საბანკო სექტორი 01.06.2021-ისთვის 765 მლნ მოგებაზე გადის. უფრო მეტი აქვს, ვიდრე პანდემიურ 5 თვეში ზარალი ჰქონდა (01.06.2020 - 613 მლნ).

წელს სექტორის სოლიდურ მოგებაზე გასვლის სებ-ის მოლოდინზე ვიცე-პრეზიდენტმა პაპუნა ლეჟავამ ოთშაბათის(16/06/2021) ფსკ-ს შემდეგ განაცხადა. ტემპი თუ შენარჩუნდა, რაც სავარაუროდ ასეც მოხდება, რადგან ბუფერების შევსების დრო 2022-2024 -ია, ბანკების მოგება ეკონომიკის ზრდას (მთავრობის ბოლო განახლებული პროგნოზი +6.5%Y.Y) >100-ჯერ გადააჭარბებს. ₾1 მლრდ-ის მოგებაზე გასვლის დაშვებით, წლიური ზრდა 910% -ს (Y.Y) მიაღწევს.

„2019 წლის მაჩვენებელს გავუსწრებთ თუ არა დრო გვიჩვენებს, რადგან წინ კიდევ შემოდგომის კრიზისული პერიოდი გველოდება, თუმცა მოლოდინებით გათვლილია“, - განაცხადა ბანკების ასოციაციის პრეზიდენტმა ალექსანდრე ძნელაძემ.

2019 წლის 853 მლნ ლარის შემდეგ, მოგება, 2020-ში, საბანკო სექტორს 99 მლნ-მდე შეუმცირდა, პანდემიური მარტის 1 მლრდ -მდე ზარალის შედეგად. ხომ გახსოვთ, სებ-მა სექტორს ₾1.1 მლრდ ნამეტი რეზერვი შექმნევინა და ყველა ბანკი გამინუსდა.

„მოგების მასშტაბურობა გამოწვეულია რამდენიმე ფაქტორით. 1) გასულ წელს რეზერვები იყო კონსერვატიულად გატარებული, I კვარტალში, საბანკო სექტორში, 1 მლრდ-მდე ზარალი დააგენერირდა. 2) არანაკლებ მნიშვნელოვანია, რომ საბანკო სექტორმა რეალურად აღადგინა აქტივობა და შეგვიძლია ვთქვათ, რომ სტაბილური რეგენერაციის პროცესში, მზად ეკონომიკის ზრდის ხელშეწყობისთვის. საბანკო სექკორის პოზიტიური მაჩვენებლები ცალსახად უნდა განვიხილოთ ეკონომიკური თვალსაზრისითაც, რადგან როგორც იცით საკმაოდ დიდია საბანკო სექტორი და ასახავს კიდევაც ეკონომიკურ მდგომარეობას“ - აღნიშნა ალექსანდრე ძნელაძემ.

GBC.GE