ბაგრატ მეზურნიშვილის საავტორო ყველი ,,ჭყვიტი“ საცალო ქსელში შედის

ბაგრატ მეზურნიშვილის საავტორო ყველი ,,ჭყვიტი“ საცალო ქსელში შედის

access_time2019-02-10 12:00:15

ბაგრატ მეზურნიშვილის საავტორო ყველი ,,ჭყვიტი“ მომავალი კვირიდან საცალო ქსელში შევა. როგორც მეწარმემ Bm.ge-ს განუცხადა, ამ კვირაში მის საწარმოს სურსათის ეროვნულმა სააგენტომ ,,აღიარების კოდი“ მიანიჭა, რაც მას საკუთარი ნაწარმის დისტრიბუციის უფლებას აძლევს.

შეგახსენებთ, რომ ბაგრატ მეზურნიშვილი ,,ჭყვიტის“ ბრენდის ქვეშ 27 სახეობის ყველს ამზადებს, რომელის რეცეპტურაც თავად შეიმუშავა. ეს არის დაობებული ყველი სხვადასხვა გემოებითა და არომატებით. 

,,აქამდე მქონდა დროებითი კოდი, გავიარე არაერთი შემოწმება და ამიერიდან უფლება მაქვს ჩემი ყველი მაღაზიებში გავყიდო. პროდუქციას ძირითადად ტურისტულ ობიექტებში შევიტან, ღვინის მაღაზიებსა და ბარებში, კაფეებში, თბილისში მდებარე ყველის სახლებში. ხელშეკრულებას ვაფორმებ სადისტრიბუციო კომპანიასთან, რომელიც ჩემი ნაწარმის რეალიზაციას განახორციელებს“ - განაცხადა მეზურნიშვილმა. 

მეწარმე ჭყვიტის დასახელებით ყველს რამდენიმე წელია აწარმოებს, თუმცა მას აქამდე ძირითადად საკუთარ მაღაზიაში, ფესტივალებზე და პირადი კონტაქტებით ყიდდა, ამიერიდან კი რეალიზაციის უფლება ყველა ტიპის სავაჭრო ობიექტში ექნება. 

მცირე საწარმო დღეში საშუალოდ 10 კილოგრამ ყველს ამზადებდა, თუმცა ამიერიდან წარმოებას გააორმაგებს და თვეში 600 კილოგრამს დაამზადებს. 

,, ეს საკმაოდ რთული ტექნოლოგიური პროცესია, მის დაძველებას ოთხიდან ექვს თვემდე პერიოდი სჭირდება, ამიტომ დიდი მოცულობებზე ისედაც ვერ გავალ. ერთი სახეობის პროდუქტი მეორესგან გემოთი, შემადგენლობით, ფორმით, ვიზუალით განსხვავდება. პროდუქტი შეზავებულია ღვინით, კაკაოთი, ნივრით, ზაფრანით და სხვა ინგრედიენტებით. ვამზადებ ასევე მძაფრი გემოების ყველს, რომელიც ცნობილია როგორც ,,სტინკი“, ანუ დამპალი-აყროლებული ყველის სახელწოდებით. მისი მომხმარბლები ძირითადად ევროპელები არიან, როდესაც ფრანგი, იტალიელი და გერმანელი ტურისტები მოდიან, ეგრევე ამ სახეობას კითხულობენ; ევროპაში ამ ტიპის ყველის ფასი 300 ევროდან იწყება" - განაცხადა მეზურნიშვილმა. 

სამომავლოდ მეწარმე ,,ჭყვიტის“ ექსპორტზე გატანასაც გეგმავს, რადგან საქართველოში მისი პროდუქციის ძირითადი მომხმარებლები უცხოელი ტურისტები არიან. 

,,ჭყვიტის“ სადისტრიბუციო ფასი 100-დან 120 ლარამდეა.


