ბაიდენმა ფატუ ბენსუდასთვის და ICC-ის სხვა თანამშრომლებისთვის დაწესებული სანქციები მოხსნა

ბაიდენმა ფატუ ბენსუდასთვის და ICC-ის სხვა თანამშრომლებისთვის დაწესებული სანქციები მოხსნა

access_time2021-04-04 12:00:23

აშშ-ს პრეზიდენტმა ჯო ბაიდენმა სისხლის სამართლის საერთაშორისო სასამართლოს (ICC) თანამშრომლებისთვის დაწესებული ეკონომიკური სანქციები და სავიზო შეზღუდვები გააუქმა. შედეგად სანქციები მოეხსნა სისხლის სამართლის საერთაშორისო სასამართლოს პროკურორ ფატუ ბენსუდას და იურისდიქციის, კომპლემენტარულობის და თანამშრომლობის განყოფილების უფროსს ფაკისო მოჩოჩოკოს. სანქციები ასევე მოეხსნა სისხლის სამართლის საერთაშორისო სასამართლოს იმ თანამშრომლებს, რომლებიც ავღანეთში ჩადენილი ომის დანაშაულების გამოძიებაში არიან ჩართული.

"ეს გადაწყვეტილებები ასახავს ჩვენს შეფასებას, რომ მიღებული ზომები იყო შეუსაბამო და არაეფექტიანი" – ნათქვამია აშშ-ს სახელმწიფო მდივნის ენტონი ბლინკენის განცხადებაში.

"ჩვენ კვლავ მტკიცედ არ ვეთანხმებით სისხლის სამართლის საერთაშორისო სასამართლოს ქმედებებს ავღანეთთან და პალესტინასთან დაკავშირებით. ჩვენ კვლავ ვეწინააღმდეგებით სასამართლოს მცდელობებს თავისი იურისდიქცია გაავრცელოს არა-წევრი სახელმწიფოების, აშშ-ს და ისრაელი, წარმომადგენლებზე. თუმცა ჩვენ გვჯერა, რომ ამ საქმეებთან დაკავშირებული ჩვენი ინტერესები უკეთ იქნება განხილული სისხლის სამართლის საერთაშორისო სასამართლოს პროცესში არსებული ყველა მხარის ჩართულობით და არა სანქციების დაწესებით" – ამბობს ბლინკენი.

სისხლის სამართლის საერთაშორისო სასამართლოს პროკურორი ფატუ ბენსუდა ავღანეთში აშშ-ს სამხედრო ძალების მიერ ჩადენილ შესაძლო დანაშაულებებს იძიებს. გასული წლის სექტემბერში მას აშშ-მ სანქციები დაუწესა. ბენსუდა იძიებს 2008 წლის რუსეთ-საქართველოს ომის დროს სავარაუდოდ ჩადენილ სამხედრო და კაცობრიობის წინააღმდეგ მიმართულ დანაშაულებებსაც. 2021 წლის იანვარში აშშ-ს ყოფილმა სახელმწიფო მდივანმა, მაიკ პომპეომ ბენსუდა კორუფციაში დაადანაშაულა. 2019 წელს ამერიკის შეერთებულმა შტატებმა ფატუ ბენსუდას ქვეყანაში შესასვლელი ვიზაც გაუუქმა.

2019 წლის სექტემბერში პროკურორს სანქციები პრეზიდენტ დონალდ ტრამპის მიერ ივნისში გაცემული ნებართვის საფუძველზე დაუწესდა. ტრამპის გადაწყვეტილებით, ფატუ ბენსუდას გარდა, ეკონომიკური და სამოგზაურო სანქციები დაუწესდათ სისხლის სამართლის საეთაშორისო სასამართლოს ყველა იმ თანამშრომელსაც, რომლებიც ავღანეთში ჩადენილი ომის დანშაულებათა გამოძიებაში არიან ჩართულები. სანქციები მოიცავს აშშ-ში ანგარიშების გაყინვას მათთვის, ვინც გამოძიებაში მონაწილეობს.


ტრამპის ადმინისტრაციაში განაცხადეს, რომ სასამართლო აშშ-ს სუვერენიტეტს არღვევს. მათ მიაჩნიათ, რომ რუსეთი ცდილობს გამოძიებით მანიპულირებას.

2020 წლის მარტში სისხლის სამართლის საერთაშორისო სასამართლომ გამოიტანა გადაწყვეტილება ავღანეთის კონფლიქტში ომის დანაშაულებათა თაობაზე გამოძიების დაწყების შესახებ. სასამართლომ შეცვალა წინა გადაწყვეტილება, რომლითაც მეორე პალატამ უარი თქვა ავღანეთში კაცობრიობის წინააღმდეგ და ომის დანაშაულებათა გამოძიების დაწყებაზე. მაშინ მოსამართლეებმა გადაწყვიტეს, რომ ავღანეთში არსებული სიტუაციის გამოძიება სამართლის ინტერესებს არ ემსახურება.

აშშ სისხლის სამართლის საერთაშორისო სასამართლოს ხელმომწერი არ არის და არ აღიარებს მის უფლებამოსილებას ამერიკის მოქალაქეებზე. ავღანეთი სასამართლოს წევრია.

