„კოვიდ პანდემია როგორც ყველა სექტორს, მათ შორის საავტომობილო სფეროსაც უარყოფითად შეეხო. შეიძლება ვთქვათ, რომ გაყიდვები განახევრებულია“, - ამის შესახებ „კომერსანტს“ „სტრადა მოტორსის“ დამფუძნებელმა დავით ზაუტაშვილმა განუცხადა. საქართველოში Jeep-ის, FIAT- -ისა და Alfa Romeo -ს ექსკლუზიური დილერი კომპანიის დამფუძნებელი აცხადებს, რომ მძიმე მდგომარეობაში მყოფ ბიზნეს სახელმწიფომ ხელი უნდა შეუწყოს:
„ბიზნესის ხელშეწყობის კუთხით პირველ რიგში ბანკებმა საპროცენტო განაკვეთი უნდა დაწიონ, ზოგადად სახელმწიფომ უნდა შეუწყოს ხელი ამ მიმართულებას. გაყიდვები უნდა წახალისდეს იმიტომ, რომ მოსახლეობაში არ არის ფულის მოძრაობა. ახალი ავტომობილის შეძენისგან ყველა თავის იკავებს, რადგან ეს ფუფუნების საგანია, თუმცა შემიძლია გითხრათ, რომ რაღაც წილი მაინც იყიდება“, - აცხადებს დავით ზაუტაშვილი.
Jeep-ის, FIAT- -ისა და Alfa Romeo -ს ექსკლუზიური დილერი კომპანიის დამფუძნებელი აცხადებს, რომ სახელმწიფო შესყიდვებში მონაწილეობას ხშირად არ იღებს, თუმცა ამბობს, რომ დღეს ბიზნესის გადარჩენის და ავტომობილების რეალიზების ერთ-ერთი საშუალება ეს მიმართულება.
„სტრადა მოტორსს“ 2019-20 წლებში 9 ტენდერი აქვს მოგებული, ჯამში 2 მლნ ლარზე მეტი:
შპს საქართველოს გაზის ტრანსპორტირების კომპანია - გაზსადენი ავტომანქანის შესყიდვა. ხელშეკრულების ღირებულება 260 000 ლარი
ახმეტის მუნიციპალიტეტი - ქუჩის მოსარეცხი სატრანსპორტო საშუალების შეძენა. ხელშეკრულების ღირებულება 128 550 ლარი
სს ,,საქართველოს რკინიგზა - მაღალი გამავლობის მიკროავტობუსის (სამგზავრო) სახელმწიფო შესყიდვა. ხელშეკრულების ღირებულება 47 074 ლარი
ეროვნული სატყეო სააგენტო - მაღალი გამავლობის სატვირთო ავტომანქანების შესყიდვა. ხელშეკრულების ღირებულება 821 621 ლარი
გორის მუნიციპალიტეტის მერია - ქუჩის მოსარეცხი კომბინირებული მანქანების შესყიდვა. ხელშეკრულების ღირებულება 268 268 ლარი
გორის მუნიციპალიტეტის მერია - მცირე ტევადობის ნაგვის გასატანი სპეციალური მანქანების შესყიდვა. ხელშეკრულების ღირებულება 294 879 ლარი
გორის მუნიციპალიტეტის მერია - საშუალო ტევადობის ნაგვის გასატანი სპეციალური მანქანის შესყიდვა. ხელშეკრულების ღირებულება 147 847 ლარი
შპს ,,ვარდნილჰესების კასკადი“ - 2019 წლის ექსპლუატაციაში არნამყოფი 4000 კგ-დან 5000 კგ-ს ჩათვლით ტვირთამწეობის ავტომობილის შეძენა. ხელშეკრულების ღირებულება 73 877 ლარი
შპს ,,კომუნალური მეურნეობა - ქუჩის მოსარწყავი მანქანის შესყიდვა. ხელშეკრულების ღირებულება 126 900
ბაჩო ადამია
სტრადა მოტორსი
