ბანკები რეგულაციების ამოქმედებისთვის მზად არ არიან - სებ-თან მოლაპარაკებები გრძელდება

ბანკები რეგულაციების ამოქმედებისთვის მზად არ არიან - სებ-თან მოლაპარაკებები გრძელდება

access_time2018-12-07 14:00:00

საბანკო რეგულაციების ამოქმედება  დაანონსებიდან უკვე ორჯერ გადავადდა. ბოლო ვერსიით, საქართველოს ეროვნული ბანკი საბანკო და საფინანსო სექტორისთვის ახალ რეგულაციებს 2019 წლის 1 იანვრიდან აამოქმედებს.  თუმცა, როგორც კომერსანტს „საქართველოს საბანკო ასოციაციის“ პრეზიდენტმა განუცხადა, ბანკები რეგულაციის ასამოქმედებლად ისევ არ არიან მზად და საბანკო სექტორი სებ-თან ერთად, დოკუმენტის საბოლოო ვერსიაზე მუშაობას აგრძელებს. მორიგი სამუშაო შეხვედრა კი ორშაბათსაა ჩანიშნული.


 

„საქართველოს საბანკო ასოციაციის“ პრეზიდენტი ალექსანდრე ძნელაძე „კომერსანტთან“ განმარტავს, რომ მოხდება ძირითადი შენიშვნების განხილვა, თუმცა, არსებითად რამე შეიცვლება თუ არა და ისევ გაითვალისწინებს თუ არა მარეეგულირებელი საბანკო და საფინანსო  სექტორის თხოვნას მცირე ხნით გადავადებაზე, უცნობია.



როგორც ცნობილია, საფინანსო სექტორი აქტიურად ითხოვდა და დღემდე ითხოვს იმას, რომ  რეგულაციების ბოლო ვერსიის შეთანხმებიდან  მის ამოქმედებამდე სექტორს, 1-2 თვიანი ვადა მიეცეს.  



„მუდმივად იყო ბანკების მხრიდან თხოვნა, რომ ბოლო ვერსიის  დადებიდან 1-2 თვიანი ვადა მისცემოდათ იმისთვის, რომ მათ  სრულად იმპლემენტაცია მოახდინათ. ეს ყოვლისმომცველი რეგულაციაა, რომელიც გარკვეულ ნაწილში აზუსტებს რაღაცეებს, თუმცა, მნიშვნელოვნად ცვლის ფიზიკური პირების დაკრედიტების პრინციპებს.


 

წინა რეგულაციების შემთხვევაში თუ საუბარი იყო  სესხის ერთ ნაწილზე, მაგალითად, ეფექტურ საპროცენტო განაკვეთზე, ან კაპიტალიდან ბუფერის დადგენაზე, მოსალოდნელი რეგულაცია მოიცავს ყველაფერს, ყველა მიმართულებას, რაც არის იმის წინაპირობა, რომ შესაძლოა გარკვეული პროდუქტების მნიშვნელოვანი ცვლილება გახდეს საჭირო. შესაძლოა, ისე შეიცვალოს, რომ ზოგიერთი პროდუქტი საერთოდ გაქრეს ბაზრიდან და ახალ პროდუქტზე იყოს მოთხოვნა.


 

ორთვიანი ვადა რეალურად იყო მოთხოვნა, მაგრამ ეროვნული ბანკის მხრიდან ამის გათვალისწინება საკმაოდ რთულია. რეალურად რომ ვთქვათ, ყველა ბანკმა რეგულაციის დაანონსებიდან  გარკვეული მომზადება დაიწყო, თუმცა, მოსამზადებელი დრო მაინც საჭიროა. სებ-ი ამას  გაითვალისწინებს თუ არა ვერ გეტყვით. წესით აღარ უნდა შეიცვალოს, რადგან სებ-მა აქამდეც საბანკო სისტემის მხარეს დიდი ნაბიჯი გადმოდგა, “ აღნიშნავს ძნელაძე.



 

„კომერსანტის“ კითხვაზე, ეს ნიშნავს იმას თუ არა, რომ ბანკები არ არიან მზად საბანკო რეგულაციების ამოქმედებისთვის, ძნელაძე აცხადებს, რომ სექტორი არ არის მზად და მათ მოსამზადებელი პერიოდი სჭირდებათ.


 

„საბანკო სექტორი არ არის მზად.სავარაუდოდ, გარკვეული პროდუქტები შესაძლოა საერთოდ გაქრეს ბაზრიდან და მერე ახლიდან შემოვიდეს. მათ შორისაა, სწრაფი განვადებები,სწრაფი პროდუქტები,რომელიც შესაძლოა საწყის ეტაპზე შეჩერდეს და შემდეგ  განახლებული ვერსიით შემოვიდეს ბაზარზე,“  აღნიშნავს ძნელაძე.


 

რეგულაციების  ბოლო ვერსიის მიხედვით, ბანკებს უნდა დაუწესდეთ შეზღუდვა სესხის გაცემის პოლიტიკასთან დაკავშირებით – მათ მოუწევთ უფრო მკაცრად შეაფასონ მომხმარებლის (სესხის მსურველის) გადახდისუნარიანობა და სესხების გაცემის პოლიტიკა გაამკაცრონ.საუბარია რეგულაციებზე, რომლის თანახმად: იპოთეკაზე წესდება მაქსიმუმ 15-წლიანი ლიმიტი, უძრავი ქონებით უზრუნველყოფილი სამომხმარებლო სესხი მაქსიმუმ 10-წლიანი იქნება, ავტოსესხი მაქსიმუმ 6-წლიანი, ნებისმიერი ტიპის სესხის ხანგრძლივობა 4 წელს არ უნდა აჭარბებდეს.

