ბანკების მიერ დაწესებული საკომისიო აფერა, რომლის მოგებაც 5-ჯერ აღემატება ჯარიმებიდან და საურავებიდან მიღებულ შემოსავლებს

ბანკების მიერ დაწესებული საკომისიო აფერა, რომლის მოგებაც 5-ჯერ აღემატება ჯარიმებიდან და საურავებიდან მიღებულ შემოსავლებს

access_time2018-11-14 10:00:00

ბანკში 50 000 ლარის ოდენობის სამომხმარებლო სესხის აღებისას, მსესხებელს ავტომატურად ეჭრება სესხის დამტკიცების საკომისიო - საშუალოდ 2% და გაცემის საკომისიო ასევე 2% (ჯამში 4 %), რის შესახებაც, ფაქტობრივად, ინფორმაციას არ ფლობს და ფაქტის წინაში მხოლოდ მას შემდეგ დგება, რაც სასურველი თანხის ნაცვლად მნიშვნელოვნად ნაკლებს, ამ შემთხვევაში დაახლოებით 48 000 ლარს იღებს. სამაგიეროდ, ხელშეკრულებაში ნათლად წერია, რომ გადასახდელი პროცენტის დაანგარიშება სწორედ დამტკიცებული თანხის შესაბამისად ხდება.


გადასახდელი საკომისიოები ვრცელდება სხვა ტიპის (ავტოსესხი,იპოთეკური) სესხებზეც, მათი პროცენტული ოდენობა კი განსხვავებულია ინდივიდუალური ხელშეკრულებებიდან გამომდინარე.


საბანკო და სამევახშეო სისტემით დაზარალებულთა უფლებადამცველი ნანა ჯაფარაშვილი მსგავსი საკომისიოების არსებობას გაუმართლებლად მიიჩნევს.


„შეიძლება ჩავთვალოთ, რომ ეს აფერაა, რადგან მსესხებელს იმ თანხის პროცენტს ახდევინებენ, რომელიც მას რეალურად არ მიუღია. უკვე იმდენად არის საზოგადოება ამ ყველაფერს შეჩვეული, რომ ეს დოგმა ჰგონია და არც დავობენ. სხვა ქვეყნებში, მაგალითად გერმანიაში 1,5-2%-იანი წლიური სესხებია და რომელ საკომისიოზეა აქ საუბარი. მსგავსი საკომისიოები არც საერთაშორისო სავალუტო ფონდის წევრებს აქვთ. ისიც საგულისხმოა, რომ ის ბანკები, რომლებიც საქართველოსთან ერთად სხვა ქვეყნებშიც არიან, ჩვენთან განსხვავებულ პირობებს აწესებენ.“- აცხადებს „კომერსანტთან“ საუბარში ნანა ჯაფარაშვილი.



საკომისიო ბანკების მიერ დაწესებული არასაოპერაციო შემოსავლის წყაროა. მომხმარებლები იხდიან ანგარიშის გახსნის, ანგარიშის მომსახურების ყოველთვიურ, ინტერნეტ ბანკის, SMS ბანკის, ავტომატური გადახდების, თანხის განაღდების, სესხის გაცემის და ა.შ. საკომისიოებს.



კონკრეტულად რა მოგება რჩებათ ბანკებს სესხის აღების და გაცემის საკომისიოდან ამ თანხას ეროვნული ბანკი ცალკე არ ანგარიშობს, თუმცა ოფიციალურად დადასტურებულია, რომ კომერციული ბანკების მიერ საკომისიოებიდან და გაწეული მომსახურებიდან მიღებული შემოსავალი ზრდის ტენდენციით ხასიათდება.




მაგალითად, მიმდინარე წლის 8 თვეში (იანვარი-სექტემბერი)კომერციული ბანკების საქმიანობის ფინანსური მაჩვენებლების მიხედვით, საკომისიოებიდან და გაწეული მომსახურებიდან მიღებულმა შემოსავალმა 289, 569 ათასი ლარი შეადგინა, რაც დაახლოებით 5-ჯერ აღემატება იმავე პერიოდში ჯარიმებიდან და საურავებიდან მიღებულ შემოსავლებს, ფასიანი ქაღალდებიდან მიღებულ შემოსავლებს კი 1,3-ჯერ.



ამ რიცხვებიდანაც ნათლად ჩანს, რომ საკომისიო გადასახადები ბანკების შემოსავლის ერთ-ერთი მნიშვნელოვანი წყაროა. სამაგიეროდ, საფინანსო ორგანიზაციის მიერ დაწესებული პროცენტები ისედაც მძიმე მდგომარეობაში ჩავარდნილ ადამიანს, კიდევ უფრო ურთულებს პრობლემებს და თან ისე, რომ მისი უფლებების დაცვის მექანიზმიც არ არსებობს - პასუხი მარტივია, არ გაწყობთ ბანკების მიერ დადგენილი წესები, ნუ აიღებ ვალს.


პაატა ბაირახტარი, „აფბას“ ვიცეპრეზიდენტი, საბანკო სფეროში არსებულ პრობლემებს კონკურებციის ნაკლებობას უკავშირებს და ბანკებთან ურთიერთობის უსამართლო პირობებზე საუბრობს.



