ბანკების მოგებამ აპრილში  80 მილიონი ლარი შეადგინა- გიორგი ვაშაძე გადავადებულ სესხებზე პროცენტის ჩამოწერას ითხოვს

ბანკების მოგებამ აპრილში 80 მილიონი ლარი შეადგინა- გიორგი ვაშაძე გადავადებულ სესხებზე პროცენტის ჩამოწერას ითხოვს

access_time2020-06-15 16:30:59

"ახალი საქართველოს“ ლიდერის, გიორგი ვაშაძის თქმით, აპრილის თვეში საბანკო სექტორის მოგებამ 80 მილიონი ლარი შეადგინა, რაც 2019 წლის ამავე თვის მონაცემებს 16 მილიონი ლარით აღემატება.როგორც ვაშაძემ აღნიშნა, ქართულ საფინანსო სექტორში არის იმის რესურსი, რომ ჩამოიწეროს გადავადებული სესხების პროცენტი და შემდგომ ეტაპზე განახევრდეს საპროცენტო განაკვეთი.


ხელში მიჭირავს ეროვნული ბანკის მიერ გამოქვეყნებული ოფიციალური დოკუმენტი, აპრილის თვის ანგარიში ქართულ საბანკო სექტორთან მიმართებაში. ეს ანგარიში ადასტურებს, რომ აპრილში, როცა ყველა გავღარიბდით, ყველას შემოსავალი შეგვიმცირდა, ქართულმა საბანკო სექტორმა დაწერა ზე-მოგება - 80 მილიონი ლარი, რაც 16 მილიონი ლარით აღემატება 2019 წლის აპრილი მონაცემებს.


მეგობრებო, ეს არის უსამართლობა, როცა ყველა ვღარიბდებით და მთავარი თავის ტკივილი ყველასთვის ქვეყანაში არის კრედიტები და სესხები. ბანკები სესხის პროცენტის პროცენტს ახდევინებენ ადამიანებს, ანუ გადაუვადეს პროცენტი, მაგრამ დაუმტეს ეს პროცენტები შემდგომ ეტაპზე, მეორე სამი თვის გადავადება ფაქტობრივად ვრცელდება მხოლოდ მოსახლეობის მცირე ნაწილზე. საბანკო სექტორი კი ზე-მოგებას წერს. ეს ციფრები მიუთითებს, რომ ქართულ საფინანსო სექტორში არის იმის რესურსი, რომ ჩამოიწეროს რასაც ჩვენ ვთავაზობთ გადავადებული სესხების პროცენტი და შემდგომ ეტაპზე განახევრდეს საპროცენტო განაკვეთი.


უსამართლოა, როცა ქვეყნის ხელისუფლება პრემიერ-მინისტრი გამოდის და ისევ და ისევ ლობირებს საკუთარ ბიზნეს ინტერესებს და საუბრობს სესხების სუბსიდირებაზე, ხალხი კი ღარიბდება.



მივმართავ ბატონ გახარიას და ეროვნული ბანკის პრეზიდენტს რა არის თქვენი ფუნქცია თუ არა ის, რომ ხალხის ინტერესები დაიცვათ. მივმართავ პოლიტიკურ ძალებს, ასევე ოპოზიციურ ძალებს გამოდით და დააფიქსირეთ ამ საკითხთან დაკავშირებით თქვენი პოზიცია, რად გვინდა პოლიტიკა?! რაში გვაინტერესებს პოლიტიკა?! თუ ხალხის ინტერესებზე არ ვიფიქრეთ. არ შეიძლება, რომ ქვეყანაში ყველა ღარიბდებოდეს და მდიდრდებოდეს მხოლოდ საბანკო სექტორი. არ შეიძლება, რომ ასეთ ზე-მოგებას ასეთი კრიზისის დროს წერდეს საფინანსო საბანკო სექტორი, დიახ, ჩვენი სიჩუმით სარგებლობს ხელსუფლება, ჩვენი სიჩუმით სარგებლობს ეროვნული ბანკი და გარიგებებშია საბანკო სექტორთან და ამ მოგებულ თანხებს ინაწილებენ, ხალხს კი ფაქტობრივად ყელში უჭერენ. საპენსიო სესხები საქართველოში 35- %-ია, ბიზნსეს სესხები საქართველოში 15-25 %. ყველა ამბობს, რომ ამ პირობებში არ არსებობს ეკონომიკის განვითარება ქართული ბიზნესი არის უმძიმეს ვითარებაში. ამ პირობებში, როცა ყველას გაგვიჭირდა, როცა ყველა გავღარიბდით, ყველას შემოსავალი შეგვიმცირდა, ბანკები წერენ ზე-მოგებას.
რა არის ეროვნული ბანკის ფუნქცია თუ არა ის, რომ გაატაროს ანტიმონოპოლიური პოლიტიკა. სხვა რა ფუნქცია აქვს ეროვნულ ბანკს?! უბრალოდ რომ სხედან შენობებში და აპირებენ ახალი შენობების აშენებას, მაღალ ხელფასებს, რომ იღებენ - ეს არის მათი ფუნქცია?!


ჩვენ დეტალურად შევისწავლეთ მთელი მსოფლიოს გამოცდილება და დავადგინეთ, რომ ქართულ საბანკო სექტორს აქვს ზე-მოგება ქვეყანაში, არის ყველაზე მომგებიანი ბიზნესი მსოფლიო მასშტაბით 25%- მოგებაა კაპიტალთან მიმართებაში, როცა მაგალითად სომხეთში არის 7 %. ეს ნიშნავს, რომ მოგების მარჟა პროცენტებში და სესხებში არის ძალიან მაღალი. ეს უსამართლოა, მე ვაპირებ ჩემს გუნდთან ერთად ვიბრძოლო ამ უსამართლობის წინააღმდეგ.