თეგები:
ყველი



ISET-ის კვლევა - საქართველოს სოფლის მეურნეობის „აქილევსის ქუსლი“ მიწის არასრული რეგისტრაციაა - სოფლის მეურნეობა წილი მშპ-ში მხოლოდ 7.7%-ია

ISET-ის კვლევა - საქართველოს სოფლის მეურნეობის „აქილევსის ქუსლი“  მიწის არასრული რეგისტრაციაა - სოფლის მეურნეობა წილი მშპ-ში მხოლოდ 7.7%-ია
access_time2019-04-25 14:00:50
საქართველოს დამოუკიდებლობის აღდგენიდან 28 წლის შემდეგ, ჩვენ ყველა, საქართველოს სოფლის მეურნეობით და სოფლის განვითარებით დაინტერესებული მხარე უნდა გამოვფხიზლდეთ და ხმამაღლა ვისაუბროთ იმაზე, რომ „სიმპტომების“ წინააღმდეგ ბრძოლა არაეფექტურია და ჯერ „პრობლემის სათავეს” უნდა ვუმკურნალოთ... ამას კი, პირველ რიგში, მთავრობის მხრიდან აშკარა და ერთმნიშვნელოვანი მხარდაჭერა სჭირდება! — ასეთია  ISET-ის კვლევის...

დავით გარეჯის სამონასტრო კომპლექსში (უდაბნოში) აზერბაიჯანელი მესაზღვრეები ქართველ მომლოცველებს და ტურისტებს არ უშვებენ

 დავით გარეჯის სამონასტრო კომპლექსში (უდაბნოში) აზერბაიჯანელი მესაზღვრეები ქართველ მომლოცველებს და ტურისტებს არ უშვებენ
access_time2019-04-25 10:00:22
მესემე დღეა გარეჯში ჩამოსულ მომლოცველებს და სტუმრებს უდაბნოს მონასტერში მისასვლელი ბილიკი გადაკეტილი ხვდებათ, აზერბაიჯანელი მესაზღვრებიის მიერ, — წერს სოციალურ ქსელში დავით გარეჯის მონასტერის გიდი ზვიად ანანიაშვილი. კომერსანტი პოსტს უცვლელად გთავაზობთ. მიზეზი გასაიდუმლოებულია.. ყველეფერი ჩიჩხიტურის მონასტრის...

სხვებმაც ასეთ დროს “კახას“ რომ დავუძახოთ, გირაოთი გამოგვიშვებენ?

სხვებმაც ასეთ დროს “კახას“ რომ დავუძახოთ, გირაოთი გამოგვიშვებენ?
access_time2019-04-24 20:43:09
ნარკოდანაშაულის ბრალდებით ( სს კოდექსის 260-ე მუხლის პირველი ნაწილი) დაკავებული მსახიობის ლევან ჯიბღაშვილის სასამართლო დარბაზიდან გათავისუფლებას საზოგადოებაში და სოციალურ ქსელებში დიდი გამოხმაურება და არაერთგვაროვანი შეფასება მოჰყვა. ამ თემასთან...

თანამედროვე ირანი: ამბოხის და პროტესტის ზღვარზე

თანამედროვე ირანი: ამბოხის და პროტესტის ზღვარზე
access_time2019-04-24 22:00:40
დღევანდელი ირანელები არიან სპარსების პირდაპირი შთამომავლები და მათი სახელმწიფოებრიობა  თითქმის 5000 წელს ითვლის. ათასწლეულობით ჩამოყალიბებული ცხოვრების წესის და ძველი ტრადიციების ერთგულება ირანში ჩანს ისე, როგორც არსად. თუმცა,  მოსახლეობის სხვადასხვა ფენებში და განსხვავებულ ასაკობრივ ჯგუფებში ეს გავლენა განსხვავებულია. საქმიანი ადამიანები, ინტელიგენცია, სტუდენტობა და ახალგაზრდობა ემხრობა ცხოვრების თანამედროვე წესს. მეტიც,...

„ძალიან ბევრ მსახიობს უჭირს, ძლივს გააქვთ თავი კი არა, უბრალოდ არაფრის საშუალება არ აქვთ“ - მსახიობები დავით დარჩიას განცხადებას აფასებენ

„ძალიან ბევრ მსახიობს უჭირს, ძლივს გააქვთ თავი კი არა, უბრალოდ არაფრის საშუალება არ აქვთ“ - მსახიობები დავით დარჩიას განცხადებას აფასებენ
access_time2019-04-24 19:30:12
დავით დარჩიას...


მსგავსი სიახლეები

up