2003 წლის პირველი მაისის შემდეგ ავღანეთში მიმდინარე შეიარაღებული კონფლიქტის გამოძიების დაწყება პროკურორმა 2017 წლის 20 ნოემბერს მოითხოვა. გამოძიება ასევე შეისწავლიდა 2002 წლის პირველი ივლისიდან მომხდარ დანაშაულებს.

Tabula.ge




სებ–მა მონეტარული პოლიტიკის განაკვეთი 0.5%–ით 10%–მდე გაზარდა

სებ–მა მონეტარული პოლიტიკის განაკვეთი 0.5%–ით 10%–მდე გაზარდა
access_time2021-08-04 12:22:42
საქართველოს ეროვნული ბანკის (სებ) მონეტარული პოლიტიკის კომიტეტმა 4 აგვისტოს სხდომაზე რეფინანსირების განაკვეთის 0.5 პროცენტული პუნქტით გაზრდის გადაწყვეტილება მიიღო. მონეტარული პოლიტიკის განაკვეთი 10.0 პროცენტით განისაზღვრა. ამის შესახებ ინფორმაციას ეროვნული ბანკი ავრცელებს. სებ–ის ცნობით, ბოლო პერიოდში ინფლაცია გლობალური გამოწვევაა და ივლისის თვის ფასების ზრდის მონაცემმა არაერთ ქვეყანაში პროგნოზირებულს გადააჭარბა. საქართველოშიც ივლისის...

ლარი მცირედით გაუფასურდა

ლარი მცირედით გაუფასურდა
access_time2021-08-03 18:00:52
3 აგვისტოს ვაჭრობის შედეგად ლარი აშშ დოლართან მიმართებაში 0.06 თეთრით 3.1048-მდე გაუფასურდა. Bloomberg-ის პლატფორმაზე კი დღის ბოლოს კურსი 3.1065-ზე დაფიქსირდა. დოლარის მსგავსად ლარი ასევე გაუფასურდა ევროსთან, 0.13 თეთრით 3.69.19-მდე, ბრიტანულ ფუნტთან 0.86 თეთრით 4.3247-მდე, თურქულ ლირასთან 0.17 თეთრით 0.3729-მდე, 100 რუსულ რუბლთან 0.55 თეთრით 4.2633-მდე, 1000 სომხურ დრამთან 2.92 თეთრით 6.3566-მდე, აზერბაიჯანულ მანათთან კი უმნიშვნელო 0.01 თეთრით 1.8265-მდე...

როგორ აპატარავებს ინფლაცია ხელფასს

როგორ აპატარავებს ინფლაცია ხელფასს
access_time2021-08-04 13:00:55
ინფლაციის განაკვეთმა ივლისში ბოლო 10 წლის რეკორდი მოხსნა და 11.9%-ს მიაღწია. პირველადი მოხმარების თითქმის ყველა პროდუქტზე, გასული წლის ანალოგიურ პერიოდთან შედარებით, ფასების ორნიშნა პროცენტული ზრდა დაფიქსირდა, რაც იმას ნიშნავს, რომ ის ადამიანები, რომელთა შემოსავალიც ლარში უცვლელად შენარჩუნდა, რეალურად გაღარიბდნენ. 2021 წლის ივლისის 1000 ლარი მსყიდველუნარიანობით გასული წლის ივლისის 895 ლარს გაუტოლდა. საბაზრო ეკონომიკის პირობებში რაიმე ნივთსა თუ მომსახურებას აბსოლუტური...

თემურ ჭყონია: გახარიას ბიზნესწრეებში ცუდი რეპუტაცია არ ჰქონია

თემურ ჭყონია: გახარიას ბიზნესწრეებში ცუდი რეპუტაცია არ ჰქონია
access_time2021-08-04 12:00:55
თემურ ჭყონია „ქართული ოცნების“ ლიდერის ირაკლი კობახიძის მიერ გიორგი გახარიას მეტსახელის („ბოლი“. რედ.) გასაჯაროებასთან დაკავშირებით ამბობს, რომ გუნდის შიგნით რა ხდება არ იცის, ხოლო გარეთ - ბიზნესმენთა წრეში, გახარიას ცუდი რეპუტაცია არ ჰქონდა.   „ნორმალური ბიზნეს-ომბუდსმენი იყო, არ მახსენდება შემთხვევები, ვინმეს რამე შეპირებოდა და არ შეესრულებინა. შეიძლება იყო ასეთი ფაქტები, მაგრამ ჩემთვის უცნობია. როგორც წესი, ბიზნესომბუდსმენი ხელისუფლების მიერ ინიშნება, მაგრამ მისი...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-08-03 21:00:09
დღის TOP 10 მნიშვნელოვანი ამბავი:   1. ბიზნესმენების აზრი – იყო თუ არა გახარია „ბოლი“ პრემიერი? ბიზნესმენი დავით ბეგიაშვილი: „ბიზნესს გიორგი გახარიამ ვერანაირი სარგებელი ვერ მოუტანა. ჯერ კიდევ ბიზნესომბუდსმენის პოსტზე, მას სექტორის სასარგებლად ფაქტობრივად არაფერი გაუკეთებია“.   2. ინფლაცია 10–წლიან...


მსგავსი სიახლეები

up