„სილქ როუ ჯგუფი“ - „ბათუმი რივიერას“  მშენებლობა მომავალი წლის დასაწყისში დაიწყება

„სილქ როუ ჯგუფი“ - „ბათუმი რივიერას“ მშენებლობა მომავალი წლის დასაწყისში დაიწყება

access_time2019-09-18 17:00:47

ბათუმში, პორტის მიმდებარე ტერიტორიაზე „სილქ როუ ჯგუფი“ 350 მილიონი აშშ დოლარის ღირებულების მულტიფუნქციური პროექტ „ბათუმი რივიერას“ მშენებლობას  მომავალი წლის დასაწყისში დაიწყებს  ამის შესახებ „კომერსანტს“ კომპანია „ბათუმი რივიერას“ დირექტორმა გოგა კაპანაძემ განუცხადა. მისი ინფორმაცით, კომპანიამ გრგ-ე მერიაში უკვე შეათანხმა. ამჟამად, კომპანია ბათუმის მერიისგან მშენებლობის ნებართვის მისაღებად ემზადება.



კერძოდ,არქიტექტორები და კონსტრუქტორები ასრულებენ პროექტზე მუშაობას და საბოლოო ვარიანტი მუნიციპალიტეტში უახლოეს კვირებში შევა.



„ვადები უცნობია, მაგალითად გრგ-ს შეთანხმებას ორი თვე სჭირდებოდა და რეალურად, მისი დამტკიცება ერთ წელში მოხდა. კანონით კი სულ სხვა ვადები იყო განსაზღვრული. იმედი მაქვს, რომ წლის ბოლომდე მივიღებთ სამშენებლო ნებართვას. როგორც კი ეს მოხდება, მშენებლობას დავიწყებთ“-აღნიშნავს კაპანაძე.



მისივე განცხადებით, მანამდე კომპანია მშენებელი კომპანიის შესარჩევად ტენდერს გამოაცხადებს.





პროექტის ფარგლებში დაგეგმილია „სილქ როუდ ჯგუფის“ საკუთრებაში არსებული 6 ჰექტარი ფართობზე მულტიფუნქციური კომპლექსის მშენებლობა. ასევე სახელმწიფოს საკუთრებაში არსებული 2 ჰექტარი პარკის განაშენიანება, რომელიც სახელმწიფოს საკუთრებაშივე დარჩება. ტერიტორია გახდება ბულვარის შემადგენელი ნაწილი და შეუნარჩუნდება რეკრეაციული ზონის სტატუსი. „სილქ როუდ ჯგუფი“ მხოლოდ მის ლანშაფტურ დიზაინს შექმნის. ასევე, პროექტის ნაწილად მოიაზრება 20-წლიანი იჯარით აღებული იახტკლუბის ტერიტორია.



„მაცხოვრებლების და მათი სტუმრების ყურადღებას ზღვის ბუნებრივი წყლით შევსებული, ხელოვნური ლაგუნა მიიპყრობს, სადაც მათ მცირე ზომის იახტები მოემსახურება და გარშემო მდებარე კაფეები და რესტორნები მიიზიდავთ. მიგვაჩნია, რომ ბათუმში, მაღალ და საშუალო შემოსავლიანი ტურისტული სეგმენტის გაზრდაზე და ოთხივე სეზონის განვითარებაზე უნდა დავიწყოთ ზრუნვა. „ბათუმი რივიერა“ გასართობი და შემეცნებითი ღონისძიებების მიზიდულობის ცენტრი გახდება. ქალაქის პირველი კონვენციის ცენტრი, რომელიც თანამედროვე ტექნიკით აღჭურვილი მრავალფუნქციური სივრცე იქნება, წლის განმავლობაში დიდ აუდიტორიაზე გათვლილ სხვადასხვა კონფერენციებს, გამოფენებს და კონცერტებს უმასპინძლებს და შესაბამისად, აქტიური სეზონის ხანგრძლივობას გაზრდის, რაც დამატებით შემოსავალს გულისხმობს როგორც აჭარის ბიუჯეტისთვის, ასევე მცირე და საშუალო ბიზნესისთვის. გაზაფხულ-ზაფხულში „ბათუმი რივიერა“ იახტების მოყვარულებით დაიტვირთება და მაღალი შემოსავლის მქონე ტურისტებს მოიზიდავს, რომელთა რაოდენობა, სათანადო ინფრასტრუქტურის არარსებობის გამო, საქართველოში, ჯერჯერობით მცირეა.




იახტკლუბი 30 მეტრის სიგრძის იახტების მიღებას შეძლებს. აქ იქნება რესტორნები, გასართობი ცენტრი და ზღვის წყლით ავსებული ღია აუზი. რაც შეეხება ზამთარს, ამ პერიოდის აჭარაში გატარება კიდევ უფრო საინტერესო გახდება. „სილქ თაუერის” სახურავზე ვერტმფრენის დასაჯდომი მოედანი მოეწყობა და „ბათუმი რივიერა“ მის მაცხოვრებლებს გოდერძისა და მესტიის სამთო-სათხილამურო კურორტების მიმართულებით ფრენებს შესთავაზებს,“
 განუცხადეს “კომერსანტს“  რამდენიმე თვის წინ  კომპანიაში.



