კომერციულმა ბანკებმა 2021 წლის პირველ კვარტალში, საურავებიდან და კლიენტებისთვის მიცემული სესხებიდან ჯარიმის სახით 18 546 189 ლარი მიიღეს, რაც 2,695 მლნ ლარით მეტია წინა წლის შესაბამის პერიოდთან შედარებით. აღსანიშნავია, რომ 2020 წლის პირველ კვარტალში საურავებიდან და კლიენტებისთვის მიცემული სესხებიდან ჯარიმის სახით 15 851 081 ლარის შემოსავალი მიიღეს.

როგორც კომერციული ბანკების 2021 წლის პირველი კვარტლის ანგარიშგებაშია აღნიშნული, ჯარიმებიდან ყველაზე მეტი შემოსავალი „თიბისი ბანკმა“ მიიღო - 8 013 195 ლარი. ხუთეულში არიან „საქართველოს ბანკი“, „კრედო ბანკი“, „ლიბერთი ბანკი“ და „ფინკა ბანკი“. „ვითიბის“, „იშ ბანკის საქართველოს“ და „სილქროუდ ბანკს“ კი აქედან შემოსავალი არ უფიქსირდებათ.

საურავებიდან და ჯარიმებიდან მიღებული ყველაზე მეტი შემოსავლით, ტოპ-5 ბანკის ჩამონათვალი ასეთია:

„თიბისი ბანკი“ - 8 013 195 ლარი
„საქართველოს ბანკი“ – 3 169 907ლარი
„კრედო ბანკი“ – 3 111 863 ლარი
„ლიბერთი ბანკი“ – 1 899 462 ლარი
„ფინკა ბანკი“ - 537 627 ლარი.

აღსანიშნავია, რომ ქართული საბანკო სექტორი მოგების მაღალ მარჟას სწორედ ჯარიმების/საურავებისა და საკომისიოებიდან მიღებული შემოსავლების ხარჯზე აღწევს. ეს მონაცემები კი საქართველოში ბანკების მიერ დაწესებულ ჯარიმების სიძვირეზე მიუთითებს.