„ბათუმის სანაპირო ზოლი უსახური და უკანონო ობიექტისგან თავისუფლდება“ - მზადება  აჭარაში ზაფხულის საკურორტო სეზონისთვის

„ბათუმის სანაპირო ზოლი უსახური და უკანონო ობიექტისგან თავისუფლდება“ - მზადება აჭარაში ზაფხულის საკურორტო სეზონისთვის

access_time2019-05-07 16:30:53

უახლოეს რამდენიმე კვირაში აჭარაში ზაფხულის ტურისტული სეზონი ოფიციალურად გაიხსნება. როგორი სიტუაციაა ზღვისპირა ქალაქებში, რას სთავაზობს ჩასულ ტურისტებს როგორც რეგიონის ხელმძღვანელობა ისე კერძო სექტორი?


როგორც „კომერსანტმა“ გაარკვია, ზაფხულის დადგომამდე ერთი თვით ადრეც აჭარის ტურიზმის დეპარტამენტმა ზუსტად არ იცის კონკრეტულად რითი იქნება განსხვავებული წლევანდელი საზაფხულო სეზონი. მათი თქმით, გეგმაზე ამჟამად მუშაობენ და დეტალებს რამდენიმე დღეში მოგვაწვდიან.


რაც შეეხება ბათუმის ბულვარს, ზაფხულის ტურისტულ სეზონს მრავალი სიახლით ხვდება. ამის შესახებ „კომერსანტს“  სსიპ „ბათუმის ბულვარში“ განუცხადეს. მათი ინფორმაციით, ბათუმის ბულვარს თავისი ისტორიის მანძილზე პირველად განვითარების გეგმა ექნება., ადმინისტრაცია აქტიურად მუშაობს ბულვარის კონსერვაციის საკითხზეც.


როგორც „ბათუმის ბულვარში“ განმარტავენ, სეზონისათვის მოსამზადებელი ინფრასტრუქტურული სამუშაოები აქტიურ ფაზაშია და  რამდენიმე მიმართულებით მიმდინარეობს.


„დაიწყო ველობილიკის რეაბილიტაცია. სარეაბილიტაციო სამუშაოების მიხედვით, მოწესრიგდება და შეიღებება 5100 მეტრი ველოტრასა. ტურისტულ სეზონზე მოწესრიგებული საველოსიპედო ბილიკი მაქსიმალურად კომფორტული და უსაფრთხო იქნება გადაადგილებისათვის,“ — აღნიშნავენ „ბათუმის ბულვარში“.


მათივე ინფორმაციით, ახალ ბულვარში არსებულ საბავშვო კუთხეში პლასტმასის ატრაქციონებს,  ეკოლოგიურად სუფთა ხის მასალისგან დამზადებული ახალი საბავშვო ატრაქციონები ჩაანაცვლებს. ბათუმის ძველ ბულვარში არსებული გედების ტბას კი რეკონსტრუქცია ჩაუტარდება. მოეწყობა იასონ გორდეზიანის სახელობის  სკვერი.


ძველი ბულვარის ტერიტორიაზე საზოგადოებრივი დანიშნულების თანამედროვე სტანდარტების შესაბამისი საპირფარეშოები მოეწყობა, რომელშიც ბავშვთა გამოსაცვლელი სივრცე განთავსდება.



„წელს, ტურისტული სეზონისთვის ბათუმის ბულვარის სანაპირო ზოლი შშმ პირთათვის ადაპტირებული იქნება. ადაპტირებული ინფრასტრუქტურული პროექტის ფარგლებში, სანაპიროზე  გადასასვლელი ხის ბილიკების, საშხაპეებისა და გამოსაცვლელის, ასევე, ადაპტირებული საპირფარეშოების მოწყობა იგეგმება. სანაპირო ზოლი აღიჭურვება ტივტივა ეტლებით, რომელთა  სარგებლობა მომხმარებლებისთვის უფასო იქნება და შშმ პირებს ზღვაში დამოუკიდებლად შესვლის საშუალებას მისცემს.


აღნიშნული პროექტი საქართველოში პირველად ხორციელდება და ინკლუზიური ტურიზმის განვითარებასა და ხელშეწყობას  ემსახურება,“ — აცხადებენ „ბათუმის ბულვარში“.


