საქართველოს ეროვნულმა ბანკმა კომერციული ბანკების 2021 წლის მეორე კვარტლის ფინანსური მაჩვენებლები გამოაქვეყნა. მონაცემების მიხედვით, საქართველოში მოქმედი კომერციული ბანკების ანგარიშზე ჯამში 255,501,871 ლარის ღირებულების უძრავი და მოძრავი ქონებაა დასაკუთრებული.

2021 წლის მეორე კვარტლის მონაცემებით, „საქართველოს ბანკმა“ 99,459,385 ლარის ღირებულების ქონება დაისაკუთრა. გასული წლის ანალოგიურ პერიოდში ეს მაჩვენებელი 97,601,889 ლარს შეადგენდა. შემდეგ მოდის „თიბისი ბანკი“, მის მიერ დასაკუთრებული უძრავი და მოძრავი ქონება ამავე პერიოდში 99,164,266 ლარს უტოლდება, რაც წინა წლის ანალოგიურ პერიოდთან შედარებით 22,363,570 ლარით ნაკლებია. 2021 წლის 30 ივნისის მდგომარეობით, ბანკების მიერ დასაკუთრებული ქონების 77.7% (198,623,651 ლარი) სწორედ ამ ორი მსხვილ ბანკზე მოდის.

მესამე ადგილზეა „ვითიბი ბანკი“, რომლის მიერ დასაკუთრებულია 19,439,190 ლარის უძრავ-მოძრავი ქონება, რაც 2020 წლის ორი კვარტლის მონაცემებთან შედარებით დაახლოებით 10 მლნ. ლარით არის გაზრდილი. მომდევნო პოზიციაზე „ბაზისბანკია“ – 18,333,543 ლარის დასაკუთრებული ქონებით, ხოლო ხუთეულს „ხალიკ ბანკი საქართველო“ (10,567,632 ლარი) ხურავს.

დასაკუთრებული ქონების მოცულობის მიხედვით, საქართველოს კომერციული ბანკების რეიტინგი:

„საქართველოს ბანკი“ – 99,459,385 ლარი (2020 წლის მეორე კვარტალი - 97,601,889 ლარი);

„თიბისი ბანკი“ – 99,164,266 ლარი (2020 წლის მეორე კვარტალი - 76,800,696 );

„ვითიბი ბანკი ჯორჯია“ – 19,439,190 ლარი (2020 წლის მეორე კვარტალი - 9,570,309 ლარი);

„ბაზისბანკი“ – 18,333,543 ლარი (2020 წლის მეორე კვარტალი -13,192,769 ლარი);

„ხალიკ ბანკი საქართველო“ – 10,567,632 ლარი (2020 წლის მეორე კვარტალი - 1,261,340 ლარი);

„ტერაბანკი“ – 3,070,298 ლარი (2020 წლის მეორე კვარტალი - 2,067,125 ლარი);

„ქართუ ბანკი“ – 2,491,622 ლარი (2020 წლის მეორე კვარტალი - 16,601,241 ლარი);

„იშ ბანკი საქართველოს“ - 1,102,533 ლარი (2020 წლის მეორე კვარტალი - 1,046,318 ლარი);

„კრედო ბანკი“ – 906,788 ლარი (2020 წლის მეორე კვარტალი - 1,390,992 ლარი);

„სილქ როუდ ბანკი“ – 280,730 ლარი (2020 წლის მეორე კვარტალი - 400,745 ლარი);

„ფინკა ბანკი საქართველო“ – 255,436 ლარი (2020 წლის მეორე კვარტალი - 224,146 ლარი);

„პროკრედიტ ბანკი“ – 141,367 ლარი (2020 წლის მეორე კვარტალი - 135,594 ლარი);

„ლიბერთი ბანკი“ – 128,586 ლარი (2020 წლის მეორე კვარტალი - 43,120 ლარი);

„პაშა ბანკი საქართველოს“ - 98,175 ლარი (2020 წლის მეორე კვარტალი დასაკუთრებული ქონება არ ჰქონდა);

„ზირაათბანკი საქართველო“ – 62,320 ლარი (2020 წლის მეორე კვარტალი - 70,825 ლარი).