მიმდინარე წლის მეორე კვარტლის ბოლოს ჩატარებული კვლევის თანახმად, საქართველოს ბიზნეს ასოციაციის გამოკითხული წევრების 72.2% განაცხადა, რომ არსებობს მათი ბიზნეს საქმიანობისთვის ხელისშემშლელი თუნდაც ერთი ფაქტორი. აღსანიშნავია, რომ ეს მაჩვენებელი შემცირებულია პირველი კვარტლის ბოლოს ჩატარებული კვლევასთან შედარებით, როდესაც საქმიანობისათვის ხელისშემშლელი ფაქტორების არსებობაზე გამოკითხულთა 86.5%  საუბრობდა. პირველი კვარტლის მაღალი მაჩვენებელი, სავარაუდოდ, COVID პანდემიით იყო განპირობებული, რაც ეკონომიკური საქმიანობის გაჩერებას უნდაგამოეწვია.  

გრაფიკი 1: ძირითადი ხელისშემშლელი ფაქტორები გამოკითხული BAG-ის წევრებითვის

კვლევის ფარგლებში, BAG-ის წევრი კომპანიები იყოფა ოთხ სექტორად: ვაჭრობა, მომსახურება, მრეწველობა და მშენებლობა.შესაბამისად, ხელისშემშლელი ფაქტორები კომპანიებმა სექტორების მიხედვით განსხვავებული სიმწვავით დაასახელეს; კერძოდ, როგორც ჩანს, ყოველდღიური ოპერირებისას ხელისშემშლელი ფაქტორების არსებობამეტად აწუხებთმშენებლობისა და მომსახურების სექტორში, რომელთა არსებობას ამ სექტორში წარმოდგენილი BAG წევრი კომპანიების 85.7% (მომსახურება)და 86.4% (მშენებლობა) ასახელებს.

კვლევამ ასევე ცხადყო, რომგანსხვავებული  სექტორების მიხედვით კომპანიების პრობლემატიკა განსხვავებულ რანჟირებით გადანაწილდა, კერძოდ, თუკი მომსახურებისა და ვაჭრობის სექტორში მთავარი პრობლემა მომხმარებლემის მხრიდან მოთხოვნის სიმცირე სახელდება, მშენებლობის სექტორისთვის მთავარი დაბრკოლება შეზღუდული ფინანსური რესურსებია, ხოლო მრეწველობაში ჩართული BAG წევრი ყველა კომპანია უპირველეს დაბრკოლებად სამართლებრივ და ადმინისტრაციულ ბარიერებს ასახელებს.

აღსანიშნავია, რომ 2019 წლის ბოლოსასოციაციის წევრი კომპანიებისათვისმოთხოვნის სიმცირე მწვავე პრობლემად არ სახელდებოდა, თუმცა, როგორც ჩანს, პანდემიის პერიოდში ბიზნესისთვის მთავარი პრობლემად მათ მიერ ბაზარზე მიწოდებული საქონლსა და სერვისზე შემცირებული მოთხოვნა იქცა, რასაც პირველ კვარტალში გამოკითხულ კომპანიათა 70% ასახელებდა. მეორე კვარტალში აღნიშნული მაჩვენებელი 60%-მდე შემცირდა, თუმცა კვლავუმთავრეს პრობლემად რჩება.

გრაფიკი 2: ძირითადი ხელისშემშლელი ფაქტორები მომსახურების სექტორში (II კვ. 2020)

გრაფიკი 3: ძირითადი ხელისშემშლელი ფაქტორები მრეწველობის სექტორში (II კვ. 2020)

გრაფიკი 4: ძირითადი ხელისშემშლელი ფაქტორები ვაჭრობის სექტორში (II კვ. 2020)

გრაფიკი 5: ძირითადი ხელისშემშლელი ფაქტორები მშენებლობის სექტორში (II კვ. 2020)

BAG ინდექსის წარმოება საქართველოს ბიზნეს ასოციაციამ 2019 წელს დაიწყო. BAG ინდექსი მოიცავს BAG-ის წევრი კომპანიების მმართველი მენეჯერების შეფასებას ბიზნეს კლიმატის, დასაქმების ბარომეტრისა და ინვესტიციების შესახებ. BAG ინდექსი ყოველკვარტალურად ქვეყნდება და იგი საზოგადოებას აცნობს დროის კონკრეტულ მომენტში ბიზნესწრეებში არსებულ განწყობასა და ბიზნესის მოლოდინს.

კვლევის ანგარიში შეგიძლიათ იხილოთ ბმულზე

(R)