მათივე ინფორმაციით, ბათუმის სანაპიროზე ინფრასტრუქტურის მოწესრიგება გრძელდება. სანაპირო ზოლი უსახური და უკანონო ობიექტისგან თავისუფლდება. აღნიშნული ღონისძიებების გატარება ბათუმის ბულვარის ინიციატივით, აჭარის მთავრობის და ბათუმის მერიის მხარდაჭერით ხორციელდება. 


„ბათუმის ბულვარში“ განმარტავენ, რომ  ბათუმის ბულვარისთვის მნიშვნელოვანია ზღვისპირა ბულვარში ქალაქის მაცხოვრებლებისა და ვიზიტორებისთვის დასვენების უსაფრთხო და მშვიდი გარემოს უზრუნველყოფა. მათივე განმარტებით, უახლოეს პერიოდში, ბათუმის ბულვარი სრულად იქნება მზად მრავალ მნიშვნელოვან ფესტივალსა და კონცერტს უმასპინძლოს.


რა მოლოდინები არსებობს ზაფხულის სეზონთან დაკავშირებით კერძო სექტორში?


ბათუმში მდებარე 3-ვარსკვლავიანი სასტუმრო Driam tower-ის მენეჯერი ნანა ბალაძე „კომერსანტთან“ აცხადებს, რომ სასტუმრო მიმდინარე სეზონისთვის გაიხსნა, შესაბამისად, მიმდინარე წელს დიდი მოლოდინით ხვდება. მისი განცხადებით, სასტუმროს უკვე აქვს ჯავშნები ივნისი-სექტემბრის პერიოდზე. „აღნიშნულ პერიოდში ჩვენთან სტუმრები გვეყოლება ბელორუსიდან, ასევე ველოდებით სტუმრებს თურქეთიდანაც. ბათუმშიც ყველაფერი მოწესრიგებულია და დიდი იმედი გვაქვს,რომ აქ ჩამოსული ტურისტი კმაყოფილი დარჩება“-აცხადებს ბალაძე.


მისი განმარტებით, ამჟამად  სასტუმროში 1-ადგილიანი სტანდარტული ოთახი 80 ლარი ღირს (საუზმით), თუმცა, ფასები აქტიურ სეზონზე შედარებით გაიზრდება.


4 ვარსკვლავიან, ბუტიკის სასტუმრო Batumi World Palace-ში ზაფხულის საკურორტო სეზონისთვის დიდ მოლოდინებს ამყარებენ. ეს კი გაზრდილ ფრენებს, ავიამიმოსვლას უკავშირდება. კერძოდ, როგორც სასტუმროში განმარტავენ, წელს ბათუმიდან პირდაპირი რეისები ხოციელდება არაბულ ქვეყნებში ,ფრენების რაოდენობა გაიზარდა ევროპულ ქვეყნებშიც, რაც  ტურისტების ზრდაზე პირდაპირ აისახება. შესაბამისად, ბათუმში სასტუმროები იმაზე მეტად დატვირთული იქნება, ვიდრე გასულ წლებში.


მათივე ინფორმაციით, სასტუმრო Batumi World Palace-ში ჯავშნები უკვე გაკეთებულია, მათ შორის, გერმანიიდან, პოლონეთიდან.  რაც შეეხება ფასებს, ამჟამად  სასტუმროში 1-ადგილიანი სტანდარტული ოთახი 120-180 დოლარი ღირს (საუზმით), თუმცა, ფასები აქტიურ სეზონზე შედარებით გაიზრდება.


სოფო ქსოვრელი 






მასკარადი „ბენ-გურიონში“ - ქართველი არალეგალების ისრაელში შეღწევის ახალი მეთოდი

მასკარადი „ბენ-გურიონში“ - ქართველი არალეგალების ისრაელში შეღწევის ახალი მეთოდი
access_time2019-06-18 20:00:21
ისრაელის სამართალდამცველებმა გამოავლინეს ქვეყანაში ქართველი არალეგალების შეღწევის საინტერესო და ორიგინალური ხერხი  - კერძოდ, ისრაელში ჩამოსვლისთანავე არალეგალებს აცმევდნენ აეროპორტის თანამშრომლის უნიფორმებს, რის შემდეგაც ისინი მშვიდად, ყოველგვარი შემოწმების და კონტროლის გარეშე შედიოდნენ ქვეყნის ტერიტორიაზე. ამ სქემით მოქმედებდა დანაშაულებრივი ჯგუფი, რომელსაც 2017 წლიდან ქართველი არალეგალები ისრაელში შეჰყავდა. გამომძიებლების...