ხალხის მხარეს თუ არ დავდექით ვერცერთ შემთხვევაში გავალთ შედეგზე ჩვენ გვყავს ხელისუფლება, რომელსაც უნდა ბოლომდე წაართვას ის უკანასკნელი ლუკმა-პური ადამიანებს, რაც აქვთ და ეს დოკუმენტი მიუთითებს, რომ ბანკებს ჰქონდათ შესაძლებლობა ჩამოეწერათ გადავადებულ სესხებზე პროცენტი. 80 მილიონი მოიგეს აპრილში როცა ყველა გავღარიბდით.


თუ კრედიტებზე მყისიერი გადაწყვეტილება არ იქნა მიღებული ჩვენ გველოდება ქვეყნის გაბანკროტება. გაბანკროტდება ქართული ოჯახები, გაბანკროტდება ქართული ბიზნესი, ჩამოიშლება ეკონომიკა. ყველა ადმიანს ურეკავენ ბანკიდან და სთხოვენ უკვე გაზრდილი პროცენტების გადახდას. სამართლიანია ეს?! თუ ყველას გაუჭირდა ბანკებს რატომ არ გაუჭრდათ? ხომ შეიძლება რომ ერთხელ მაინც იზრუნონ ადმაინების მომავალზე - გიორგი ვაშაძე





დღის Top 10 საინტერესო ამბავი

დღის Top 10 საინტერესო ამბავი
access_time2020-12-03 21:30:03
დღის Top 10 საინტერესო ამბავი     1. „ქართველი ხალხი ასეთი ბნელი და გაუნათლებელი არასდროს ყოფილა, როგორიც ახლაა“ - ეპიდემიოლოგი     „ხალხი არ იცავს სოციალურ დისტანციას, აღარ იკეთებს ნიღაბს და არ ატარებს სადეზინფექციო საშუალებებს. შეხედეთ რა ხდება ქალაქში - 10-დან 9-ს ნიკაპზე უკეთია ნიღაბი....

Bloomberg: პანდემია კრიპტოვალუტებს აძლიერებს

Bloomberg: პანდემია კრიპტოვალუტებს აძლიერებს
access_time2020-12-03 21:00:49
2020 წელს ბიტკოინის კურსის ზრდამ ბევრი ჭკვიანი ადამიანი გააოცა. გასულ კვირას მთავარი კრიპტოვალუტის ღირებულება 20 000 დოლარამდე ავარდა, რამაც ბევრ სკეპტიკოსს აზრის შეცვლა აიძულა.   2018 წელს ცნობილმა ამერიკელმა ეკონომისტმა ნოელ რუბინიმ ბიტკოინს „კაცობრიობის ისტორიაში ყველაზე დიდი საპნის ბუშტი“ უწოდა, თუმცა, დღეს ვირტუალური ფულის წარმატების ფონზე, 2020 წლის ნოემბერში, ის აღიარებს, რომ კრიპტოვალუტას ზრდის პერსპექტივა აქვს.   მაშინ რა ხდება...

Forbes: როგორი იქნება 2021 წელი ნავთობის და გაზის ბარზებისთვის?

 Forbes: როგორი იქნება 2021 წელი ნავთობის და გაზის ბარზებისთვის?
access_time2020-12-03 20:00:16
2020 წელი ნავთობის და გაზის ბაზრებისთვის უნიკალური და წარმოუდგენლად რთული იყო - კორონავირუსის პანდემიამ და ოპეკ+ის შეთანხმების ჩაშლამ ნავთობზე ფასების უპრეცედენტო ვარდნა გამოიწვია. აპრილში საქმე იქამდეც კი მივიდა, რომ ნავთობი წამგებიანი გახდა, რაც აქამდე არასდროს მომხდარა.   2020 წელმა ისტორიაში პირველად მოხმარების შოკი მოიტანა. ბოლო 50 წლის მანძილზე მსოფლიოში მიწოდების შოკი საკმაოდ ხშირი მოვლენა იყო - მაგალითად, 1967 წელს ისრაელის მიერ წამოწყებული 6-დღიანი ომის დროს,...

3 დეკემბერი - რეგიონში ყველა ვალუტა გამყარდა

3 დეკემბერი - რეგიონში ყველა ვალუტა გამყარდა
access_time2020-12-03 19:30:09
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 3 დეკემბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება 3.3119 ლარი გახდა....

ასეულ მილიონიანი ფასნამატი ფარმაცევტულ პროდუქტზე - რა შემოსავალი აქვს „ავერსს“, „პსპ-სა“ და „ჯიპისის“

ასეულ მილიონიანი ფასნამატი ფარმაცევტულ პროდუქტზე - რა შემოსავალი აქვს „ავერსს“, „პსპ-სა“ და „ჯიპისის“
access_time2020-12-03 18:30:10
რამდენიმე ასეულობით მილიონი ლარის შემოსავალი და ასეულ მილიონიანი ფასნამატი ფარმაცევტულ პროდუქციაზე - ასეთი მონაცემები ჩანს ფარმაცევტული ბაზრის ლიდერი კომპანიების ფინანსური ანგარიშგებებიდან.   „ბიზნესპრესნიუსი“ დაინტერესდა, როგორია მსხვილი ფარმაცევტული კომპანიების ფინანსური მაჩვენებლები. 2019 წლის სავალდებულო ფინანსური აუდიტი კომპანიების ნაწილმა უკვე გაიარა. მათ შორის არის ფარმაცევტული სექტორის მონაწილე სამი კომპანია - „ავერსი“; „პსპ“ და „ჯიპისი“. როგორც ფინანსური...


მსგავსი სიახლეები

up