„ბანკის ვალის მქონე მოსახლეობის სიჭარბით საქართველო მსოფლიოში პირველ ადგილზეა“

„ბანკის ვალის მქონე მოსახლეობის სიჭარბით საქართველო მსოფლიოში პირველ ადგილზეა“

access_time2017-09-18 13:00:20

კომერციული ბანკის ვალის მქონე მოსახლეობის სიჭარბით საქართველო მსოფლიოში პირველ ადგილზე გავიდა. ჩვენთან ყოველი 1000 კაციდან 710 მოსახლეს(შინამეურნეობა) აქვს ბანკის ვალი (Borrowers at commercial banks: o/w households per 1,000 adults), - ამის შესახებ ფეისბუქის საკუთარ გვერდზე ფინანსისტი მიხეილ დუნდუა წერს. 

 

კომერსანტი პოსტს უცვლელად გთავაზობთ. 

 

გარდა ამისა, აღსანიშნავია რომ ამ შედეგით საქართველო ყველა დროის მსოფლიო ისტორიული მაქსიმუმების შვიდეულშიც შევიდა. ანუ გასულ წლებში მსოფლიოში მხოლოდ ექსჯერ დაფიქსირდა უფრო მაღალი შედეგი ვიდრე საქართველომ 2016 წელს მოახერხა.

 

ეს მოხდა 2016 წელს. 2017 წელი ჯერ დასრულებული არ არის, მაგრამ საქმეს ისეთი პირი უჩანს, რომ წელს ბანკის ვალის მქონე მოსახლეობის სიჭარბით მსოფლიო რეკორდს და ახალ ისტორიულ მაქსიმუმს ვამყარებთ.

 

რატომ?


• წლის დასაწყისიდან 1 აგვისტოს ჩათვლით ბანკების მიერ ფიზიკური პირების დაკრედიტება ეროვნულ ვალუტაში გაიზარდა 1 მილიარდ 223 მლნ ლარით , უცხოურ ვალუტაში კი შემცირდა 84 მლნ დოლარით. ანუ, მთლიანობაში, გაიზარდა 1 მილიარდი ლარით.

• ადგილობრივი ბიზნესის დაკრედიტება ლარში გაიზარდა მხოლოდ 175 მლნ ლარით და უცხოურ ვალუტაში შემცირდა 37 მლნ დოლარით. ანუ, მთლიანობაში, გაიზარდა მხოლოდ 80 მილიონი ლარით.

• სხვაგვარად რომ ვთქვათ, წელს ბიზნესის დაკრედიტება საცალო დაკრედიტებას ჩამორჩება 12.5-ჯერ (!) და ძალიან დაბალია.

 

2. ამ ფონზე იზრდება კომერციული ბანკების მოგება. 2016 იანვარ-ივლისში კომერციული ბანკების წმინდა მოგება 347 მლნ ლარი იყო, 2017 წლის იანვარ-ივლისში კი 519 მლნ ლარი გახდა.(ზრდა - 50%)


 

3. საქართველოში ფიზიკური პირების დავალიანების ზრდა გერმანიის განვითარების ბანკის , ფრანკფურტის ფინანსების სკოლის, საერთაშორისო სავალუტო ფონდის და სხვა საერთაშორისო ორგანიზაციების მიერ მიჩნეულია მწვავე პრობლემად.

 

 

გამოსავალი:

 

იმისათვის რომ მოქალაქეებმა ბიზნესის დაწყება-განვითარებისათვის უფრო ადვილად მოიპოვონ ხელმისაწვდომი კრედიტი ლარში, ვიდრე აგროვონ ჭარბი ვალი სამომხმარებლო დანიშნულებით, აუცილებელია, გაჩნდეს გრძელვადიანი რესურსი ეროვნულ ვალუტაში. ეს მხოლოდ დაგროვებითი საპენსიო რეფორმით არის შესაძლებელი.

 

სანამ მოხმარებიდან დანაზოგებზე არ გადავალთ, დაზოგვისკენ მიდრეკილება არ გაიზრდება, ასეთი ვითარება იქნება მუდამ.

 

მნიშვნელოვანია ის, რომ სახელმწიფო აპირებს სერიოზული რეფორმის განხორციელებას, რომელიც როგორც ლარზე, ასევე ინვესტიციებზე დადებითად აისახება და ეს არის საპენსიო რეფორმა, რომელიც მალე გამოცხადდება.

 

ეკონომიკის სამინისტრომ კოლოსალური სამუშაო გასწია და მაღალი საერთაშორისო შეფასება დაიმსახურა.

 

მომავალი წლის მეორე ნახევრიდან საქართველო გადადის დაგროვებით საპენსიო სისტემაზე. დაგროვებითი პენსია უზრუნველყოფს ღირსეულ მაღალანაზღაურებად სიბერეს. ეს ფუნდამენტური ნაწილია საბაზრო ეკონომიკის, რომელიც ჩვენ არ გაგვაჩნია, ახლა გვაქვს მხოლოდ სოციალური პენსია.

 

დაგროვებითი პენსია იმიტომაც არის მნიშვნელოვანი, რომ ქმნის დანაზოგების ძალიან დიდ მოცულობას წლების განმავლობაში. აკუმულირება ხდება ასეულობით მილიონი ლარის, იმისთვის, რომ დაგროვდეს დანაზოგი, შეიქმნას იაფი გრძელვადიანი რესურსი ლარში და გარდაიქმნას ხელმისაწვდომ ბიზნეს-კრედიტად და ინვენსტიციად. როცა ეს რეფორმა განხორციელდება, საქართველო გახდება საინვესტიციო თვალსაზრისით მნიშვნელოვანი ქვეყანა შიდა ინვესტიციების განხორციელების კუთხით.