რომან გოცირიძე - მინისტრების განთავისუფლება შიდა ინტრიგების შედეგია - „ქართული ოცნების“ 62 მინისტრიდან 50 გაქრა

რომან გოცირიძე - მინისტრების განთავისუფლება შიდა ინტრიგების შედეგია - „ქართული ოცნების“ 62 მინისტრიდან 50 გაქრა
access_time2019-06-18 19:00:38
დღევანდელ ხელისუფლებაში საკადრო გადაწყვეტილებას ბიძინა ივანიშვილი იღებს - როდის და რა ხასიათზეა.  ეს არ არის პოლიტიკური მსჯელობის საგანი. წარმოიდგინეთ „ქართული ოცნების“ 62 მინისტრიდან 50 გაქრა. ორი მინისტრი იყო, რომელსაც ეს ცვლილება არ შეხებია 7 წლის განმავლობაში.  “უკანასკნელი მოჰიკანად“ დარჩა  თეა წულუკიანი. 7 წლის განმავლობაში  ოქროც რომ იდოს, ისიც დაჟანგდება. მინისტრების განთავისუფლება მაინც შიდა ინტრიგების შედეგია, პირადი ურთიერთობებიდან...

რატომ გვატყუებს მუდმივად ქართული ოცნება? - ნაწილი მეშვიდე

რატომ გვატყუებს მუდმივად ქართული ოცნება? - ნაწილი მეშვიდე
access_time2019-06-18 18:00:10
რატომ გვატყუებს მუდმივად “ქართული ოცნება“? - ამ რუბრიკით “კომერსანტი“  factcheck.ge-ს უკვე მეშვიდე მასალას აქვეყნებს,  რომლებიც  ფაქტ-მეტრის ანალიზს ემყარება.  კვლევა ძირითადად მმართველი გუნდის დაპირებებს და ქართული ოცნების წარმომადგენლების განცხადებებს ეხება — დასკვნა კი უმეტეს შემთხვევაში უარყოფითია.  ამჯერად გთავაზობთ ქართული ოცნების დეპუტატის დიმიტრი ხუნდაძის...

Bloomberg-ზე 1 დოლარი 2,7770 ლარად ივაჭრება

Bloomberg-ზე 1 დოლარი 2,7770 ლარად ივაჭრება
access_time2019-06-18 16:45:48
Bloomberg-ის სავაჭრო პლატფორმაზე  16:30 საათზე ერთი დოლარი 2,7770 ლარად ივაჭრებოდა. საქართველოს ეროვნული ბანკის მიერ გუშინ დადგენილი კურსით, დღეს ერთი აშშ დოლარის  1 აშშ დოლარის ოფიციალური ღირებულება 2.7559 ლარი გახდა. კურსი, რომელიც გუშინ, დღის განმავლობაში მოქმედებდა, 2.7468 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0091 ლარი შეადგინა. ეროვნული ბანკის მიერ დღეს 17:00 სთზე გამოქვეყნებული ინფორმაციით, 1 აშშ დოლარის...

მამუკა ბახტაძე - ჯერ კიდევ საკმაოდ მაღალია მოქალაქეების მიერ ე.წ. ჯიბიდან გადახდილი თანხა, განსაკუთრებით როცა ვსაუბრობთ მედიკამენტების შეძენაზე

მამუკა ბახტაძე - ჯერ კიდევ საკმაოდ მაღალია მოქალაქეების მიერ ე.წ. ჯიბიდან გადახდილი თანხა, განსაკუთრებით როცა ვსაუბრობთ მედიკამენტების შეძენაზე
access_time2019-06-18 14:51:48
საქართველოში ჯერ კიდევ საკმაოდ მაღალია მოქალაქეების მიერ ე.წ. ჯიბიდან გადახდილი თანხა, განსაკუთრებით როცა ვსაუბრობთ მედიკამენტების შეძენაზე, - აღნიშნული განცხადება პრემიერ-მინისტრმა მამუკა ბახტაძემ ჯანდაცვის ახალი მინისტრის წარდგენისას გააკეთა. პრემიერ-მინისტრმა მიმოიხილა ჯანდაცვის რეფორმა და განსაკუთრებული აქცენტი საყოველთაო ჯანდაცვაზე გააკეთა. ბახტაძის თქმით, „ქართული ოცნების“ პირობებში ჯანდაცვის სისტემა თითოეულ ადამიანზე ორინეტირებული...


მსგავსი სიახლეები

up