პროექტის თანახმად, ასევე დაგეგმილია საცხოვრებელი და სასტუმრო კომპლექსების მშენებლობა, კეთილმოწყობილი პარკის, განსხვავებული კონცეფციის კაზინოს, 2000 სტუმარზე გათვლილი მულტიფუნქციური კონგრეს ცენტრის მშენებლობა, სადაც შესაძლებელი იქნება სპორტული შეჯიბრებების, კონცერტების, გამოფენების და სხვა ღონისძიებების მოწყობა.



იგეგმება კაფეების, რესტორნების და სხვადასხვა ტიპის დაწესებულებების მოწყობაც.



პროექტი რამდენიმეეტაპიანი იქნება და მისი სრულად დასრულება 5 წელიწადში იგეგმება. „ბათუმი რივიერას“ მხარდამჭერია „თანაინვესტირების ფონდი“. პროექტის კიდევ ერთი პარტნიორი კომპანია „ბათუმის იახტ კლუბია“, რომელიც იახტ კლუბის მართვის ვალდებულებას, მინიმუმ, 20 წლის ვადით იღებს. საწყის ეტაპზე, იახტ კლუბში 3 მილიონი აშშ დოლარის ინვესტირება იგეგმება, რომელსაც „ბათუმის იახტ კლუბი“ და „სილქ როუდ ჯგუფი“ თანაბრად გაინაწილებენ.




რაც შეეხება იმას, თუ რომელი საერთაშორისო ბრენდი იქნება პროექტში არსებულ სასტუმროების ოპერატორი და მიმდინარეობს თუ არა მათთან მოლაპარაკებები, კაპანაძე რამდენიმე თვის წინ აღნიშნავდა, რომ შესაძლოა ეს „რედისონიც“ იყო, თუმცა, მას შემდეგ რაც ბათუმის მერია მშენებლობის ნებართვას გასცემს, სხვადასსხვა საერთაშორისო ოპერატორტან მოლაპარაკებები დაიწყება.




როგორც ცნობილია, „სილქ როუდ ჯგუფმა“ „ბათუმი რივიერის“ პროექტის არქიტექტურულ დიზაინსა და ურბანულ დაგეგმარებაზე ისეთ წამყვან კომპანიასთან იმუშავა, როგორიც არის “Chapman Taylor”.პროექტის კონცეფცია და იერსახე „სილქ როუდ ჯგუფისთვის“ თავიდანვე მნიშვნელოვანი ეტაპი იყო. სწორედ ამიტომ ჩატარდა ტენდერი, რომელშიც 25-მა საერთაშორისო კომპანიამ მიიღო მონაწილეობა. შედეგად, სამუშაოს შესრულება „Chapman Taylor-ს“ დაევალა. კომპანიას გააჩნია 60-წლიანი გამოცდილება და დაჯილდოებულია 250-ზე მეტი საერთაშორისო პრიზით, როგორიც არის MIPIM Awards, International Property Awards, The Global RLI Awards, ICSC European Shopping Center Awards და კიდევ სხვა მრავალი.






სოფო ქსოვრელი 





BBC-ის მთავარი ბიზნეს კორესპონდენტი - ირლანდია ევროკავშირში სიმდიდრით მეორე ქვეყანაა, საქართველოსაც შეუძლია გაჰყვეს ამ გზას

BBC-ის მთავარი ბიზნეს კორესპონდენტი - ირლანდია ევროკავშირში სიმდიდრით მეორე ქვეყანაა, საქართველოსაც შეუძლია გაჰყვეს ამ გზას
access_time2019-10-22 19:30:35
თქვენ გაქვთ კანონი, გაქვთ ინფრასტრუქტურა და ადამიანური კაპიტალი. თუ ამ გზას გაჰყვებით, საქართველო 15 წელიწადში კავკასიის ლიდერი იქნება, - ასე შეაფასა BBC-ის მთავარმა ბიზნეს კორესპონდენტმა ჯო ლაინამმა განვითარების პროცესში საქართველოს მიერ აღებული გეზი. ჯო ლაინამი „აბრეშუმის გზის ფორუმზე“ დასასწრებად თბილისში ჩამოვიდა. ფორუმზე ის ერთ-ერთი პანელის მოდერატორი იყო. დასრულების შემდეგ კი მსოფლიოს ბაზარზე საქართველოს პოზიციონირებისა და განვითარების პერსპექტივის შესახებ...

