BAG ინდექსი: ბიზნეს კლიმატის გაუმჯობესების დინამიკა კვლავაც ნარჩუნდება

BAG ინდექსი: ბიზნეს კლიმატის გაუმჯობესების დინამიკა კვლავაც ნარჩუნდება

access_time2022-03-17 11:15:09

საქართველოს ბიზნეს ასოციაცია BAG ინდექსის 2022 წლის პირველი კვარტლის შედეგებს აქვეყნებს, რომლის თანახმად, წინა კვარტლებში არსებული პოზიტიური განწყობა 2022 წლის I კვარტალშიც შენარჩუნებულია. გამოკითხულმა კომპანიებმა თავიანთი მიმდინარე მდგომარეობა და მომდევნო ექვსი თვის მოლოდინი ისევ დადებითად შეაფასეს.

აღსანიშნავია, რომ ასოციაციის წევრმა კომპანიებმა გამოკითხვაში მიმდინარე წლის 14-28 თებერვლის მონაკვეთში მიიღეს მონაწილეობა, შესაბამისად, გამოკითხვა სრულად ვერ ასახავს იმ ნეგატიურ ეფექტს, რომელიც რუსეთ-უკრაინის ომმა გლობალურ და, მათ შორის, ქართულ ეკონომიკაზე იქონია.

პანდემიის პირველი ტალღის მწვავე ნეგატიური ეფექტის შენელების შემდეგ, 2020 წლის მეორე კვარტლიდან მოყოლებული, ბიზნესის მიერ მიმდინარე მდგომარეობის უარყოფითი შეფასებების ფონზე, ბიზნესის საერთო მოლოდინი დადებითი იყო. თუმცა, პოზიტიური მოლოდინის მიუხედავად, 2020 წლის ბოლოდან მოყოლებული, ბიზნესის მიმდინარე მდგომარეობა ნელი ტემპებით უმჯობესდებოდა. საგულისხმოა, რომ ბიზნესის მიერ მიმდინარე მდგომარეობა დადებითად მხოლოდ 2021 წლის მეორე ნახევარში შეფასდა. 

აღსანიშნავია, რომ  2022 წლის პირველ კვარტალში, წინა კვარტალთან შედარებით, ბიზნეს კლიმატის მაჩვენებელი უმნიშვნელოდ გაუმჯობესდა, რადგან არც ბიზნესის მოლოდინის მაჩვენებელი და არც ბიზნესის  მიმდინარე მდგომარეობის მაჩვენებელი საგრძნობლად არ შეცვლილა. მოლოდინის მცირედი გაუმჯობესების პარალელურად, მიმდინარე მდგომარეობის შეფასება გაუარესდა, თუმცა უმნიშვნელოდ. აღსანიშნავია, რომ ბიზნესის მიერ მიმდინარე მდგომარეობის შეფასება 2020 წლის შემდეგ პოზიტიურ დინამიკას ინარჩუნებს.


C:\Users\user\Desktop\index



საგულისხმოა, რომ სექტორულად განსხვავებული მდგომარეობა ფიქსირდება. მიუხედავად იმისა, რომ 2022 წლის I კვარტალში, ბიზნეს კლიმატის მაჩვენებელი ყველა სექტორში დადებითია, ვაჭრობისა და მრეწველობის სექტორებში ეს მაჩვენებელი 2021 წლის IV კვარტალთან შედარებით გაუარესებულია. აღნიშნული კლება ვაჭრობის სექტორში - გაუარესებულმა მოლოდინებმა, ხოლო მრეწველობის სექტორში მიმდინარე მდგომარეობის მკვეთრმა გაუარესებამ გამოიწვია. 

აქვე უნდა აღინიშნოს, რომ წინა კვარტალთან შედარებით, ბიზნეს კლიმატის მაჩვენებლის გაუმჯობესების მიუხედავად,  ბიზნესის მიმდინარე მდგომარეობა გაუარესდა მშენებლობის სექტორშიც. ეს შესაძლოა განპირობებული იყოს სექტორში გამოკითხულ კომპანიათა 38%-ში შემცირებული გაყიდვებით. 

შეგახსენებთ, რომ კვლევის ფარგლებში, გამოკითხული კომპანიები იყოფა ოთხ სექტორად: ვაჭრობა, მომსახურება, მრეწველობა, მშენებლობა.




BAG ინდექსი ემყარება საქართველოს ბიზნეს ასოციაციის წევრების და მათ ჯგუფში შემავალი კომპანიების შეფასებას. შესაბამისად, BAG ინდექსი წარმოადგენს საქართველოში ბიზნესგარემოს შეფასების მნიშვნელოვან ინდიკატორს, რომელსაც საქართველოს ბიზნეს ასოციაცია და PMCG კვლევითი ცენტრი ifo ეკონომიკური კვლევების გერმანული ინსტიტუტის მეთოდოლოგიაზე დაყრდნობით აწარმოებს. კვლევის ანგარიში შეგიძლიათ იხილოთ ბმულზე.