 

 

ავტორი: სოფო ქსოვრელი 

 

 






ამერიკული სანქციები Huawei-ს წინააღმდეგ 90 დღით გადაიდო - კომპანიის დამფუძნებლის თქმით, კონფლიქტი გარდაუვალია

ამერიკული სანქციები Huawei-ს წინააღმდეგ  90 დღით  გადაიდო - კომპანიის დამფუძნებლის თქმით, კონფლიქტი გარდაუვალია
access_time2019-05-21 17:30:24
აშშ-ს ვაჭრობის სამინისტრომ  ჩინური გიგანტის Huawei-ის წინააღმდეგ სანქციების შემოღება 90 დღით, 19 აგვისტომდე გადაავადა. კერძოდ, უწყებამ  Huawei-ს დროებითი 90-დღიანი ლიცენზია მისცა, რომელიც კომპანიას აშშ-ში მის მიერ წარმოებული პროდუქციის მომსახურეობის და პროგრამული უზრუნველყოფის განახლების უფლებას  აძლევს სამინისტროს ინფორმაციით ლიცენზია მოქმედებს 20 მაისიდან 19 აგვისტომდე. აღსანიშნავია, რომ ...

თემურ ბასილია: ეროვნული ბანკი ვერ მოიხსნის პასუხისმგებლობას ლარის კურსთან დაკავშირებით

თემურ ბასილია: ეროვნული ბანკი ვერ მოიხსნის პასუხისმგებლობას ლარის კურსთან დაკავშირებით
access_time2019-05-21 16:30:38
ბოლო კვირების განმავლობაში ლარის კურსის გაუფასურებას  ყოფილი ვიცე-პრემიერი თემურ ბასილია რადიო “კომერსანტის“ გადაცემაში „ეკონომისტის დრო ლევან ქისტაურთან ერთად“ აფასებს. მისი განცხადებით, ვალუტის გაცვლითი კურსი ფულად-საკრედიტო პოლიტიკის ნაწილია და ის  ეროვნულმა ბანკმა უნდა გაატაროს. ამიტომ, ლარის კურსზე ეროვნული ბანკი პასუხისმგებლობას ვერ მოიხსნის. „ეროვნულმა ბანკმა საერთოდ ყველაფრისაგან ხელები დაიბანა. მას...

15 ივნისიდან „მაგთი ფიქსი“ უქმდება

15 ივნისიდან „მაგთი ფიქსი“ უქმდება
access_time2019-05-21 15:30:35
15 ივნისიდან „მაგთი ფიქსის“  ისევე როგორც EVDO-ს მოდემის  მომხმარებლები სერვისით ვერ ისარგებლებენ, - ამის შესახებ  “კომერსანტს“  სატელეკომუნიკაციო კომპანია „მაგთიკომში“  განუცხადეს. 15 ივნისიდან CDMA ლიცენზიას ვადა გასდის  და  „მაგთი ფიქსის“ ნაცვლად, იმ ლოკაციებზე, სადაც მოქმედებს მაგთის ოპტიკურ-ბოჭკოვანი ინტერნეტი,“მაგთის“ მომხმარებლებს შეუძლიათ ისარგებლონ ინტერნეტზე დაფუძნებული ფიქსირებული...

OPIC-სა და „პეის ჯგუფს“ შორის სესხის ხელშეკრულება ვაშინგტონში გაფორმდა

 OPIC-სა და „პეის ჯგუფს“ შორის სესხის ხელშეკრულება ვაშინგტონში  გაფორმდა
access_time2019-05-21 14:25:40
ფოთის ნავსადგურში ახალი, მულტიფუნქციური საზღვაო ტერმინალის მშენებლობისა და მართვის პროექტი, რომელსაც კავკასიის რეგიონში უმსხვილესი სატრანსპორტო კომპანია „პეის ჯგუფი“ ახორციელებს, 50 მილიონი დოლარით დაფინანსდა აშშ-ის კერძო უცხოური ინვესტიციების კორპორაციის მიერ. 14 მაისს ვაშინგტონში სწორედ სესხის ხელშეკრულების ხელმოწერის ოფიციალური ცერემონია...

მამუკა ბახტაძემ ქუთაისში მზის პანელების ქარხნა გახსნა

მამუკა ბახტაძემ ქუთაისში მზის პანელების ქარხნა გახსნა
access_time2019-05-21 12:26:11
ჩვენთვის პირდაპირ უცხოურ ინვესტიციებს განსაკუთრებული მნიშვნელობა აქვს, - ამის შესახებ პრემიერ-მინისტრმა მამუკა ბახტაძემ ქუთაისში, მზის პანელების ქარხნის გახსნის ღონისძიებაზე განაცხადა.   მისი თქმით, პირდაპირი უცხოური ინვესტიციები მეტი სამუშაო ადგილების შექმნის შესაძლებლობას იძლევა.   „ყოველთვის აღვნიშნავდი, რომ პირდაპირ უცხოურ ინვესტიციებში ჩვენ მაქსიმალურად უნდა ვიყოთ ორიენტირებული სწორედ მაღალტექნოლოგიურ წარმოებებზე. ისეთ წარმოებებზე, რომლებსაც...


მსგავსი სიახლეები

up