 

სანამ არ გვაქვს დაგროვებითი სისტემა, იქამდე ამ რესურსს ვერ ვიყენებთ. იმისთვის რომ გადაიჭრას პრობლემა, აუცილებელია გაჩნდეს გრძელვადიანი რესურსი ლარში, რომ მოხდეს ინვესტირება ეკონომიკაში და ეს მხოლოდ დაგროვებითი საპენსიო რეფორმით არის შესაძლებელი. სხვა მექანიზმი უბრალოდ არ არსებობს, – წერს მიხეილ დუნდუა. 

 

 

 




forbes - საუდის არაბეთზე შეტევას ნავთობის გაძვირება მოჰყვა

forbes - საუდის არაბეთზე შეტევას ნავთობის გაძვირება მოჰყვა
access_time2019-09-16 19:00:49
საუდის არაბეთმა ოფიციალური დაადასტურა ნავთობმოპოვების თითქმის 6 მლნ. ბარელით შემცირება, მას შემდეგ, რაც სახელმწიფო ნავთობკომპანია Saudi Aramco-ს ქარხნებზე უპილოტო საფრები აპარატებით შეტევა განხორციელდა. შავ ოქროზე ფასების ნახტომისებრი ზრდის თავიდან აცილების მიზნით, აშშ-მ განაცხადა, რომ მზადაა აამოქმედოს თავისი რეზერვები. ორ ნავთობგადამამუშავებელ ქარხანაზე საჰაერო შეტევა შაბათს დილით მოხვდა - პირველმა ეს ინფორმაცია საუდის არაბეთის ენერგეტიკის მინისტრმა აბდელ...

ამერიკა ცდილობს უზბეკეთის, აზერბაიჯანის და საქართველოს დაკავშირებას

 ამერიკა ცდილობს უზბეკეთის, აზერბაიჯანის და საქართველოს დაკავშირებას
access_time2019-09-16 20:00:25
უზბეკეთმა და საქართველომ მიაგნეს შეხების წერტილს - ესაა ტრანზიტი. თბილისისთვის ეს არის ქვეყნის ტერიტორიაზე ტვირთბრუნვის გაზრდის საშუალება, ხოლო უზბეკეთი იღებს ქართული პორტების გავლით ევროპულ ბაზრებზე გასვლის საშუალებას. ინტერესი ორმხრივია, თუმცა, პრობლემა იმაშია, რომ დღეისათვის არ არსებობს კავკასიურ სატრანსპორტო დერეფანზე გასატარებელი ტვირთების საკმარისი რაოდენობა. 11-13 სექტემბერს საქართველოს საგარეო საქმეთა მინისტრი დავით ზალკალიანი...

აუდიტის სამსახური - 400 მილიონ ლარზე მეტი ღირებულების 27 პროექტის წლიური ბიუჯეტი საერთოდ არ არის ათვისებული

აუდიტის სამსახური - 400 მილიონ ლარზე მეტი ღირებულების 27 პროექტის წლიური ბიუჯეტი საერთოდ არ არის ათვისებული
access_time2019-09-16 18:00:58
სახელმწიფო აუდიტის სამსახურის ინფორმაციით, ბიუჯეტით გათვალისწინებული ჯამში 400 მილიონ ლარზე მეტი ღირებულების, 27 კაპიტალური პროექტის წლიური ბიუჯეტი, 6 თვის მონაცემებით, საერთოდ არ არის ათვისებული. ბიუჯეტით გათვალისწინებული კაპიტალური პროექტებისა და მათზე გამოყოფილი სახსრების ათვისების მდგომარეობის შესახებ ინფორმაციას სახელმწიფო აუდიტის სამსახრუსი ბიუჯეტის მონიტორი აქვენებს, რომლის თანახმად, 6 თვის მონაცემებით, 26 პროექტში ათვისებულია წლიური ბიუჯეტის 1%-დან...

დავით კენჭაძე მომსახურების სფეროს გარკვეული ნაწილის დღგ-ს გათავისუფლების ინიციატივით გამოდის

დავით კენჭაძე მომსახურების სფეროს გარკვეული ნაწილის   დღგ-ს გათავისუფლების  ინიციატივით გამოდის
access_time2019-09-17 09:00:35
კონსულტანტი დავით კენჭაძე მომსახურების სფეროს გარკვეული ნაწილის დღგ-ს გათავისუფლების ინიციატივით გამოდის. მისი განცხადებით, არის ინდუსტრიები, რომლებსაც პრობლემა აქვთ დღგ-სთან მიმართებაში. მაგალითად, საკონსულტაციო, სასწავლო და ზოგადად, განათლების სფეროში, სადაც საქონლის მიწოდება არ ხდება, არ არის შესაძლებელი დღგ-ს დაბრუნება, ეს კი კომპანიისთვის დამატებით ხარჯს წარმოადგენს. ...

ქართველი დიზაინერი დემნა გვასალია Vetements -დან მიდის

ქართველი დიზაინერი დემნა გვასალია Vetements -დან მიდის
access_time2019-09-16 14:30:27
„ვგრძნობ, რომ ჩემი მისია შევასრულე“ - ამბობს დიზაინერი, რომელმაც 5 წლის წინ გავლენიანი ბრენდი „Vetements“ დაარსა“. ასე იწყებს სტატიას ერთ-ერთი გავლენიანი მედია გამოცემა მოდის სფეროში. „WWD“ წერს, რომ ქართველმა დიზაინერი, რომელიც ქუჩის მოდის მთავარი შემოქმედი იყო „Vetements“ -დან მიდის.   ბრენდი, რომელმაც ქუჩის სტილის თამაშის წესები შეცვალა დემნამ ძმასთან ერთად 2014 წელს დაარსა. გურამ გვასალია,...


მსგავსი სიახლეები

up