თურქეთთან თავისუფალი ვაჭრობის ხელშეკრულებაში ცვლილებები შედის

თურქეთთან თავისუფალი ვაჭრობის ხელშეკრულებაში ცვლილებები შედის
access_time2022-07-05 15:40:00
სექტემბრიდან საქართველო-თურქეთს შორის გაფორმებულ თავისუფალ სავაჭრო ხელშეკრულებაში ცვლილებები შედის - მოლაპარაკებები მომსახურებით ვაჭრობის დამატებაზე მიმდინარეობს. გარდა ამისა, მხარეები საქონლით ვაჭრობის შემდგომ ლიბერალიზაციასაც განიხილავენ, რათა თურქულ ბაზარზე უფრო მეტი ქართული პროდუქტი შევიდეს ნულოვანი განაკვეთით. ეკონომიკის სამინისტროს ინფორმაციით, თითქმის დასრულებულია ამ საკითხზე მოლაპრაკებები და მხარეები უკვე შეთანხმდნენ იმ პროდუქციის ჩამონათვალზე, რომელზეც თურქეთი...

ახალი ლიბერთი ადამიანებისთვის - ლიბერთი გაეროს გლობალური შეთანხმების პრინციპების ხელმომწერი გახდა

ახალი ლიბერთი ადამიანებისთვის -  ლიბერთი გაეროს გლობალური შეთანხმების პრინციპების ხელმომწერი გახდა
access_time2022-07-05 13:45:21
ლიბერთი, გაეროს ‘გლობალური შეთანხმების საქართველოს ქსელის’ (Global Compact Network Georgia) წევრი გახდა და დღეიდან, თავის საქმიანობაში, გაეროს გლობალური შეთანხმების ათ პრინციპსა და გაეროს მდგრადი განვითარების მიზნებს გაითვალისწინებს.   „ განათლების ხელშეწყობა, ინკლუზიური ბიზნეს გარემოს შექმნა საქართველოში და  ქალთა ეკონომიკური გაძლიერება ახალი ლიბერთის კორპორაციული მდგრადობის სტრატეგიის მნიშვნელოვანი მიმართულებებია. მოხარულები ვართ, რომ ვუერთდებით გაეროს...

რატომ ვერ იხსნება საქართველოში ტურიზმის პირველი უნივერსიტეტი?

რატომ ვერ იხსნება საქართველოში ტურიზმის პირველი უნივერსიტეტი?
access_time2022-07-05 16:00:39
თბილისში სასტუმროებისა და ტურიზმის მენეჯმენტის პირველი საერთაშორისო უნივერსიტეტი იხსნება, რომელიც ფრანგული ბიზნეს სკოლის – „ვატელის” ეგიდითა და ბრენდით იქნება წარმოდგენილი, „ბლოკ ჯგუფის“ და სეუ-ს ერთობლივი პროექტია. კომპანია „ბლოკ ჯგუფის“ აღმასრულებელი დირექტორი თორნიკე ჯანაშვილი „კომერსანტთან“ აცხადებს, რომ საწყის ეტაპზე საუბარია პროფესიული ტრენინგების დაწყებაზე, რომელიც Vatel-ის სასერთიფიკატო კურსები იქნება. 3, 6 ან 12 თვიანი კურსებზე სწავლის...

ბათუმში კორპუსის ჩამონგრევის საქმეზე დაკავებულებს სასამართლომ პატიმრობა მიუსაჯა

ბათუმში კორპუსის ჩამონგრევის საქმეზე დაკავებულებს სასამართლომ პატიმრობა მიუსაჯა
access_time2022-07-05 13:50:00
ბათუმის საქალაქო სასამართლომ პატიმრობა მიუსაჯა სამივე კაცს, რომელიც ამავე ქალაქში მრავალსართულიანი კორპუსის ჩამონგრევის საქმეზე იყო დაკავებული. გადაწყვეტილება დღეს, 5 ივლისს გამოცხადდა. 26 მაისის ქუჩაზე მდებარე 8 სართულიანი სახლის სადარბაზოს ჩამონგრევის საქმეზე დაკავებულთაგან: ზაურ ბუდაღოვს, პირველ...

მომატებული შემთხვევები, გადატვირთული კლინიკები, შესაძლო რეგულაციები - COVID 19

მომატებული შემთხვევები, გადატვირთული კლინიკები, შესაძლო რეგულაციები - COVID 19
access_time2022-07-05 14:30:00
კორონავირუსის შემთხვევების მატების ფონზე (2570 ახალი კოვინფიცირებულია ბოლო ერთ კვირაში), კლინიკებში კოვიდ-პაციენტთათვის განკუთვნილი საწოლები ბოლო რამდენიმე დღეა დაიტვირთა. მაგალითად, პაციენტების რაოდენობამ მოიმატა პირველ საუნივერსიტეტო კლინიკაშიც. ბოლო სამ დღეში კლინიკამ იმაზე მეტი კოვიდ-პაციენტი მიიღო, ვიდრე საწოლ-ფონდით იყო გათვალისწინებული....


მსგავსი სიახლეები

up