შინაგან საქმეთა მინისტრის ვახტანგ გომელაურის განცხადებით შესაძლოა საერთაშორიო ძებნილად გამოცხდადდეს ზუგდიდში ბანკზე თავდამსხმელი ბადრი ესებუა, რომლის კვლასაც თითქმის ორი თვეა ვერ მიაკვლიეს სამართლადმაცველებმა.
„ძებნილად გამოცხადაა ეს ადამიანი, მისი ადგილსამყოფელის დადგენისა და დაკავების ღონისძიება მიდის“,- განაცხადა ვახტანგ გომელაურმა ჟურნალისტებთან საუბარში, კითხავზე არის თუ არა ამ მიმართულებით რაიმე წინსვლა, „ვერ გეტყვით“, - უპასუხა მან.
კითხავზე იგეგმება თუ არა ბადრი ესებუას გამოცხადება საერთაშორისო ძებნილად, შს მინისტრმა უპასუხა, რომ „ალბათ გამოვაცხადებთ“.
შეიარაღებული თავდამსხმელი, რომელსაც, ცეცხლსასროლი იარაღის გარდა, ხელყუმბარა ეკავა, 21 ოქტომბერს, დაახლოებით, 14:00 საათისთვის შეიჭრა ბანკში და 43 ადამიანი მძევლად აიყვანა. მძევლების ეტაპობრივად გათავისუფლების შემდეგ შეიარაღებულმა ნიღბიანმა პირმა, რომელიც 500 ათას დოლარს და უსაფრთხოდ გადაადგილებას მოითხოვდა, სამ მძევალსა და სამეგრელო-ზემო სვანეთის პოლიციის დეპარტამენტის დირექტორ ავთანდილ გალდავასთან ერთად დატოვა ბანკის შენობა. ისინი ზუგდიდიდან ავტომანქანით გვიან ღამით გაემგზავრნენ, გამთენიისას კი შინაგან საქმეთა სამინისტრომ გამოაქვეყნა ოფიციალური განცხადება, რომ ყველა მძევალი გათავისუფლებულია, მათ სიცოცხლესა და ჯანმრთელობას საფრთხე არ ემუქრება და ინტენსიურად გრძელდება ოპერატიულ-საგამოძიებო და სამძებრო ღონისძიებები დამნაშავის დასაკავებლად.
გამოძიება საქართველოს სისხლის სამართლის კოდექსის 236-ე, 323-ე და 329-ე მუხლებით მიმდინარეობს, რაც ტერორისტულ აქტს, მძევლების აყვანას ტერორისტული მიზნით და ცეცხლსასროლი იარაღის უკანონო შეძენა-შენახვა-ტარებას გულისხმობს.
radiotavisufleba.ge