი შიმშილობა განაგრძო.


ბათუმის საზღვაო ნავსადგურის დირექტორი მაშინ აცხადებდა, რომ სამსახურიდან გათავისუფლება არავის ემუქრებოდა და რეორგანიზაციის შესაძლებლობა პორტში ფინანსური და ეკონომიკური ბაზის გაუმჯობესების მიზნით განიხილებოდა. საპროტესტო ტალღის შედეგად მაშინ ნავსადგურის დირექტორმა დანიარ მუჰამედ რაჰიმმა თანამდებობა დატოვა.


ბათუმის საზღვაო ნავსადგურს შპს „ბათუმის ნავთობტერმინალი“ მართავს, რომლის მფლობელიც 2008 წლიდან ყაზახური კომპანია „ყაზტრანსოილია“.


გაზეთი „ბანკები და ფინანსები“





„გაყიდვები 5-7%-ით გაიზარდა“ - რომელ ტექნიკაზე მოიმატა მოთხოვნამ პოსტპანდემიურ პერიოდში საქართველოში

„გაყიდვები 5-7%-ით გაიზარდა“ - რომელ ტექნიკაზე მოიმატა მოთხოვნამ პოსტპანდემიურ პერიოდში საქართველოში
access_time2020-08-09 15:01:24
ივნის-ივლისში გაყიდვები 5-7%-ით გაიზარდა - ამის შესახებ „ბიზნესპრესნიუსს“ „ბეკო საქართველოს“ გენერალურმა დირექტორმა მეჰმედ მელექმა განუცხადა.   „თუ 2020 წლის იანვარ-ივლისის მონაცემებს, წინა წლის 7 თვეს შევადარებთ, გეტყვით, რომ აქ გაყიდვების მხრივ სიტუაცია იგივე დონეზეა. ეს კი პანდემიის პირობებში კარგი მაჩვენებელია. ზაფხულში მაჩვენებლები უფრო დამაიმედებელია, მეტიც, იანვარ-ივლისში გაყიდვები 5-7%-ით გაიზარდა. გაყიდვების ზრდას ხელს უწყობს ისიც, რომ წელს 3 ახალი მაღაზია...

მსოფლიოს წამყვან ბირჟებზე ნავთობი გაძვირდა – საქართველოში საწვავის ფასის 10 თეთრით გაზრდაა მოსალოდნელი

მსოფლიოს წამყვან ბირჟებზე ნავთობი გაძვირდა – საქართველოში საწვავის ფასის 10 თეთრით გაზრდაა მოსალოდნელი
access_time2020-08-09 20:00:07
ე.წ. დიდი ლოქდაუნისას გაუაფებული ბენზინი საერთაშორისო ბაზრებზე გაძვირების გზას დაადგა. კერძოდ, 29 ივლისის ვაჭრობის შედეგებით მსოფლიოს წამყვან ლონდონისა და ნიუ-იორკის სანავთობო ბირჟებზე ნავთობის ფასი...

Bloomberg: კარანტინზე უარის თქმის მიუხედავად, შვედეთმა ეკონომიკა ვერ გადაარჩინა

Bloomberg: კარანტინზე უარის თქმის მიუხედავად, შვედეთმა ეკონომიკა ვერ გადაარჩინა
access_time2020-08-09 18:00:10
  შვედეთმა თავისი ეკონომიკა 1980 წლის შემდეგ რეკორდული ვარდნისგან ვერ დაიცვა  - კარანტინზე და თვითიზოლაციაზე უარის თქმის მიუხედავად, ქვეყნის მშპ 2019 წლის ანალოგიურ პერიოდთან შედარებით 8,8%-ით შემცირდა  - ასეთია შვედეთის სტატისტიკის სამმართველოს მონაცემები.   პირველ კვარტალთან შედარებით ვარდნა თითქმის ანალოგიურია - 8,6%.   ასევე მკვეთრად დაეცა ექსპორტი და ამავე დროს მასშტაბური ფინანსური დახმარების პროგრამების მიუხედავად,...

აფხაზეთი კრიპტო-ციებ-ცხელებამ მოიცვა - ბოლო 6 თვეში აფხაზეთში 100 ახალი კრიპტოფერმა გაიხსნა

აფხაზეთი კრიპტო-ციებ-ცხელებამ მოიცვა - ბოლო 6 თვეში აფხაზეთში 100 ახალი კრიპტოფერმა გაიხსნა
access_time2020-08-09 16:00:20
აფხაზეთში ნამდვილი კრიპტო-ციებ-ცხელებაა. ეს ძალიან მარტივად იხსნება - კერძოდ კი, ელექტროენერგიაზე ფანტასტიურად დაბალი ტარიფებით.   ერთი კილოვატი ელექტროენერგია აფხაზეთში 1 ცენტზე ოდნავ მეტი ღირს - დანარჩენი მსოფლიოსთვის წარმოუდგენელი ფასი. გასაგებია, რომ ის კრიპტოფერმებს იზიდავს, და მათი რაოდენობა მუდმივად იზრდება - მხოლოდ ბოლო 6 თვეში აფხაზეთში 100 ახალი კრიპტოფერმა გაიხსნა, ჯამურად კი მათი რაოდენობა 8000-ს აღწევს.   ისინი მიტოვებულ შენობებში,...

Facebook-ს აქციები რეკორდულად ძვირდება

Facebook-ს აქციები რეკორდულად ძვირდება
access_time2020-08-09 13:40:12
Facebook-ის აქციების ღირებულება რეკორდულ დონეზე  - 225, 8 დოლარამდე გაიზარდა - ეს უმსხვილესი კომპანიების მხრიდან სოციალურ ქსელში რეკლამაზე ბოიკოტის და კონგრესში მიმდინარე ანტიმონოპოლიური გამოძიების ფონზე ხდება. ყველა ამ უსიამოვნების მიუხედავად, სოციალური ქსელის აუდიტორია და მოგებაც პროგნოზირებულზე მეტად იზრდება. ამ ინფორმაციის გამოქვეყნების შემდეგ კომპანიის აქციები 7%-ით გაძვირდა. ანალიტიკოსები ვარაუდობენ, რომ წლის მანძილზე Facebook-ის...


მსგავსი სიახლეები

up