სამომხმარებლო სესხების გაცემები მცირდება, მარტში 300 სესხია დამტკიცებული, მთლიანად სხვადასხვა მიზნებისთვის გაცემული 920 კრედიტიდან, რომელთა შორის იპოთეკური მხოლოდ 4 -ია, ავტოსესხი 1, სალომბარდე კი 28.

პანდემიის I ტალღიდან სამომხმარებლო სესხების მაქსიმალური რაოდენობა - 515 ფიქსირდება 2020-ის აგვისტოში და მას შემდეგ კი მოთხოვნა იკლებს, პროცენტი კი მერყეობს.

სებ-ის ინტერაქტიული სტატისტიკით, ამ დროისთვის სამომხმარებლო სესხების მთლიანი პორტფელი (ნაშთი) 4.8 მლრდ ლარია.

აპრილიდან ბანკებმა გაცემის საკომისიო, 0.5%-ული პუნქტით გაზარდეს, 2,5%-მდე (თუმცა როგორც ბანკების ლობი განმარტავს, რეალურად არ გაზრდილა. მომხმარებელთა უფლებების მეტად დაცვისთვის, ბანკს პროცენტის გამარტივება მოეთხოვა და სხვადასხვა ხარჯი ერთ განაკვეთში აისახა).

შემსუბუქდა წინმსწრები დაფარვის პირობებიც (სესხის გადაფარვის საკომისიო სებ-ის რეგულირების ნაწილია)

2021 წლის აპრილამდე, თუ მსესხებელს სესხის დაფარვამდე 6 თვიდან 1 წლამდე პერიოდი ჰქონდა დარჩენილი, წინსმწრებისთვის 0,5%-ს იხდიდა, 1-2 წელი თუ რჩებოდა, 1% -ს და 2 წელზე მეტი პერიოდის შემთხვევაში 2%-ს.

2021 წლის 1 აპრილიდან კი მომხმარებელს ცვლადგანაკვეთიან სესხზე , 0.5%-ზე მეტი არ მოეთხოვება, მაშინაც კი თუ სესხის გასტუმრებამდე 1-2 წელი აქვს დარჩენილი.

გამოკითხული მომხარებლებიდან პროცენტის შემცირება ყველას ახარებს. მხოლოდ ცვლადანაკვეთიან სესხზე განაკვეთის დაწევა შეღავათს არ იძლევა. სასესხო ტვირთთან შედარებით უმნიშვნელოა.

ამ დროისთვის ბანკები უზრუნველყოფილ სამომხმარებლო სესხს ძირითადად კომბინირებული პირობებით გასცემენ, რაც იმას ნიშნავს, რომ მომხმარებელმა რა პროცენტადაც სესხი აიღო, ის განაკვეთიმ დაფარვამდე არ შეუნარჩუნდება, 1,2 ან 3 წელში გაცვლადგანაკვეთიანდება, მიებმება რეფინანსირების განაკვეთს რაც ამ დროისთვის 8.5%-ია და 28 აპრილისთვის კიდევ იზრდება.

GBC.GE