"ბატონო გიორგი, სირცხვილია" - ბექა ბასილაია გახარიას გადადგომის მოთხოვნით შიმშილობს

access_time2019-06-27 11:20:09

ადვოკატი ბექა ბასილაია გათავისუფლების შემდეგ პარლამენტის წინ კარვებში მოშიმშილეთა რიგებს შეუერთდა. პროტესტის უკიდურესი ფორმით ისინი შინაგან საქმეთა მინისტრის, გიორგი გახარიას, გადადგომას ითხოვენ.


"ბატონო გიორგი, სირცხვილია. თქვენი კარიერის დასაწყისში ასეთ მხდალ ადამიანად თქვენ არ გიცნობდნენ. მესმის, რომ რუსეთის დავალებების შესრულება გიწევთ, მაგრამ არ შეიძლება. არსებობს რაღაც საზღვრები. მოთხოვნა არის შინაგან საქმეთა მინისტრ გიორგი გახარიას გადადგომა. მას არანაირი მორალური, სამართლებრივი უფლება არ აქვს, იყოს საქართველოს შინაგან საქმეთა მინისტრი,"- ამბობს ბექა ბასილაია რუსთავი 2-თან.


პარლამენტის წინ აქციის მონაწილეთა ნაწილი უკვე მე-5 დღეა შიმშილობს. მათ შორის ერთერთი 2008 წლის რუსეთ-საქართველოს ომის მონაწილე.


"ამ ბავშვებთან ერთად მძინავს, ამ ბავშვებთან ერთად ვიღვიძებ. ვიზიარებ სრულად მათ მოთხოვნებს, მაგრამ ვატყობ, ხელისუფალი მაინც არ თმობს გახარიას. შევუერთდი იმიტომ, რომ დიდი სურვილი მაქვს, გადადგეს გახარია, რომელმაც მიიღო მონაწილეობა იმ სისხლისღვრაში, რაც აქ 20 ივნისს დატრიალდა,"- ამბობს დავით მახარეიშვილი.



27 ივნისს, 19:00-ზე, პარლამენტის წინ საპროტესტო აქცია განახლდება. დემონსტრანტები აპირებენ, ბიძინა ივანიშვილის სასახლემდე მოეწყოს მსვლელობა.


"ხვალ მივალთ და გავაღვიძებთ ბიძინა ივანიშვილს" - თქვა აქციის ერთერთმა ორგანიზატორმა მიშა მშვილდაძემ.


დემონსტრანტებს გუშინაც სურდათ მსვლელობის მოწყობა, თუმცა, აზრი ორად გაიყო.


მეშვიდე დღეა, რუსთაველის გამზირი ყოველ საღამოს იკეტება. ჯერ კიდევ სამი დღის წინ, დემონსტრანტებს ოთხი მოთხოვნა ჰქონდათ - მომდევნო არჩევნები ჩატარდეს პროპორციული წესით, გათავისუფლდეს აქციაზე ყველა დაკავებული, გადადგეს შს მინისტრი გიორგი გახარია და დაისაჯონ ის სამართალდამცველები, რომლებმაც აქციის დარბევისას ძალას გადაამეტეს.


24 ივნისს ქართულმა ოცნებამ შეასრულა აქციის მონაწილეების მოთხოვნა და საზოგადოებას დაპირდა, რომ საკონსტიტუციო ცვლილებებს მიიღებს და 2020 წლის არჩევნებს პროპორციული წესით, 0%-იანი ბარიერის პირობებში ჩაატარებს. ასევე, შსს-მ უფლებამოსილება შეუჩერა 10 სამართალდამცველს, ხოლო ორის ქმედებებში - სისხლის სამართლის დანაშაულის ნიშნები დაინახა. გარდა ამისა, ბოლო დღეების მანძილზე, სააპელაციო სასამართლო ყოველდღიურად ათავისუფლებდა აქციაზე ადმინისტრაციული წესით დაკავებულებს. ამ დროისთვის, აქციის მონაწილეების მოთხოვნა მხოლოდ შს მინისტრის გადადგომაა.



ტაბულა





რუსეთმა ქართული ღვინისა და მინერალური წყლების შეტანაზე შეზღუდვა გადაიფიქრა

რუსეთმა ქართული ღვინისა და მინერალური წყლების შეტანაზე შეზღუდვა გადაიფიქრა
access_time2019-07-19 15:00:52
რუსი კანონმდებლები საქართველოდან სხვადასხვა სახის საქონლის იმპორტის აკრძალვის შესაძლებლობას განიხილავდნენ, თუმცა დღეისათვის ე.წ. ღვინის სანქციების თემა ამოწურულია, - ამის შესახებ РИА Новости-სთან ინტერვიუში რუსეთის საგარეო საქმეთა მინისტრის მოადგილემ გრიგორი კარასინმა განაცხადა. მისივე თქმით, რუსეთის წინააღმდეგ მრავალი წლის განმავლობაში არაერთი ტიპის სანქცია მოქმედებს, ამიტომ მოსკოვი სიფრთხილით ეკიდება სხვა ქვეყნების მიმართ ასეთი ზომების...

