BAG-ი შრომის კანონმდებლობაში ინიცირებულ ზოგიერთ ცვლილებას ეკონომიკისა და შრომის ბაზრის განვითარების  მორიგ საფრთხედ აფასებს

BAG-ი შრომის კანონმდებლობაში ინიცირებულ ზოგიერთ ცვლილებას ეკონომიკისა და შრომის ბაზრის განვითარების მორიგ საფრთხედ აფასებს

access_time2020-06-17 13:55:07

საქართველოს ბიზნეს ასოციაციის ინფორმაციით, შრომის კანონმდებლობაში ინიცირებული ცვლილებები, რომელთა განხილვის დაწყება უახლოეს პერიოდში იგეგმება შესაძლოა კიდევ ერთ მნიშვნელოვან გამოწვევად იქცეს შრომის ბაზრისათვის, ეკონომიკისა და ბიზნესგარემოსათვის, რაც კიდევ უფრო დაამძიმებს ვითარებას. ვითარებას კიდევ უფრო ართულებს კორონავირუსის გამო არსებული რთული გამოწვევები.


„ბოლო სამი თვის განმავლობაში ბიზნესმა და დასაქამებულებმა ერთად ურთულესი პერიოდი გავიარეთ, შეუძლებელია იმის შეფასება, თუ რა ძალისხმევად, რა ფინანსური და ადამიანური რესურსების მობილიზაციის ფასად დაუჯდა თითოეულ კომპანიას ყოველი სამუშაო ადგილის შენარჩუნება და რაოდენ დიდი ტრაგედიაა თუნდაც დროებით დათხოვნილი თითოეული თანამშრომელი.


ჩვენ ყოველდღიურ რეჟიმში, შეუჩერებლად ვმუშაობდით ასოციაციის წევრ კომპანიებთან, აღმასრულებელ და საკანონმდებლო ხელისუფლებასთან, რათა მინიმალურ დონეზე მაინც შენარჩუნებულიყო კომპანიების აქტივობა და სამუშაო ადგილები ამ კომპანიებში. დიდწილად ჩვენ ეს შევძელით გაერთიანებული ძალისხმევით და ახლაც შეუჩერებლივ ვაგრძელებთ მუშაობას ეკონომიკის სტიმულირების მხარდაჭერ ღონისძიებებში აქტიური ჩართულობის გზით, რათა ქვეყანამ შეძლოს და სწრაფად დააღწიოს თავი ეკონომიკურ რეცესიას.


დღეს, ზემოაღნიშნულის ფონზე, შრომის კანონმდებლობაში დაგეგმილი ცვლილებების შედეგად ნორმირებული სამუშაო საათების შემცირება და ზეგანაკვეთური სამუშაო საათების ანაზღაურების ლიმიტის მკვეთრი ზრდა, მინიმალური ხელფასის სავალდებულოდ შემოღება და შრომის ინსპექციის მანდატის პრაქტიკულად განუსაზღვრელი გაფართოვება, გარდაუვლად გამოიწვევს სამუშაო ადგილებისა და ხელფასების შემცირების მორიგ ტალღას, სამომხმარებლო ფასების კიდევ უფრო ზრდას.



ამასთან, ძალიან სამწუხაროა, რომ ცვლილებათა პაკეტის ინიციატორებმა არ გაითვალისწინეს საქართველოს მთავრობის 2019 წლის დეკემბერში მიღებული უმნიშვნელოვანესი გადაწყვეტილება, რომელიც მსგავსი ტიპის ინციატივებზე რეგულირების ზეგავლენის შეფასების მომზადების ვალდებულებას ითვალისწინებს.


შესაბამისად, აუცილებლად მიგვაჩნია, თანამედროვე ევროპული პრაქტიკის შესაბამისად მოხდეს კანონის მიღებით გამოწვეული დადებითი და უარყოფითი შედეგების მიუკერძოებელი და მეთოდოლოგიურად გამართული წინასწარი შეფასება და საქართველოს პარლამენტში კანონპროექტის მხოლოდ აღნიშნული შეფასების გაცნობის შედეგად განხილვა.


აქვე უნდა ხაზგასმით აღინიშნოს, რომ ჩვენ ყოველთვის ვიყავით და ვრჩებით შრომით ურთიერთობებში დასაქმებულთა ფუნდამენტური უფლებებისა და საერთაშორისო სტანდარტების დაცვის ერთგული, ვუჭერდით და დღესაც ვუჭერთ მხარს ისეთი ტიპის საკანონმდებლო ცვლილებებს, როგორიცაა მაგალითად დისკრიმინაციისა თუ იძულებითი შრომის პრევენცია, საფრთხის შემცველ სამუშაო გარემოში შრომის უსაფრთხოების სტანდარტების გაუმჯობესება, დედებისა და ქალების შრომითი უფლებების მნიშვნელოვნად გაუმჯობესება, შრომითი დავების გადაწყვეტის მექანიზმების დახვეწა თუ სხვა.


ჩვენ კარგად გვესმის ისიც, რომ ქვეყანაში დღემდე გარკვეულ პრობლემას წარმოადგენს ზემოთ ჩამოთვლილი თუ სხვა, უკვე არსებული შრომითი სტანდარტების დაცულობა. ამიტომ კიდევ ერთხელ ვადასტურებთ ჩვენს სრულ მზადოფნას, რომ საკანონმდებლო და აღმასრულებელ ხელისუფლებასთან, სოციალურ პარტნიორებთან ერთად ვიმუშაოთ და დავხვეწოთ დღეს არსებული მექანიზმები, რათა დასაქმებულებმა შეძლონ მათი უფლების დარღევის შემთხვევაში დავის სწრაფი და ეფექტური გადაწყვეტის მექანიზმებით სარგებლობა“-აცხადებენ ასოციაციაში. 







