ბარათაშვილის აღმართის კაპიტალური რეაბილიტაცია დაიწყო

ბარათაშვილის აღმართის კაპიტალური რეაბილიტაცია დაიწყო

access_time2018-07-19 18:44:48


დედაქალაქის მერიამ ნიკოლოზ ბარათაშვილის აღმართის კაპიტალური რეაბილიტაცია დაიწყო. სამუშაოებს, რომელსაც ინფრასტრუქტურის განვითარების საქალაქო სამსახური აწარმოებს, დღეს თბილისის მერი კახა კალაძე გაეცნო.

 

მისი განცხადებით, აღნიშნულ ტერიტორიაზე ყველაზე დიდ პრობლემას სანიაღვრე სისტემის არარსებობა წარმოადგენს, რაც მთლიანად მოწესრიგდება.

 

„ტერიტორიაზე, როგორც ახალი ასფალტის დაგება, ასევე, მიწისქვეშა კომუნიკაციების მთლიანად გამოცვლა და რეაბილიტაცია მოხდება. სანიაღვრე სისტემა არ არსებობს, რაც სერიოზულ პრობლემას წარმოადგენს. წლიდან წლამდე, როდესაც ამ კონკრეტული მონაკვეთის შეკეთება ხდებოდა, შემდეგ, ყოველთვის ფუჭდებოდა. სანიაღვრე სისტემასთან ერთად, მოეწყობა საფეხმავლო ბილიკები და გარე განათება მოწესრიგდება. მგონია, რომ ძალიან ლამაზი პროექტი გამოვა“, - განაცხადა კახა კალაძემ.

 

სამუშაოებს დედაქალაქის მერთან ერთად, მერის მოადგილე ირაკლი ბენდელიანი, ინფრასტრუქტურის განვითარების საქალაქო სამსახურის უფროსი გალაქტიონ ბუაძე  და ისნის რაიონის გამგებელი კახა ლაბუჩიძე გაეცნენ.

 


„ბარათაშვილის აღმართის სრული რეაბილიტაცია დავიწყეთ. სამუშაოები დაახლეობით, სამი თვე გაგრძელდება. ამ პერიოდის განმავლობაში, მოძრაობა ცალმხრივად გადაკეტილი იქნება. სამუშაოები დათქმულ ვადებში დასრულდება და მოსახლეობა შეძლებს, რომ გაუმჯობესებული ინფრასტრუქტურით ისარგებლოს. აღმართის დასაწყისიდან ავლაბრის მოედნამდე, მოძრაობა მხოლოდ ცალმხრივი იქნება“, - აღნიშნა გალაქტიონ ბუაძემ.

 

პროექტი სანიაღვრე ქსელის აღდგენას, სადრენაჟო სისტემის, ბაზალტის ბორდიურისა და ტროტუარის მოწყობას, ასევე, ახალი მოაჯირებისა და დეკორატიული სანათების მონტაჟს  ითვალისწინებს. სამუშაოების ფარგლებში, ჯამში, ასფალტის საფარი 15 000 კვადრატულ მეტრზე დაიგება.

 

სარეაბილიტაციო სამუშაოებს ტენდერში გამარჯვებული კომპანია შპს „ბლექ სი გრუპი“ ასრულებს და მის განსახორციელებლად, დედაქალაქის ბიუჯეტიდან 3 233 233 ლარი დაიხარჯება.

 

ბარათაშვილის აღმართზე დაგეგმილი სარეაბილიტაციო სამუშაოებიდან გამომდინარე, 17 ივლისის 23:00 საათიდან, ბარათაშვილის ქუჩიდან ავლაბრის მოედნის მიმართულებით, საავტომობილო მოძრაობა შეიზღუდება.

 

აღნიშნულიდან გამომდინარე, 18 ივლისიდან, დროებით შეიცვლება საზოგადოებრივი ტრანსპორტის მოძრაობის სქემები. ასევე, შეიცვლება ბარათაშვილის ხიდიდან ავლაბრისკენ მოძრავი მიკროავტობუსების მარშრუტებიც.

 

 

 






რუსეთში ჩნდებიან ოფშორები

რუსეთში  ჩნდებიან  ოფშორები
person access_time2018-08-17 19:57:59
რუსეთის დუმამ მიიღო კანონი ქვეყანაში 2018 წლის მესამე კვარტალში ოფშორული ზონების შექმნის  შესახებ.  რეალუარდ ეს იქნება სპეციალური ადმინისტრაციული რაიონები, რომლებიც ქვეყნის  სხვადასხვა მხარეს განლაგებულ კუნძულებზე განთავსდება.  ერთი ოფშორული ზონა განთავსდება კალინინგრადის მხარეში,ხოლო მეორე...

მთავრობა პენსიის ზრდის პრინციპის მიღებაზე იწყებს მუშაობას

მთავრობა პენსიის ზრდის პრინციპის მიღებაზე იწყებს მუშაობას
person access_time2018-08-17 19:05:00
მთავრობა საპენსიო რეფორმაში ერთ-ერთი ყველაზე პრობლემატური საკითხის მოგვარებას იწყებს, რაც პენსიის ზრდის პრინციპის განსაზღვრას გულისხმობს. ამისთვის კი არსებული კანონმდებლობით 9-თვიანი ვადაა ...

ყოფილი „ლეოგრანდი“ დაიხურა

ყოფილი „ლეოგრანდი“ დაიხურა
person access_time2018-08-17 18:32:49
სასტუმრო „ველმონდი“, ყოფილი „ლეოგრანდი“ რამდენიმე წუთის წინ დაიხურა. შენობიდან სტუმრების გაყვანა დილიდან მიმდინარეობდა. საგანგებო სიტუაციების მართვის სამსახურის სახანძრო სამაშველო დეპარტამენტის დირექტორის მოადგილის ლევან მაისურაძის მიერ გავრცელებული ინფორმაციით, მიუხედავად არაერთი...

ყოფილი "ლეოგრანდის" შენობა თითქმის დაცარიელებულია

ყოფილი
person access_time2018-08-17 17:00:00
ყოფილი "ლეოგრანდის" შენობა თითქმის დაცარიელდა. სხვა სასტუმროებში გადაყვანის პროცესით ტურისტების ნაწილი უკმაყოფილოა. ერთ-ერთმა მათგანმა ფოიეში სამართალდამცავებიც გამოიძახა.   ტურისტი გადახდილი თანხის უკან დაბრუნებას...

დისტრიბუტორთა ასოციაცია: კერძო გამსესხებლებზე დაწესებული შეზღუდვები, სადისტრიბუციო ბიზნესს დააზარალებს

დისტრიბუტორთა ასოციაცია: კერძო გამსესხებლებზე დაწესებული შეზღუდვები, სადისტრიბუციო ბიზნესს დააზარალებს
person access_time2018-08-17 17:05:44
20 აგვისტოდან ე.წ კერძო გამსესხებლებზე მასშტაბური შეზღუდვები ამოქმედდება. დისტრიბუტორთა ასოციაციის თავმჯდომარე ივა ჭყონია აცხადებს, რომ აღნიშნული შეზღუდვა სადისტრიბუციო კომპანიების ბიზნესს მნიშვნელოვნად...


მსგავსი სიახლეები

up