კარგი კურსი, კარგი რეგულაციები -ჩენი სხვა ჩინელ ბიზნესმენებსაც მოუწოდებს, შემოვიდნენ

კარგი კურსი, კარგი რეგულაციები -ჩენი სხვა ჩინელ ბიზნესმენებსაც მოუწოდებს, შემოვიდნენ
access_time2019-10-22 17:31:38
კარგი პოლიტიკური კურსი, კარგი რეგულაციები, პირდაპირი ინვესტიციების წახალისებაზე და ქვეყნის პოტენცილაზე ჩინქსინ ჩენი აღნიშნავს. ამბობს, საქართველოში ჩინური კომპანიების ფართო წარმომადგებლობაზე და სურვილზე, მეტი ჩინური კომპანია იყოს წარმოდგენილი, რადგან საქართველოს გზაა ყველა მოკლეა ევროპასა და აზიას შორის. აბრეშუმის გზის ფორუმზე ანაკლიის განვითარების კონსორციუმის გენერალური დირექტორი ანაკლიის პორტის პროექტის ბარიერებზე საუბრობს. ვაპირებთ შეხვედრას...

SOCAR-ის ვიცე-პრეზიდენტი: „სოკარ ჯორჯიას შესანიშნავი პარტნიორობა აქვს ადგილობრივ ხელისუფლებასთან. ჩვენ ვცდილობთ ვიყოთ საუკეთესო პარტნიორი

SOCAR-ის ვიცე-პრეზიდენტი: „სოკარ ჯორჯიას შესანიშნავი პარტნიორობა აქვს ადგილობრივ ხელისუფლებასთან. ჩვენ ვცდილობთ ვიყოთ საუკეთესო პარტნიორი
access_time2019-10-22 16:54:10
„საქართველოში სოკარ ჯორჯია წარმოდგენილია მისი ხელმძღვანელით მაირ მამედოვით, მათ შესანიშნავი პარტნიორობა აქვთ ადგილობრივ ხელისუფლებასთან, სახელისუფლებლო სტრუქტურებთან, - ამის შესახებ აზერბაიჯანის სახელმწიფო ნავთობ კომპანიის (SOCAR) ვიცე-პრეზიდენტმა, იაშარ ლატიფოვმა აბრეშუმის გზის ფორუმზე სიტყვით გამოსვლისას აღნიშნა. თემატურ პანელზე - „ენერგეტიკის ხვალინდელი დღე - განვითარების ტენდენციები, უსაფრთხოება და მდგრადობა აბრეშუმის გზის ენერგეტიკული სარტყელის ფარგლებსა და ფარგლებს გარეთ,...

რატომ მოიტყუა საჯაროდ ქალბატონმა მინისტრმა?-„არცერთ მინისტრს არ აქვს განცდა, რომ ის თავის სიტყვებზე პასუხისმგებელია“

რატომ მოიტყუა საჯაროდ ქალბატონმა მინისტრმა?-„არცერთ მინისტრს არ აქვს განცდა, რომ ის თავის სიტყვებზე პასუხისმგებელია“
access_time2019-10-22 15:30:11
„თუ ბიძინა ივანიშვილი პატიობს შეცდომას, ჩვენ რა პრობლემა გვაქვს.  დღეს ასე იტყვის, ხვალ ისე, მთავარია ის იყოს კმაყოფილი.“ - ასე აფასებს მაია ცქიტიშვილის „შეცდომას“ FDI-ს მაჩვენებლებთან დაკავშირებით ექსპერტი გია ხუხაშვილი. ვიცე-პრემიერმა მაია ცქიტიშვილმა „აბრეშუმის გზის ფორუმზე“ განაცხადა, რომ 2018 წელს საქართველომ “ერთ-ერთი ყველაზე დიდი მოცულობის პირდაპირი უცხოური ინვესტიცია (FDI) მიიღო”, თუმცა ეს განცხადება სიმართლეს არ შეესაბამებოდა, რადგანაც 2018...

ნათია თურნავა: „ანაკლიის პროექტს მთელი დერეფანი ელოდება, იმედი გვაქვს, ის მომავალი წლიდან დაიძრება“

ნათია თურნავა: „ანაკლიის პროექტს მთელი დერეფანი ელოდება, იმედი გვაქვს, ის მომავალი წლიდან დაიძრება“
access_time2019-10-22 14:51:39
„ანაკლიის პორტის პროექტის დაწყება ზედმეტად დაგვიანდა, დიდი იმედი გვაქვს, მომავალი წლიდან ამ პროექტს უკვე დავძრავთ“, – ამის შესახებ საქართველოს ეკონომიკისა და მდგრადი განვითარების მინისტრმა, ნათია თურნავამ განაცხადა.მისი თქმით, ანაკლიის ღრმაწყლოვანი პორტი ეს არის ერთ-ერთი მნიშვნელოვანი სტრატეგიული პროექტი, რომელიც საქართველოს მთავრობის ყველა პრეზენტაციაში მნიშვნელოვან ადგილს იკავებს. „როდესაც ვსაუბრობთ იმაზე, როგორ უნდა გამოვიყენოთ უკეთ შავი ზღვის შესაძლებლობები...


მსგავსი სიახლეები

up