Reuters-ის სააგენტოს ცნობით, რამდენიმე წყაროს თანახმად, აშშ-ის პრეზიდენტმა, ჯო ბაიდენმა, უნდა გამოაცხადოს თავისი კანდიდატურის ხელახლა წამოყენების შესახებ უფრო ადრე, ვიდრე ჩვეულებრივ, ნოემბრის რბოლამდე კონგრესში, რათა გააქარწყლოს სპეკულაციები დემოკრატების გეგმების შესახებ 2024 წლის საარჩევნო კამპანიის წინ.
ბაიდენი, რომელიც 8 ნოემბრის შუალედური არჩევნების შემდეგ 80 წლის გახდება, სულ უფრო მეტი შეკითხვის წინაშე დგას თავისი პოლიტიკური მომავლის შესახებ, მიუხედავად იმისა, რომ დიდხანს ამტკიცებდა, რომ აპირებდა თავისი კანდიდატურის ხელახლა წამოყენებას.
ბაიდენი უკვე ყველაზე ხანდაზმული ადამიანია, ვინც ოვალური კაბინეტი დაიკავა. მან აჯობა რონალდ რეიგანს, რომელმაც ორი ვადა დაასრულა 77 წლის ასაკში.
შეძლებს თუ არა ის, ან ნებისმიერი სხვა, გაუძლოს აშშ-ის საპრეზიდენტო კამპანიის სიმკაცრეს და მართოს მსოფლიოს უმსხვილესი ეკონომიკა ოთხმოცი წლის ასაკში, - მზარდი კამათის საკითხია.
მისი მთავარი პოტენციური ოპონენტი რესპუბლიკური პარტიიდან, დონალდ ტრამპი, ასევე 80 წლის იქნება 2024 წლის ბოლოს. ამ ადრეული ნაბიჯით, რესპუბლიკელ ოპონენტზე ადრე განაცხადის გაკეთებით, დაიწყება თითქმის ორწლიან რბოლა 2024 წლის საპრეზიდენტო არჩევნებამდე.
მათ, რომლებიც საპრეზიდენტო კამპანიის დაგეგმვაში მონაწილეობენ, სააგენტო Reuters-ს განუცხადეს, რომ ადრეული განცხადება გონივრული ნაბიჯი იქნება ბაიდენისთვის, რითაც სიგნალს გაუგზავნის პოლიტიკურ დონორებს, პოლიტიკურ მეტოქეებს პარტიის შიგნით და გარეთ, ისევე როგორც, ფართო საზოგადოებას, რომ ბაიდენი „კოჭლი იხვი“ არ არის, და რომ დემოკრატები ერთიანები არიან და ზურგს უმაგრებენ მის დღის წესრიგს, მის პიროვნებასა და მის ლიდერობას.
"რესპუბლიკელების საპრეზიდენტო კამპანია შუალედური არჩევნების შემდეგ იწყება და პრეზიდენტმა ამავე დროის განმავლობაში უნდა გააკეთოს განცხადება, რომ დააკმაყოფილოს პარტიის შიგნით არსებული შეშფოთება", განაცხადა დემოკრატიული პარტიის ერთ-ერთი მაღალი თანამდებობის წარმომადგენელმა. "არ არის დაგეგმილი თარიღები ან ვადები. როგორც პრეზიდენტმა უკვე განაცხადა ადრე, ის აპირებს არჩევნებში ხელახლა მონაწილეობას ", - თქვა ხსენებულმა წყარომ.
თეთრმა სახლმა და დემოკრატიული პარტიის ეროვნულმა კომიტეტმა კომენტარის გაკეთებაზე უარი განაცხადეს. საზაფხულო შვებულების შემდეგ, პრეზიდენტი სავარაუდოდ, პირადად დაიწყებს თავისი დღის წესრიგის ინტენსიურ გატარებას, 2020 წლის საპრეზიდენტო არჩევნების დროიდან. ეს მოიცავს ვიზიტებს ბევრ შტატში, რასაც გადამწყვეტი მნიშვნელობა ექნება მისი ხელახალი არჩევისთვის.
Radiotavisupleba.ge