„ზოგადად საბანკო და კომერციულ სტრუქტურებთან ურთიერთობა, რომ არასამართლიანია და მომხმარებელი იჩაგრება ეს ჩანს კონტრაქტის პირობებიდან გამომდინარე .ნებისმიერ საბანკო კონტრაქტში წერია, რომ ბანკი უფლებამოსილია შესრულების პირობები ცალმხრივად შეცვალოს ნებისმიერ დროს .აქ სამართლიანობაზე საუბარიც ზედმეტია. სამართლიანობას კონკურენცია განაპირობებს. საქართველოში მომხმარებელს ორ ძირითად ბანკს შორის აქვს არჩევანი და შესაბამისად სახეზეა მრავალი პრობლემა, მათ შორის საკომისიოებთან მიმართებითაც. აღსანიშნავია ისიც, რომ ჩვენთან ბევრად მაღალი საპროცენტო განაკვეთებია ვიდრე ევროპულ ქვეყნებში. საპროცენტო განაკვეთებს ბანკი რისკებიდან გამომდინარე ადგენს. მთავარი რისკი გაფუჭებულ პორთფელებს უკავშირდება, ქართული ბანკების გაფუჭებული პორთფელების რაოდენობა პრაქტიკულად ემთხვევა ევროპული ბანკებისას, შესაბამისად, ამ მხრივ საქართველოში უფრო მაღალი რისკები არაა, აქედან გმაომდინარე, ისევ და ისევ კონკურენცის პრობლემამდე მივდივართ ,“ - აცხადებს პაატა ბაირახტარი.


მარიამ ტიტვინიძე






ქართული არხები ხვალიდან, შესაძლოა, ფასიანი გახდეს

ქართული არხები ხვალიდან, შესაძლოა, ფასიანი გახდეს
access_time2021-07-31 13:04:25
ხვალიდან, ქართული არხები შესაძლოა, საკაბელო ტელევიზიებისთვის ფასიანი გახდეს. აღნიშნულის შესახებ საკაბელო ტელევიზიების კავშირის მიერ გავრცელებულ განცხადებაშია აღნიშნული.   კავშირის ცნობით, 2021 წლის ივნისში მაუწყებლობის ტრანზიტზე ავტორიზებულმა პირებმა მიიღეს შპს “მედია რაითს ჯორჯიას“ წერილი, ტელეარხების - „იმედი“, „ჯიდიეს tv“, „რუსთავი 2“, „პოს tv“, „tv პირველი“, „ფორმულა“, „მთავარი არხის“ ფასიანი ტრანზიტის ხელშეკრულებების გაფორმების მოთხოვნით.   კერძოდ,...

საქართველოს საფონდო ბირჟაზე 5 თვეა ნულოვანი ბრუნვა ფიქსირდება

საქართველოს საფონდო ბირჟაზე 5 თვეა ნულოვანი ბრუნვა ფიქსირდება
access_time2021-07-31 12:00:02
საქართველოს ისედაც თითქმის უმოქმედო საფონდო ბირჟა 2021 წელს მთლიანად გაჩერდა. თებერვლის შემდეგ 1 გარიგებაც კი არ შემდგარა. 7 თვის განმავლობაში კი ყველა გარიგების ჯამმა 2453 ლარი შეადგინა, რაც იმდენად ცოტაა, რომ შეიზლება 0-დაც ჩაითვალოს. 2021 წლის ივლისში საქართველოს საფონდო ბირჟის ვებგვერდზე ზოგადი ინფორმაციის ველში წერია, რომ 1-ლი ივლისის მდგომარეობით ბირჟაზე სულ 26 კომპანიის აქციები იყო განთავსებული, რომელთა კაპიტალიზაცია $754 მლრდ-ს აღწევდა, მაგრამ ივნისში დღიური...

ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს
access_time2021-07-31 16:00:06
ბრიტანულ-შვედური ფარმაცევტული კომპანიის AstraZeneca-ს ვაქცინების გაყიდვებიდან მიღებულმა შემოსავლებმა 2021 წლის პირველ 6 თვეში 1,17 მილიარდი დოლარი შეადგინა. როგორც ანგარიშში ვკითხულობთ, ვაქცინების გაყიდვები მეორე კვარტალში მოსალოდნელზე მეტი აღმოჩნდა და 894 მილიონი დოლარი შეადგინა.   როგორც დოკუმენტშია აღნიშნული, კომპანიამ და მისმა პარტნიორებმა მიმდინარე წლის 6 თვეში 700 მილიონი დოზა ვაქცინის რეალიზება მოახდინეს მსოფლიოს 170 ქვეყანაში, მათ შორის 80 მილიონი დოზა...

იანვარ-ივნისში სამშენებლო ნებართვების რაოდენობა 4400-მდე გაიზარდა

იანვარ-ივნისში სამშენებლო ნებართვების რაოდენობა 4400-მდე გაიზარდა
access_time2021-07-31 14:00:49
ოფიციალური დეკლარირებული მონაცემებით, საქართველოში 2021 წლის იანვარ-ივნისში შენობა-ნაგებობის მშენებლობაზე 4400 ნებართვა გაიცა, რაც წინა წლის შესაბამის პერიოდთან შედარებით 5,5-ით მეტია.   საერთო ჯამში, ნებართვა გაიცა 2955,0 ათასი კვ.მ ფართზე. ეს მაჩვენებელი წინა წელს 14,7%-ით უსწრებს.   აღსანიშნავია, რომ ნებართვების 71,8% მოდის ქვეყნის 4 რეგიონზე. კერძოდ, ჩასატარებელი სამშენებლო სამუშაოების 47,3%- ქ. თბილისზე, 9% - ქვემო ქართლის რეგიონზე, 8,6% - იმერეთის...


მსგავსი სიახლეები

up