“იმედის” აღმასრულებელ დირექტორად გიორგი ცხვიტავა დაინიშნა, შეიცვალა გენერალური დირექტორიც

“იმედის” აღმასრულებელ დირექტორად გიორგი ცხვიტავა დაინიშნა, შეიცვალა გენერალური დირექტორიც
access_time2019-07-19 12:55:25
ჟურნალისტი გიორგი ცხვიტავა “იმედის” აღმასრულებელ დირექტორად დაინიშნა. ინფორმაცია ამის შესახებ “კომერსანტს” თავად ცხვიტავამ დაუდასტურა. ცხვიტავას განცხადებით, ივლისში შეიცვალა ტელეკომპანიის გენერალური დირექტორიც გიორგი ბახტაძე, რომელიც  ელდარ მდინარაძემ ჩაანაცვლა. მდინარაძე 1990-იანი წლების მიწურულს ბიძინა ივანიშვილის მე-9 არხის ერთ-ერთ ხელმძღვანელად მუშაობდა. აღნიშნული მე-9 არხი ბიძინა ივანიშვილმა ვარდების რევოლუციის შემდეგ...

IRI - ეროვნული ბანკის საქმიანობას მოსახლეობის 62% ნეგატიურად აფასებს

IRI - ეროვნული ბანკის საქმიანობას მოსახლეობის 62% ნეგატიურად აფასებს
access_time2019-07-19 12:09:47
საერთაშორისო რესპუბლიკურმა ინსტიტუტმა (IRI) საქართველოს მოსახლეობის აზრის კვლევის შედეგები გამოაქვეყნა. დოკუმენტის მიხედვით, საქართველოში მთავარ პრობლემად ეკონომიკური ვითარება - უმუშევრობა და დაბალი ხელფასები სახელდება. გამოკითხვისას მოსახლეობას სხვა და სხვა ინსტიტუტის საქმიანობის შეფასება სთხოვეს. გამოკითხულთა ყველაზე დიდი ნაწილი დადებითად საქართველოს საპატრიარქოსა (89%) და ჯარის (87%) საქმიანობას აფასებს. ერთ-ერთი ყველაზე უარყოფითი შეფასება კი საქართველოს...

პრობლემა არა საგარეო-სავაჭრო ბალანსის დეფიციტია, არამედ მისი სიდიდე - გიორგი ცუცქირიძე

 პრობლემა არა საგარეო-სავაჭრო ბალანსის დეფიციტია, არამედ მისი სიდიდე - გიორგი ცუცქირიძე
access_time2019-07-18 18:30:47
“პრობლემა არა საგარეო-სავაჭრო ბალანსის დეფიციტია, არამედ მისი სიდიდე!”, – ამ სათაურით აქვეყნებს პოსტს საბანკო-საფინანსო საქმის ექსპერტი, პროფესორი გიორგი ცუცქირიძე სოციალურ ქსელში. პოსტს კომერსანტი უცვლელად გთავაზობთ: “პრობლემა არა საგარეო-სავაჭრო ბალანსის დეფიციტია, არამედ მისი სიდიდე! აღსანიშნავია, რომ ბოლო წლებში საგარეო სავაჭრო ბრუნვის ზრდასთან ერთად, იზრდებოდა წმინდა ექსპორტი და...

ჯიპიაი-მ ლოიალობის პროგრამა ეკოისტი დაიწყო

ჯიპიაი-მ  ლოიალობის პროგრამა ეკოისტი დაიწყო
access_time2019-07-18 16:00:27
მათთვის ვისაც ჯანსაღი ცხოვრების წესის დაწყება სურს „ჯიპიაი ჰოლდინგი“ მასშტაბურ ლოალობის პროგრამას იწყებს, სახელწოდებით „ეკოისტი“. პროგრამა მოიცავს განსაკუთრებულ პირობებს, როგორც დაზღვეულებისთვის, ისე ნებისმიერი სხვა მსურველისთვის.  რა არის ეკომონეტა? ამ მოძრაობაში მთავარი ადგილი უჭირავს „ეკომონეტას“, რომელსაც კომპაინიაში ჯანსაღი ცხოვრების ახალი ვალუტად მოიხსენიებენ. ჯანსაღი ცხოვრებისთვის დამახასიათებელი ქმედებების სანაცვლოდ...


მსგავსი სიახლეები

up