TheTimes: ბიზნესმა ჰაკერებს გამოსასყიდის სახით 2019 წელს 25 მლრდ. დოლარი გადაუხადა

TheTimes: ბიზნესმა ჰაკერებს გამოსასყიდის სახით 2019 წელს 25 მლრდ. დოლარი გადაუხადა
access_time2020-08-03 19:55:48
კიბერ-დამნაშავეებმა 2019 წელს მხოლოდ ბრიტანულ ბიზნეს-კომპანიებს 250 მლნ. დოლარზე მეტი გამოსძალეს. ჰაკერები, ძირითადად  ცნობილ კომპანიებს რუსეთიდან ან აღმოსავლეთ ევროპიდან ვირუსული პროგრამებით უტევენ, შემდეგ კი ქსელებთან წვდომის აღდგენის სანაცვლოდ მათგან მილიონებს ითხოვენ. კომპანიებს მათი პრობლემების გასაჯაროება, მონაცემთა დაკარგვა და რეგულატორების მხრიდან ჯარიმების დაკისრება აშინებთ, ამიტომაც ისინი დღეს უფრო მეტად, ვიდრე გასულ წლებში, ფულის გადახდისთვის მზად...

საზმაუს შენობას აუქციონზე მესამედ 23 მლნ ლარის ფასდაკლებით გაიტანენ

საზმაუს შენობას აუქციონზე მესამედ 23 მლნ ლარის ფასდაკლებით გაიტანენ
access_time2020-08-03 15:15:25
საქართველოს საზოგადოებრივი მაუწყებლის ძველი შენობის გასაყიდად გამოცხადებული ელექტრონული აუქციონი კვლავ ვერ შედგა. ის 16 ივლისს დაიწყო და 31 ივლისს უშედეგოდ დასრულდა. ქონების საწყისი ფასი 110 343 600 ლარი იყო. შენობის გასაყიდად ახალი აუქციონი დღეს, 3 აგვისტოს გამოცხადდა. მაუწყებლის ფინანსების და ადმინისტრაციის ბლოკის დირექტორმა ნოდარ ჭიჭინაძემ აღნიშნა, რომ ქონების ფასი 10%-ით შეამცირეს ისევე, როგორც ეს პირველი აუქციონის დასრულების შემდეგ...

„ჩიკორი“ ხეხილის ბაღების გაშენებას გეგმავს

„ჩიკორი“ ხეხილის ბაღების გაშენებას გეგმავს
access_time2020-08-03 16:30:23
კომპანია „ქარელის ხილი“, რომელიც ბაზარზე „ჩიკორის“ ბრენდით არის წარმოდგენილი, სამომავლოდ საკუთარი ბაღების გაშენებას გეგმავს, - განუცხადა „ბიზნესპარტნიორს“ კომპანიის დირექტორმა ანანო ბეჟანიშვილმა. მისი ინფორმაციით, ამ დროისთვის კომპანია ხილს ადგილობრივი ფერმერებისგან იბარებს, პროდუქციის 10% კი საკუთარი ბაღებიდან მიღებული მოსავალია. „ჩვენს საკუთრებაში არსებული ბაღებიდან მაქსიმალურ მოსავალს ვერ ვიღებთ, რადგან ხეხილი ჯერ პატარაა. რამდენიმე წელიწადში მათი მსხმოიარობა...

რე|ბანკი 1 წლის აღსანიშნავად განვადებაზე უპრეცედენტო აქციას აანონსებს

რე|ბანკი 1 წლის აღსანიშნავად განვადებაზე უპრეცედენტო აქციას აანონსებს
access_time2020-08-03 10:15:13
რე|ბანკი აგვისტოში 1 წლის ხდება. ბანკმა გასულ წელს მომხმარებლებს სრულიად ინოვაციური საბანკო პროდუქტი შესთავაზა – ტოპ|ქარდი, განვადების შოპინგ ბარათი. ეს რეალურად ეფექტური 0%-იანი განვადების ბარათია, თუკი მყიდველი რე|ბანკის პარტნიორების დაწესებულ ვადებს დაიცავს. ტოპ|ქარდის განვადებით სარგებლობა მხოლოდ რე|ბანკის პარტნიორ ობიექტებში არ არის შესაძლებელი. მომხმარებელს ასევე შეუძლია, 45 დღემდე უპროცენტო გადავადებით, ეფექტური 0%-დან, ივაჭროს ყველგან, მათ შორის, ადგილობრივ და...

საქართველოში უმუშევრობის დონე კორონავირუსის პანდემიის გამო 12%-ით გაიზარდა

საქართველოში უმუშევრობის დონე კორონავირუსის პანდემიის გამო 12%-ით გაიზარდა
access_time2020-08-03 17:40:10
თვითდასაქმებულებზე კომპენსაციის სახით ჯამურად 48 048 300 ლარი, ხოლო დასაქმებულებზე 68 771 800 ლარია გაცემული. ციფრებით ადასტურებს, რომ პანდემიამ, უმუშევრობის დონე 12%-ით გაზარდა. სპეციალისტები ,,რეზონანსთან“ აღნიშნავენ, რომ ეს არ არის სრული სურათი და რეალურად უფრო მძიმე ვითარებაა ქვეყანაში. დასაქმების ხელშეწყობის სახელმწიფო სააგენტოს ინფორმაციით, 31 ივლისის მდგომარეობით, ჯანდაცვის სამინისტროს სარეგისტრაციო პორტალის მეშვეობით სულ დარეგისტრირდა კომპენსაციის მიმღები...


მსგავსი სიახლეები

up